الابرة الطبية البعض يخاف منها ويمه ياويليه ويمسكونه وخطر يربطونه والبعض ماهو عادي لكن يسكت ويسوي نفسه مشغول يالله خلصوا اضربوني فيها بنمشي وبالاخير تصوره والبعض عادي يعني شكة دبوس والسلام كيف تعاملك معها ربي يلبسك الصحة والعافية ؟
لحبة الخال مسميات كثيره منهاشامه او وحمة اوحسنه والبعض عنده خلقه من ربي والبعض يضعها ومن الجديد حبة خال بالالماس كيف ترينها من ناحية الجمال وهل تزيلينها او تضعينها؟
النظافة يتعامل معها البعض بوسوسة لدرجة مايستعمل دورة المياه خارج منزله والبعض يحرص عليها والبعض يظهر قرفه من الاخرين عند اي ملاحظة تخص النظافه والبعض ممكن يصرخ في اي مكان عام اذا لاحظ عدم نظافة في من يتعامل معه من ايهم انت؟
الميلاد وهو المناسبة السنوية لذكرى ميلادك مانبي نقول عيد ميلاد لان مافيه اعياد الا الاضحى والفطر لكن اهتمامك بهاليوم مهم عندك تعملين فيه مناسبه وتتقبلين فيه التبريكات والهدايا او يوم عادي يمر بدون ماتحرصين عليه وهل ينكر عليك الاخرين اهتمامك فيه
نهاية الاسبوع ومرتبين انفسكم على زيارة اقارب او طلعة ويجي اتصال لامك ان احد قريباتها بيزورنكم وبيتعشون عندكم ترحبون فيهم او تجلسون بالغرفة اضراب عن الاستقبال او استقبال مع برطمه او وش ردة فعلكم؟
قبل السفر البعض يبقى متنرفز ومعصب ولايهدا حتى يبدأ السفر والبعض يرتب اموره قبل وياخذ الاغراض اللي بيكون محتاجها وعادة حاجات بسيطة بس تنسى مثل الشاحن والفرشة ووو والبعض عادي عنده لانه متوكل على غيره يسوي كل شي له وهو بس ينتظر مشينا والبعض يجهز نفسه قبل السفر بوقت قصير وبسرعه بسرعه انت من ايهم
بالمقهى او بالسوق او المطعم كنتي متوقعه معك فلو س لما جيتي بتدفعين الحساب الا مافيه فلوس كيف تصرفك تتسلفين من اللي معك او تطلعين من المكان وانتي مبرطمه وتلحطمين او ايش تصرفك؟
مناسبات الزواج البعض يفضلها عائلية والبعض مختصرة والبعض يفضلها شنة ولها رنة وتكاليف مالها اول ولاتالي عشان نكون احسن من عرس فلانه ماهو اختيارك اذا الزواج لك اولاختك او اخوك ربي يبارك لكم؟
لو لي ماراح اكلف على زواجي قروض مالها اول وﻻ تالي وبعدين اذا كلفت عليه كل ماقتلها شئ يقولي القروض ماانتهت واعيشها بتعب على قد اللي عنده يسويلي ازواجي وربي يسعده ويخليه لي