الاُم بعد ماتفقدها مافي شيء يعوض عنها ، آمان الدنيا كلو مجتمع فيها. يضيع الحكي وتتسارع دموعي بس يجي عبالي عظمة الام ومكانتها وكيف تعبت كم شهقت و كم زفرت وكم بكت وناحت وقد ايش توجعت وتالمت عشان تطلعنا لهالدنيا . شعور الامومه طاغي عليّ أكثر من كوني صاحبه او اخت الله الشاهد انهم لمن يتوجعون مره اتوجع الف ، الله لايحرمني لذّة هالشعور.
شخص يوعد ويوفي حتى لو حال الفراق بينا . انتو ماتدرون بحجم الالم اللي تتسببونه لنا بَ وعودكم المنكوثه عمرك فكرت بعمقه ، والفتره اللي اسد فيها هالفراغ واتناساه اتناسى جرحي وهو ينزف عمرك فكرت فيني والترميم اللي ارمم فيه نفسي . خلك من ذا كله الوقت اللي يروح والسنين اللي تمر وانا ع هالحال وبس بَ نسمة عطر بمكان مزحوم تألم لي جرحي ويلتهب يعني كل اللي سويته راح ومافاد بَ شيء وارجع من اول وجديد ارمم انعزل عن الكل وابدا اصلح بنفسي واجمع بَ شتاتي . كل ذا عشان وعد .مو محتاجين قرب احد وحتى انتو يا اقرب الناس لنا انا عن نفسي اعنيها حرفياً . تقدر تسوي الخير وتسعد اي شخص حتى وانت بعيد عنه جرب طرقُ ثانيه و لاتوعد عشان ماتضر نفسك وتضره . اكثر شيء ممكن يتعبنا الامل اللي نبنيه ع الوعد وثقتنا بالناس اللي اندثرت وصار بمكانها خوف منهم خلوكم منا طيب الايام اللي تخليناها معاكم والمستقبل اللي رسمناه عليكم عن طريق هالوعود . ح نضل نتعذب فيهم نسجن انفسنا بذنب المتسبب فيه انتو والمذنب ثقتنا الزايده فيكم . قبل توعد حط ببالك انك جالس تعطي لهالشخص عهد بانك توفي بشيء وتوجبه ع نفسك و تذكر قول الله تعالى ( كبر مقتاً عند اللهِ ان تقولوا مالا تفعلون ) ، و قول الرسول صلى الله عليه وسلم ( اذا وعد احدكم فلا يخلف) / ( العدةُ دين ) .وتأكد حتى لو هالشخص بيسامحك ع خلفانك لَ وعدك بتضل بقلبه الحرقه والثقه اللي كانت بشكل كُلي تلاشت وصارت جزئيه مع حواجز لا تُحجم.
انو لمن تفكر بالشخص تنام وتحلم به او شيء مثل كذا ، آمنت بكل الخُرافات والخُزعبلات المهم القاك جربت كل شيء و والله العظيم ليوم واحد ماغبت عن بالي و الساعه اللي اغفل فيها عنك وما اذكرك وادعيلك الوم نفسي وما اسامحها ممكن ربي ماكتب لي اشوفك وممكن انت ماتعرف مين انا وباسمي ايش اسوي كل هذا يكفي اعرفك كويس والمك بدعائي واحاول قد ما اقدر افرحك بوحدتك ، انا نفسي اجهل سر تعلقي بَ فقيد مُفارق للحياه اجهل اصراري فِ اني القاك او اشوفك بحلم راضيه بطيفك حتى احببك وماعرف اساس هالحب ايش ومو هامني اعرف قد مو هامني اني اكون جمبك وماخليك بوحشتك احنا سوا بينا الارض بس انا فوقها وانت تحتها اتمناك مرتاح ومو حاس بهالمسافه كثر ما انا حاسه فيها و موجعتني. يارب ما انساك ويارب كل يوم يزيد تعلقي فيك يارب يجمعني فيك ، الله يرحمك ويغفرلك ويسكنك جنات النعيم .
اجمع ريم بأبوها . اللهم أسكنه فسيح الجنان واغفر له يارحمن وارحم يارحيم وتجاوز عما تعلم ياعليم .اللهم اجعله في بطن القبر مطمئن وعند قيام الاشهاد أمن وبجود رضوانك واثق وإلى أعلى درجاتك سابق . اللهم انه جاء ببابك وأناخ بجنابك فَجْد عليه بعفوك وإكرامك وجود إحسانك .اللهم اجعله في جنة الخلد التي وعد المتقون كانت جزاءً ومصيراُ لهم ما يشاءون وكان على ربك وعداُ ومسئولاً .
مرات كثير نحس انفسنا مبليينن بِ "لعنة حُب" ! يعني مانلحق نقول بطلنا نحب الا ولقينا انفسنا متوهقين بحب اكبر من اللي قبله . ياهه وبعدين مع هالقلب ، شَ النهايه ح ضل طول عمري من حب لَ حب ! لاء يا ابوي انت موب تحب انت تعاني من فراغ عاطفي كبير ! عشان كذا لمن تحكي انك تحب شخص واعطاك غيره اهتمام اكثر منه ح تحب صاحب الاهتمام الاكثر غصب عنك ح تلاقي عمرك تميل له او مثل ماتحكي انت صرت تحبه . اذ انت ما اشبعت النقص اللي فيك ايه ح تضل طول عمرك كذا اذ بنفسك مامليت هالفراغ ماح تلاقي اللي يملاه لك بشكل دائم. أنت مو محتاج احد محتاج نفسك ، نفسك وبس . اصدق معاها تخلص من اللي فيك قبل لايصير مرض وماتقدر تتخلص منه بالمره ، كل مابديت تصلح بنفسك أبكر كل ماكان الأثر أكبر.
الكتمان . ﻻ جد يعني لمن متى ح نكتم ترا محد ماكلها غيرنا. نتعب وناكل بأنفسنا ونبكي وماننام وهم مايدرون ؛) طيب ليه ! ليه مانروح نحكيلهم ونصارحهم ترا عادي والله شَ احسن يكون مابقلبك شيء لَ احد او عليه ! طيب لو راح ؟ الحكي اللي خبيته له بصدرك مين ح تعطيه. ح تضل تتعذب بغيابه وتتعذب ع الاشياء اللي له بقلبك . شوي شوي ح ياكلك التفكير لحد مايبقى منك شيء ! التفكير ممكن يهنيك ؛) ! ومعد ح تضل تشوف جمال الحياه. حتى لو هالشخص اللي تحبه مو متقبلك عادي اهم شيء تطلع اللي بقلبك ﻻتسكت ﻻتسكت ﻻتخلي شيء بقلبك زين شين قله ﻻتجني ع نفسك بنفسك لسى الحياه حلوه ولسى في ناس يبونك ويحبونك ! ابوي دايم يقول "كلمه تسحتي منها بدها" دايم خل الحكي اللي تسحتي منه بالمُقدمه هو الاولى انه يطلع عشان ما يأثر ع الحكي الباقي ويضل كله ! صف حكيك كله ورح حاكه كلمه وصارحه بكلش ﻻتموّت نفسك بنفسك وﻻ تجيب لعمرك شغلات انت بغنى عنها ! مرات الشخص اللي نحبه مايبي يسمع اوك عادي ترا ادخل الملاحضات واكتب كلش ﻻتخلي وﻻ تبقي اي شيء بقلبك اكتبه وعادي ابكِ وسو اللي انت تبيه المهم ترتاح بعد كذا امسحها كلها او ممكن تخليها عشان تضحك ع نفسك. صل ركعتين واقرا قران بتستوعب تفاهت الدنيا والله مافيه شيء مستاهل ليه احنا نكبر كلش والله ما امرضنا غير انفسنا وﻻ وصلنا لَ هاللي وصلنا الا بِ رضا منا -قال تعالى "ما أصابك من حسنة فمن الله وما أصابك من سيئة فمن نفسك" تأكد مافي شيء ح يقدر عليك من غير اذن منك.
انك تحاول تكون شخص سيء أسوأ مما انت عليه. موب عشان شيء بس عشان انت مليت مو بس منه من كل شيء لأن كل شيء صار مُمل وﻻ في أي شيء يثير الأهتمام.انت سيء بعد ماتركوك وتحاول تكون سيء اكثر عشان اللي ضل معاك يقرر يروح ويطلعون كلهم مره وحده من حياتك ويصير ألم واحد ويموتك مره وحده بدال الألف.
\ \لا إله الا انت سُبحانك إني كُنت من الظالمين "ثلاثاً" . فقد قالها نبي الله يونس "ذا النون " وهو في بطن الحوت {وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ} [الأنبياء : 87] *وكانت النتيجه* (فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ)سورة الانبياء،اية 88 . ف نجاه الله من ثلاث ظلمات و هى ظلمة الليل وظلمة البحر وظلمة بطن الحوت . *ورد من الأثر* عن سعد بن أبي وقاص رضي الله عنه عن النبي عليه الصلاة والسلام قال" دعوة ذي النون إذ هو في بطن الحوت ( لا إله إلا أنت سبحانك إني كنت من الظالمين ) لم يدع بها مسلم ربه في شيء قط إلا استجاب له" . وهذه العبارة العظيمة تحوي ثلاثة أقسام 1. توحيد : لا إله إلا أنت 2. تنزيه لله جل جلاله : سبحانك 3. إستغفار وتوبة وندم : إني كنتُ من الظالمين .لها فائدة كبيرة في إجابة الدعاء و تفريج الكروب لكل من حافظ عليها فاجعلها من أذكارك اليومية .