انا بقالي 4 شهور بدور على شغل وروحت مقابلات كتير جدا وامتحانات وغيره
وكنت بصلى قيام ليل ومازلت ولكن بقالي فتره منقطع ومش عارف اي السبب
نفسيتي تعبانه تعبت من ضغط البيت والاهل والظروف نزلت لفيت في كل حاجه ومفيش
هو الحمد لله
انا بطلب اي حد بيصلي قيام يدعيلي يستجيب دعائي ويرجعني أصلي قيام تاني
قاوم وقوم وارجع لربك الرزق بايده هو وكل حاجه ليها وقتها وبتيجي فيه دا ابتلاء اصبر واحتسب وقول ي رب وان شاء الله هيرزقك بالخير
ربنا يرزقك من رزقه ويفتحلك ابوابه انت وكل اللى زيك
راجع ال c.v بتاعك دى اول حاجه وحاول تذاكر المجال الى انت فيه كويس واسمع كورسات علشان لما تروح امتحان تقدر تحله كويس
لو قريب من مدينة نصر كلمني
متيأسش كمل سعي ودعاء وخلي إيمانك بربنا أقوي من الظروف والضغوطات وكل حاجة صعبة بتواجهك..
صلي ركعتين بنية قضاء الحاجة
وقيام الليل لو ركعتين بس تشكي لربنا فيهم وتبكي هتحس إنك بقيت أهدي من جواك حتي لو مفيش حاجة أتغيرت وبإذن الله كل حاجة تتغير للأحسن وربنا يكرمك ويرزقك من وَسع
كمان أستغفر كتييييير ..كتير جدًا، طول ما أنت قاعد أستغفر خلي فيه ورد أستغفار ثابت في يومك بليل بديل لقيام الليل وعلي فكرة أنت ممكن تقيم الليل بكذا طريقه.. يعني الدعاء، الذكر، الإستغفار، التسبيح.. قراءة القرآن.. ده كله قيام! مش بس الصلاة..
وأعمل ورد صلاة عالنبي سواء معدود بخاتم تسبيح أو غير معدود يعني طول مانت قاعد لسانك شغال صلاة عالنبي عليه أفضل الصلاة والسلام😊😊
أنت بتسعي لرزق حلال وربنا هيعينك خليك مطمن إن ربنا مش هيضيع سعيك وتعبك
كنت سمعت قصة جميلة جدا لواحد شاب كان نفسه يتجوز ومش عارف بيشكي لشيخ مشكلته دي فقاله يقول دعاء واحد بس
"يا حي يا قيوم برحمتك أستغيث أصلح لي شأني كله ولا تكلني إلي نفسي طرفة عين"
هما شهرين بس ألتزم بالدعاء ده في قيام الليل وكان ربنا كرمه،
برضه لما تلاقي نفسك مستهلك وهلكان ومش قادرة عالعبادة ردد الدعاء ده
" اللهم إني أبرأ إليك من حولي وقوتي إلي حولك وقوتك، فلا حول لي ولا قوة إلا بك"
كلمة لا حول ولا قوة إلا بالله هتجدد طاقتك وتمدك بالقوة علي مواصلة السعي وهي كنز من كنوز الجنة و دواء من ٩٩ داء أيسرها الهم. 🤗View more
يا رب ترجع تصلي قيام تاني
دا بروفايل حد بينزل وظايف كتير لو هيفيد
https://www.facebook.com/abdelwakeelali?mibextid=ZbWKwL
+ 2 💬 messages
read all
قيام اللي صلاة جميلة بالذات لما تستحضر قلبك بتحس الدنيا مش سيعاك، بس الصراحة مش عارفه ليه كل فترة بيحصل فيها سقطة كدا ان الواحد يعرض عنها و تبقي نفسيته وحشة بسبب كدا ، معنديش تفسير غير انه شيطان فالحل انك تتغلب علي نفسك مهما كنت مكسل أو تعبان و ربنا هيعينك ان شاء الله و ييسرلك أمورك كلها
ربنا يفرج همك يارب ويفك كربك ويصلح حالي يارب
أنا فضلت ٧ شهور بدور بردو وحمد لله فى وقت غير متوقع ربنا كرمنى
يارب يرزقك بحاجة مناسبة تليق بيك بحق الايام مفترجة دى
مخلص ايه وسنك كام سنه وساكن باي محافظه
رد بسؤال لان الانسر مش شغال عندي
