انا منجحتش للأسف و من الحجات اللي زعلتني اني اتأخرت عن دفعتي كده وضيعت سنه 💔
خير مش نهاية الدنيا اكيد واكيد ربنا مقدرلك وكاتبلك الخير في اللي جاي وشايلك خير قدام يعني، السنة اللي جاية هتتعلم منها كتير اكيد وكويس انك اتعلمت في اول سنة ده هيعلمك كتير قدام، المهم اجتهد واسعي واعمل اللي عليك في اللي جاي واتعلم من اللي فات ده المهم ، مش المهم الفشل المهم نتعلم منه علشان ننجح بعدين ، انسي اللي فات بحلوه ومره وهي فترة وهتعدي وركز في اللي جاي
طب مبتجيش انه بدل ماكان شايل 4 مثلا نزود الرأفه يشيل 3 كده مثلا ؟ سؤال تاني مش الرافه 30 درجه تقريبا ؟ مش ال30 دول ممكن يرفعوا المواد ويعدي ؟
لا في حالة مثلا ان الطالب شايل 4 مواد وحطوا درجات الرافة لقوها عديته فى مادة واحدة بس وشايل 3 فبالتال درجات الرافة مغيرتش فى حالته من راسب لناجح فبشيل الربع مواد عادي ، اها بيبقوا 30 درجة من مواد تانية ، فى حالات مواد اها ومواد لا بمعنى ان كل مادة بيكون ليها 10% منها درجات رافة يعنى مثلا مادة من 300 ال 10% 30درجة فبالتالي هو لو معاه 3 مواد تانى فهو برده راسب فيفضل راسب
ايه هي الحاله اللي ميدونيش فيها درجات الرأفه لو تعرف؟
فى حالة انهم حطوا درجات الرأفة ولقوها انها مغيرتش فى حالة الطالب بمعنى ان الطالب كان شايل مواد وحالته راسب لو حطوا درجات الرافة ولقوه لسه راسب ساعتها مبتضافش وتفضل حالته زي ما هي