هما معًا.كما أن الزواج (نصيب واختيار).فالفراق كذلك.وأيوه، الزواج نصيب واختيار، مش نصيب بس. 🙂
بتحب تمشي تحت المطر؟
أيوه، جدًا.
لو اتنين متجوزين و الست بقت بتقبض اكتر منه ده هيفرق في موازين القوة فالبيت ؟
العلاقة الزوجية مش معركة، عشان تقول لي: (موازين القوة).مش حرب هي حضرتك!والعلاقة الزوجية في الأصل تقوم على أساس (المودة)فإذا لم يبقَ شئ من (المودة) تقوم عليه العلاقة الزوجية، فإنها حينئذ تقوم على أساس (الحقوق والواجبات)، وذلك ردئ...لا يخفى، لكنه أهون في الغالب من الطلاق.
رايح اخطب اللبس ايه
إلبس في الحيط 😁
لو فسخت الخطوبة ارجعله الشبكة ولا ده حقي؟
العرف جارٍ في بلدنا؛ أنَّ الشبكة تعتبر جزءًا من المهر المسمى، فإذا فُسخت الخطوبة قبل عقد الزواج، فهو من حق الخاطب لا المخطوبة.
ما هو أكثر شيء تقوله؟
الله المستعان
طبيعى ان واحده توصل ل ٢٢ سنه ومش بيتقدملها حد نهائى بالرغم انها متعلمه ومن عيله وجميله جدا؟؟
طبيعي.
للاسف الشكل فى الرجالة بيفرق معايا واللبس .. هل دى طريقة تفكير عادية ولا انا غلطانة وابدء اتغير ؟
عادي.بس أهم حاجة (الدين).
فكرة الخطوبة والراجل يسافر دي كويسه ولا لا
للأسف؛ سيئة.إنما جُعلت الخطوبة، ليتعرف كلٌّ منهما على صفات الآخَر.فكيف سيحصل التعارف؟الهاتف !! لا يكفي قطعًا.ثَمَّت أمور، لن تظهر على حقيقتها إلا عن طريق اللقاء والجلوس سويَّـًا.
لو مكنتش انسان تحب تكون اي ؟
سنجاب 🐿️
الجواز ف بيت العيله ناجح ولا فاشل😞
مفيش إجابة محددة، بحسب أهل البيت نفسهم، والزوجة نفسها.
وهل من الاحترام إن البنت تطلع شعرها وتبين رقبتها ؟
عادى اكون مخطوبة وليا بيست ولد وخطيبى عارف؟؟؟
هو خطيبك خريج جامعة (المديثة) قسم (القرون)؟
طالعه من تجربة خطوبة فاشلة ومش عايزة اتخطب صالونات تاني، الحب بينجح؟
مفيش أي ضامن يضمن نجاح أو استمرار العلاقات، لا عن حب ولا صالونات.
غيور ولا اوبن مايند؟
اسمها (غيور) ولا (ديوث)، مش (أوبن مايند).
عايزة اروح خطوبة صاحبتي وبابا مش موافق عشان في محافظة تانية اقنعه ازاي🥲🥲
أولاً: يجب عليك طاعة والدك فيما يأمر، طالما أنه لم يأمرك بمعصية ولم يتعنت.ثانيًا: أجمع العلماء على تحريم سفر المرأة بغير محرم، إلا لضرورة عند أمن الطريق...وحضور خطوبة صديقتك، ليست ضرورة تُبيح لك السفر وحدك ولا حتى مع صديقاتك الأخريات.
لو اتجوزت من ورا اهلى ممكن يحصل ايه ؟ مع العلم انهم متعنتين من غير سبب مقنع ليا وانا مبنمش الليل حرفيا
ولي المرأة، ركن من أركان الزواج...فلا يصح زواج المرأة [البكر] دون ولي -بالإجماع-، وكذا المرأة [الثيب] على -الراجح-فإذا تعنت الولي الأقرب، انتقلت إلى الولي الأبعد.فإذا لم يمكن ذلك، أو تعنت الأولياء عمومًا، فلها أن ترفع شأنها إلى الجهة المسؤولة أو القاضي.
لو فسخت الخطوبه الطقم اللي جابه ادهوله مع الدهب ولا لا عشان لبسته !!
كل ما أهداه الخاطب لمخطوبته إذا لم يكن من المهر (اتفاقـًا أو عرفـًا) فهي هبة من الخاطب، وقد اختلف العلماء في جواز الاسترجاع عند فسخ الخطبة، والذي أراه راجحـًا:أنه: إن كان الفسخ من جهة الخاطب فليس له الرجوع، وإن كان الفسخ من جهة المخطوبة فله الرجوع إلا فيما اسْتُهلِك.
الاب ليه حق يفتش موبايل بنته !!
الحمد لله وحده.فالأصل؛ أنه لا يجوز لمسلم التجسس على أحد من المسلمين، كما أنه لا يجوز تجسس الوالد على ولده، إلا في حالات خاصة وضيقة، تحقيقًا لمصلحة أو دفعًا لمفسدة...إذا لم يمكن فعل ذلك إلا بالتجسس. فإذا رأى الوالد من ولده ريبة، أو خشي عليه من الوقوع في ما لا تحمد عقباه، ولم يجد وسيلة لتقويمه إلا بمعرفة ما خفي من حاله، فيمكنه التجسس عليه في حدود الحاجة دون زيادة...وليكن ذلك بين الفينة والأخرى لا كل يوم.