نصيحة !
كلما ضاقت بك الدنيا، ساعد إنسان لا تعرفه
Ask @Mohamed_Kobesy
انا صحبتى شمال شوية بس هى اجدع صحابى هى سمعتها مش حلوة اوى وانا بحبها جدا لانها جدعة و بتعتبرنى اختها حرفيا مع انى مش زيها خالص و هى بتتغير للاحسن هل اسمع كلام الناس و ابعد عشان نفسسى قدام الناس ولا اعمل ايهه
لو صاحبتك فعلا حاولى انتى تغيري فيها وتاثري فيها، ممكن تكونى انتى السبب فى التغيير ده ، هى مش هتستفيد حاجة لو انتى بعدتى عنها وانتى كذلك ، حاولى يكون وجودك ليها كصاحبة داعم ليها وحافز انها تتغير ، صحابنا كلنا بيكون فيهم تقصير وحجات ممكن تكون بالنسبالنا مش كويسة بس الصاحب الحقيقي هو اللى ازاى يقدر يطور من زميله ويكسبه صفات هو حاببها تكون فيه ، وده طبيعة النفس البشرية عامة يعنى كلنا فينا عيوب ومميزات لو كل واحد قال لا وانا ليا بنفسي مفيش حاجة هتتغير ، ان شاء الله ربنا يهديها وتكون افضل
صلى علي من بكي شوقا إلينا (ص)
عليه افضل الصلاة واتم السلام
Related users
ايه الاشخاص اللى ممكن تحبها وتكون قريبة منك
مش عارف ايه ممكن يكون مضمون السؤال، بس ممكن الاشخاص البسيطة يعنى والاشخاص اللى بتكون داعم ليا الى حد ما بحبها جدا يعنى ، الاشخاص النقية طبعا واللى مش بتحبك او بتكون معاك علشان مصلحة، الاشخاص اللى بتفتكر ليك الكويس قبل الوحش والاشخاص اللى بتسامح ، الاشخاص اللى تحسها جدعة في كل حاجة
مساء النور على الحلو الامور ❤
مساء الفل على حبيب الكل ❤
والدك شغال اي ؟؟
الله يرحمه والدي ، بس ليه السؤال يعنى
ربنا يزيدك بجد ويجعل اللى بتعمله ده فى ميزان حسناتك ❤️
امين يارب واياكم ، لا انا معملتش حاجة يعنى ، ربنا يعلم بيكي ان شاء الله ويعلمك ويوفقك
عامل اي ❤️
تعبان
سالتنى سؤال فى الانترفيو الاخير وحسيت انى م عرفتش اجاوب عليه فعاوزة اعرف الاجابة منك انت او من وجهة نظرك زى ما قلتلى .. قلتلى ايه مواصفات الشخص الناجح من وجهة نظرك ؟؟؟؟
كان ممكن تسالينى وقتها بس مفيش مشكلة ،دايماً احنا كاشخاص بنسال نفسنا عن النجاح او وصف الشخص الناجح في الشغل أو الدراسة أو الحياة عامة وازاى نوصله، من وجهة نظري لو لقيت فى الشخص شوية حجات كده تقدر تقول عليه انه ناجح، بيحافظ على معدل التطور فى شغله وشخصيته دائماً، يشتغل كل يوم و كأنه اول يوم ليه ويستغل كل لحظة وكل موقف حواليه سواء ايجابي ام سلبي، يخلق حوافز لنفسه ويخلق حوافز لنجاحه ويخلق حوافز ودعم لنجاح الناس حوله، يخلى معدل آدائه فى إرتفاع دائما ويقيم نفسه كل وقت، ما يبصش لنظرة الناس حواليه دائما، يصارح نفسه بالنقص إللى عنده ويشتغل عليه ويطوره فعليا النجاح هو القوة الوحيدة بعد ربنا اللي ممكن تغير كل الثوابت الموجودة حولنا، يسد سمعه عن اي حاجة ممكن توقفه ومتوصلهوش للى هو عاوز يوصله، ميسمعش للي بيقوله مش هتقدر، مفيش حاجه مستحيلة ومفيش نجاح بعيد، كلنا ممكن نوصل لأى مكان نختاره لنفسنا بإجتهادنا وسعينا والعمل على علاج أخطائنا والبعد عن كل ما هو سلبي، يخليه دائما سامع صوت نفسه ويصدقها لانها اقرب حاجة ممكن يصدقها ، يكون داعم للى حواليه علشان لو منجحش هو لعل وعسي يكون سبب فى نجاح شخص ما ووقتها هيحس انه نجح ، طبعا كل ده بعد قربه لربه ودينه وارضاء والديه والمحافظة على صلاته لانها سبب رئيسي فى النجاح ، ده بعض الحجات اللى تشوفها فى شخص وتحس انه شخصية ناجحة
ولما الحياه تجربه امال الحقيقه فين ؟
ايه العلاقة بين الحقيقة والتجربة ، ما هى تجربة حقيقية
فعليا حاسه بفراغ ومخنوقه جدا دعوه لعلها تكون ساعه اجابه ولكم بالمثل
استغفري كتير وصلى ركعتين وفضفضي بيهم لربك ، ربنا يفرح قلبك ويجبرك ويراضيكي
الكول هيفتح امتى 😂💔💔
الله اعلم 😂😂😂
كنت بحب بنت بس حصل خلافات كتير ومش بقيت احبها ايه احسن طريقه افهمها اننا مش هننفع نكمل ؟
لا ده غير منطقى اساسا راجع نفسك
a5bar el exams eeh ???
هو اكزام واحد والاكزامز لسه جاية كتير 😂😂
شو سويت 😂
انت مين ي عم انت ❗ 😂
نهايه مقالاتي علي الاسك نزلتها دلرقتي علي الصفحه و لو حابب تتابع الباقي هتلاقي لينك تحته ..هي صفحه علي الفيس ..ادخل و تابع ..بس اقرا ضروري اخر حاجه كتبتها دي ..يمكن تفرق معاك
حاضر
الف سلامة عليك 💔💔
الله يسلمك يارب
ما شاء الله عليك بجد ❤️ معلش سؤال تانى هو انت كنت عاوزنى اقول كل ده ازاى ؟
لا عادي انا سالت السؤال وقلت من وجهة نظرك، فانا محتاج اعرف وجهة نظرك بس من مضمون الاجابة ، اما السؤال مالهوش رد نموذجى او اجابة نموذجية يعنى اكيد
الدين خلق♥️ فمن فاق عليك في الخلق فاق عليك في الدين
♥️♥️♥️
جمعه مباركه❤
جمعة مباركة علينا جميعا يارب ❤
Liked by:
Abdelrahman Mohmed
جِهـاد .
محمود
SHAIMAA ..
Shimaa El Hayes
ممكن لايك علي اخر انسر ؟
done
اختها مين 😂
بنت خالة ابن عم امى 😂
هو انا موحشتكش ولا ايي !!
مش عاف بس انت/ي ادري بقا 😂😂
خلصت امتحان 😂😂😂
ههههههههههههههههههه لا انا من الغلابة برده 😂😂😂😂😂😂😂😂
🌸🌸
مش وردتين بس قليل 😂😂
Next
