@ModyElamer

Mahmoud ElAmer (Architect)

Ask @ModyElamer

Sort by:

LatestTop

Related users

ثقتي اتهزت ف كل ال حواليا الانسان ال معايا .. مبقاش موجود زي الاول ولا بنتشارك يومنا زي الاول ولا بقيت بتقبل لما يكلمني يسالني ع تفاصيلي ولما احكيها لازم الاقي اعتراض عليها وبيغيب عني بالساعات ولو انا غبت يبعت كل شوية ويتصل بدأت اتضايق م الوضع الفرق بيني وبينه ١١ سنه وانا اكبر .. عنده ٢٦ سنه

مش كتير ١١ سنة فرق وانتى الأكبر!

+ 11 💬 messages

read all

عايزه اطلع اللى جوايا لانى مش لاقيه حد احكيله انا ف رابعه كليه وامبارح كان آخر امتحان ليا وروحت متأخر غصب عنى والدكتور مرضاش يدخلنى الامتحان وشيلنى المادة من غير م امتحنها وبعد م كان دا اخر يوم ليا ف الجامعه بقيت شايله ماده وكل الاستوري تايم عندي زمايلى وهما فرحانين بالتخرج وكل م اشوفهم ازعل ع نفسى

متعرفيش ربنا شايلك ايه مكانها مش هقولك متزعليش علشان مش بايدك اكيد بس انتى عملتى اللى عليكى وان شاء الله ربنا هيعوضك بالاحسن ليكى

دايمًا بكسر خاطر ماما رغم اني شخص طيب وبيراعي الكل الا هي مش قادره اسامحها علي اللي حصل زمان واني عمري ما حسيت انها امي هي بتحاول تقرب دلوقت بس انا مش قادره وف نفس الوقت خايفه افقدها واندم بعدين النهارده بالذات جت تقولي عايزه اقعد معاكي وهاتي بوسه مشيتها بس قلبي مقبوض خايفه اوي

اتمنى انك تفوقى لنفسك قبل ما تندمى بعد فوات الأوان

لو في شاب كويس ومحترم وابن ناس اووي ومتربي احسن تربيه وبيصلي واجتماعي وموظف وظيفه كويسه وكسيب وعنده شقه متشطبه وعنده عربيه ويعرف يفتح بيت بس بيدخن هل دا سبب انه يترفض ؟ يعني في كل الصفات دي وبيدخن ممكن يترفض عشان التدخين من قبل ما تشوفه حتي ولا تقعد معاه وتتكلم معاه !

ايوه اكيد كل واحد حر فاللى هيرتاح فيه

● مفيش حد بيحط نفسه مكانك علشان يحس بلي أنت فيه كلمة أنا حاسس بيك دي كدبة كبيرة ومينفعش تتقال 👌👌

ومحدش فالدنيا مُطالب يحط نفسه مكانك او يحس بيك بس بتكون محاولات للتخفيف عنك لو يهمه أمرك بس فى ناس جاحدة متستاهلش حتى مجرد التعاطف معاهم

بنت خالتي ابنها كان عنده ٣ سنين واتوفي منهم لله اللي كانو السبب ، المهم الموضوع دا عدي عليه سنه دلوقتي ، اختي قربت تولد وهتجيب ولد بإذن الله ونفسها تسمي أيوب اوي بس الطفل اللي اتوفي كان اسمه أيوب وهي خايفه تسميه كدا عشان بنت خالتي بس نفسها تسميه الاسم دا ، انتم رايكم اي بدون تجريح في الكلام فضلا؟؟

لو كان ابن اختك اللى مات وبنت خالتك حامل وسمت أيوب واختك ده مش هيدايقها او يزعلها خليها تسمى نفس الاسم إنما لو ده هيزعلها وهيدايقها فبلاش تعمل فيها اللى هيا متحبش يتعمل فيها والحمدلله الأسماء كتيييير اوى مش واقفه على اسم واحد فالدنيا

لو بحبه وبيحبني، بس طول الوقت ببقى حاسه إني استاهل يتعملي اكتر، وان اللي بيتعمل عشاني قليل . أنا والله ما ببص لحد ف حياته، بس انا حتى لما بشوف اي اتنين مرتبطين بحس إن ناقصني حاجات كتير.

مفيش حاجة هتملى عينك 🤷🏻‍♂️

Next

Language: English