تخيل معاي مثلا انك لقيت قدامك مسار معبي جمر. خطيت الخطوة الأولى وما حسيت بشي. الخطوة التانية مافي شي. لكن لما وصلت نص المسافة حسيت الجمر بدت تزيد حرارته تدريجيا. شن اتدير. توخر وتنسحب ولا تكمل المسار للنهاية،
سؤال غريب شوية. هو مفروض يكون سؤال مجرد لكن مش هلبا ناس تفهم التجريد فهذا احسن مثال
نكمل في الحالتين بننحرق 🔥
ماهو ع حسب الطريق اللي ماشيه فيه
اني لو ماشيه طريق لشهادتي وشيء نعرف نهايته شنوا رح نعفس اكثر واكثر واكثر ونتحمل الالم وسيوره تلتام الجروح لما نحصل شهادتي وشن نبي💪
بس لو الطريق نهايته عارفتها مش رح تعجبني رح نوخر لانه اللي يوخر من نص الطريق كأنه مامشاش فيها اصلا 👌👌👌
تقريبا حنكمل لنهاية الطريق ?
عَ حسب نهآية آلطريق شنو لو نعرف إنه طريق يستحق نتحمل آلجمرآت آللي فيه ( عترآت آلحيآة) وآلطريق هذآ أنّـآ آللي آخترته بإرآدتي فآ عآدي نجآزف ونكمل لي نهآية آلمسآر مهمآ كآنت آلنتيجة ✋🏻
بما انه ضيعت وقتي ووصلت للنص اكيد حنتحمل ونشوف شن نهاية المسار هدا .
مدامه وصلت لي نص المسافه ف راح نكمل مستحيل نرجع
نكمل بس مش للطريق الموازية ناخد يمينى ونختار طريق اقل وجع بس اكيد ح نتوجع وانا نغير ف طريقي اللي كنت نبي نوصل لنهايتها ننحرق نصي خير مانبشمط روحي ??♀️
انكمل الطريق ??♂️ لأن وصلت للنص وحتي بنولي نفس المساافة ? وهده إجابة سؤالك المجرد ??
أنا هذا الي صايرلي في الهندسة واصلة نص المشوار وهذا وين حسيت بالصعوبة ومعاش عندي خلوق🤣💔💔
لكن تكمل المسار وتتوكل ع الله و أستعن به في كل الامور باش تتيسر بإذن الله 🤲🏻
لو كان نهاية المسار شي نبيه بنتحمل و نكمل لاخر الطريق ما فيش شي يجي بالساهل
و كان ما فيش شي مهم نولي بس فوق عناد مرات نكمل?
