سنعيش مآ گتب لنا 💚
💚💚
ششروقآ 😇
+'
-
مع الوقت..
بتصير تعرف أنه الإنجاز الحقيقي بالحياة،
مش أنه تركب أحسن سيارة ولا تسكن أحلى بيت، ولا تعلق أكبر كم من الشهادات ولا توخذ أعلى معاش ولا تشتغل بأفضل مهنة..✋️
الإنجاز الحقيقي إنك تقدر تصحى كل يوم وأنت تشعر بالرضا والكمال مع حالك، حياتك وإختياراتك بغض النظر إذا الناس شايفينهم فشل أو نجاح، المهم شعورك أنت عن حالك بوسط كل معارك حياتك..
بس أنت بتقدر تحدد بناءً على شو بتواجه، وواجهت إذا أنت ناجح أو لأ، مفاهيمك وتقييمك بناء على حروبك الداخلية والخاصة وتقييم الناس بناء على سلم نجاح وفشل عام ومعمم ومش بالضرورة يشملك. 👌
ديففوو 🌼💜
+'
-
أغلب علاقاتي إنتهت لأني ما بعرف أبادر لحالي، ما عندي القدرة على أني أكون لزقة، يا نبادر كلنا يا بلاش، وهذا الشيء أبداً مش مقصود، صار روتين.
ملآك 🌼💜
+'
-
اذا انتو اثنين بالعلاقه "اخ واخت، صحاب ،احباب" او ايا كان نوعكم، وما في بينكم مشاكل ومفكرين انكم عميقين ومخلصين؛ فانتو اكيد لسا ما جربتوا قلة اصل بعضكم بس يدخل الطرف الثالث بالنص.
رح تندهشوا من سرعة الركن عالرف! وتكتشفوا انكم استمريتوا بعلاقتكم مده طويله بس لأنو انتو الموجودين وما في غيركم.
بس بقول 😌
انوآرر لألكك ؛ 👊💜
+'
-
لما تكون البنت كثير واثقة بحالها، راح تصادف بطريقها ناس هدفهم بس يخلوها تفقد هالثقة.. يحبطوها، يدمروها..
يخلو ملامحها كئيبة، بس هي ما لازم تسمحلهم يأثروا فيها، ما لازم تحقق أمنيتهم بشوفتها مكسورة.. لازم تكون قوية .. أقوى منهم. هون بتبين ثقتها الحقيقية عنجد، لما ما حدا يهز طرفها ولا يأثر فيها.. لما تكون ثقتها أكبر من الي بيحاولو يدمروها، لما تكون قد حالها.. وما تسمح لحدا يطفي بريقها ولمعة عيونها، بالعكس تزيد جمال وثقة..
تكون مثل الجبل، ما يهزها ريح ❤.
جآهدةة ؛ 🙏
-
شايفين البنت القوية؟
هاي البنت ما صارت قوية ببلاش، ولا تغيرت بيوم وليلة.. هاي البنت شافت كتير بحياتها .. عانت كتير، ياما انحرق قلبها، ياما انصدمت بناس وياما بكت حسرة وخوف!
مرت عليها ليالي ما بعلم فيها إلا ربنا ومواقف تخطتها لحالها. أحلام انكسرت قدام عيونها، ناس خسرتهم ورا بعض، فشل كبير مرقت فيه.. وموجة احباط من كلشي حوليها لحتى صارت هيك.
هاي البنت صارت قوية لأنها اكتشفت انه الضعف ما بيفيدها بشي، وانه بزمنها وحدُه القوي اللي بيقدر يعيش ويجتاز مرحلة الحياة بنجاح..
لأنها اكتشفت انه القوة هي خيارها الوحيد مشان ما يتكرر معها الوجع اللي صار معها، صارت بطلة نفسها، صارت تحمي حالها بحالها، صارت تدافع عن حقها بإيدها لأنه لو عملت هيك، راح يضيع حقها. ❤
قيصرر يخووي ونت بآلفف خيررر ي غآليي ؛ 😍❤
+
-
خليي' اللي يقععد مععاكك يتمنى صحبتكك ^$
وخليي آللي بسسمعع عنكك يتمنى يشووفكك ؛ 😻💚
آنـوآرر يسسععدكك ")
+'
-
يما اعطيني مصاري بدي اطلع مع صحابي؟
يما يا حبيبي معيش مصاري؛ والله يرضى عليك بلاش تطلع الليلة ...
يا الله يما انا بدبر حالي ...
حبيبي تتأخرش !
طلع محمد من البيت، امه قاعدة بترتب بغرفته، لأنه نسي يرتبها قبل ما يطلع، مسكت كتابه الي حاطه على التخت؛ فتحته، لاقت ابنها حالل الاسئلة؛ رضيت علي؛ وسكرت الكتاب وحطته جنبه...
صارت تتخيل لحظة الي رح ينزف خبر نجاحه بالتوجيهي،وتحكي هاد وحيد امه، هاد روحها لأمه، الا اعمله حفلة ما صارت ....
خلصت ترتيب غرفته وطلعت تعمله العشا الي بحبه، عصرتلو كاسة برتقال؛ وحطتها، واجت بدها ترنله ....
بس قبل ما ترنله رنولها، خافت شو صاير؟
محمد عامل مشكلة؟
والله ابني بعملش مشاكل؟
احكولي ضرب حدا، طيب ليش بردش علي ....
يخالتي ابنك شهيد!
صارت تدور بعيونها، يحرام مين الي ابنها استشهد، الله يصبرها، بس وين ابو صالح؟
حكولها كمان مرة زغرتي انتي ام الشهيد ....
اطلعت فيهم لسا ما طلعت نتائج التوجيهي، لسا مش وقت الحفلة لازغرت ...
صارت تهلوس ، ابو صالح تعال انا كذبت عليك؟ كان معي مصاري بس عشان لا تتأخر ...
ابو صالح عليك توجيهي يما ....
صارت تصرخ ومش عارفة شو تحكي ...
تخيلت محمد وهو ملقب حاله ابو صالح ...
تخيلت صالح الي كان رح يكون ابنه، وهو بركض بعيد عنها....
تخيلت غرفته الي رتبتها انها ما رح ترجع تتكركب، تمنت لو ضلت مثل ما هي....
تخيلت كتابه الي معلم الصفحة في ليرجع يدرسها، رح تضلها معلمة كثير ...
كانت معها امرأة قوية كثير؛ لما شافتها هيك دمعت، حاولت تمسك حالها، ما قدرت، تروح تحاول تهديها؛ ولما تشوف الوجع ب د . ليلى غنام بتعرف قديش هالوجع كبيييييييير ....
حبيبتي يا ام الشهيد سامحينا ، والله ما رح نقدر نعملك شي ولا نرجعلك ابنك؛ ولا ذكرياتك وسهرك علي بالليالي ...
عرفتوا شو الوجع الحقيقي !
تربي ابنك وتحرم حالك من كل شي وبلحظة !
يخالتي ابنك استشهد!
الله يصبركك ويكون معككView more
آسسرآء ؛ 😍
+'
-
في الوقت اللي بتظن فيه إنك تخطيت شخص ونسيته، بتخيب أملك أغنية.
وبالفعل! لانه دايماً الموسيقى والأغاني بترجعك لأشياء قديمة كنت مفكر إنك ناسيها وما كنت تتوقع إنك رح تشتاقلها بيوم.
بتصفن بكلمات الاغنية واللحن، بتلاقي حالك رجعت اشتقت.
الموسيقى حركت مشاعرك وحننت قلبك، حننت فيك كل اشي، واال رجعت تذكرته؟ مع انه هالشخص انتهى وراح زمان. كنت مفكر انك نسيته وأنك طويت الصفحة وبديت من جديد.
بس رجعت تذكرت هديك الايام، هديك الرسائل والكلام، الذكريات اللي جمعتك فيه واللحظات اللي عشتها معاه، تذكرت حرقه أعصابك ودقات قلبك لالو، كم مرة كنت تحاول تجمع كلمات وترتبها عشان توصله مشاعرك وتعبر عن اللي في قلبك بس كان يخونك أحياناً التعبير.
تخيل أني لغايه اليوم مفكر إني ناسيك؟ بس للاسف خيبت ظني اغنيه لاني بمجرد ما سمعتها رجعتني لألك ولأيامك.
كنت مفكر إني لما اتعرف واعيش مع الناس واشخاص جداد رح انساك، رح ينسوني اسمك وكلامك وذكرياتك والايام اللي عشتها معك.
بس بتعرف شو؟ اكتشفت أني ما نسيتك، انا فعلياً كنت احاول الاقيك فيهم، اعيشك من خلالهم، أدور على حد يشبهك واتمسك فيه.
خلص خلص خليني أوقف الاغنيه وارجع اعيد السيناريو والحكي اللي دايما بحاول اراضي ضميري واقنع عقلي فيه؛ * مش انا اللي بشتاق ومش انا اللي بحب وبحن، انا حد قوي ومش محتاج حدا، انا رح أضل سند لحالي، مش مشكله اللي راح الله معو، ايوا.. هي هاي " اللي راح الله معو".View more