هل سبق لك وأن ضغطت زر فرامل الطوارىء في المواصلات العامة؟
المواصلات العامة عنا فش فيها بكيت محارم ، بدك يكون فيها زر فرامل الطوارىء :)؟ بعدين هي بحد ذاتها طوارىء، بتركب فيها وإنت عارف إنك بين الحياة والموت، مش قصدي عن السرعة المتهورة هاي لحالها كوم - عندك باب السيارة ممكن بأي لحظة ما تشوفو إلا طار وإنت طرت برا السيارة كمان 🐸🔪 - مليون حفرة ومليون مطب في بالشوارع ( تقول يعني لما بدنا نتحضر شوي وندور على حلول للتخفيف من السرعة بروحوا بحطولك مطب ✋🏻) وكل مطب بتتحول السيارة لمركبة فضائية وإنت طاير جواها - بتكون قاعد بدك تعيش الأجواء وتحط إيدك عحفة الشباك بتلاقي مليون برغي جارحك 😂💔 - الشوفير الصبح بكون بإيدو قهوة والإيد التانية سيجارة وفي إيد تالتة ماسكة الجوال ومشغل أغاني مجوز والسيارة ماشية لحالها كيف ؟ بتعرفش الله وكيلك - بتكون سرحان بمستقبل إلي مش مبين خيرو من شرو فجأة ما بتشوف إلا بريك جايب أجلك وأجل مستقبلك معك حسبي الله شو الواحد بدو يقول يعني الواحد بقضيها ينطق بالشاهدتين وإلي بتستغرب منو إنك بتوصل بأمان بس مخضوض 😂😂😂 بروح تعبك وإنت صاحي من الستة تجهز حالك الشال خربان واللبسة كلها خربانة أنا عن نفسي بعتبر المواصلات خلاط كهربا
😂😂😂😂😂معلوماتي الشخصية عالفيس برعاية (كنك شاطر بتعرف مين أنا 😂😂😂💔) بالنسبة إلي ، الفيسبوك عبارة عن عالم وهمي مش وثيقة رسمية ولا شهادة ميلاد مطلوب مني أكتب فيه معلومات حقيقية ، مجرد موقع بقضي فيه وقت فراغي وبتهبل وبطلع بس عفكرة اسم الجامعة والتخصص والمدرسة صح ، اللهم بس اسم البلد لأني بكرهها😂😂😂😂😂 فحطيت طرابزون بلد بتركيا .