احكيلي عن اهتماماتك عن برنامجك اليومي في الماضي والحاضر عن اعمالك الاشياء الي بعتملها في العادة الاشياء المفضلة عندك عن ماضيك وحاضرك
قائمة اهتماماتي طويلة جدا ومتناقضة ! كل يوم عندي اشي جديد ! مرة بكون بقرأ عن السياسة ! ثاني يوم بقرأ عن علم الفلك ! الي بعدو اقتصاد ، بعدها بروح ع الدين ، وبعشق الادب والشعر ! الرياضة وخصوصا كرة القدم جزء كبير من حياتي ! احيانا بتابع وبقرأ الكتب الانسانية زي " سلامتك من الاه ، دليل ديل كارنيجي ... الخ ! بعشق السيرة الشخصية للعظماء ! التاريخ بهتم فيه بشكل كبير ! كثيير اشياء بهتم فيها ! ذوقي بكلشي متناقض ، بحب الموسيقى الكلاسيكية ، بس الاغاني البوب والراب ..الخ برضو بسمعهم كثير ! الافلام بحضرها بشكل يومي ، الاراقيل اسلوب حياة ... الخ هاي بعض من اهتماماتي ? بلشت اصير هيك من زمااان ، من واتا صغير ، ابوي كان عنده مكتبة كبيرة بالدار ، كان كل فترة يعطيني كتاب اقرأو ولما اخلصو يعطيني مصاري او يجيبلي اشي بطلبو ? فتعودت ، وضليت هيك ، احيانا ممكن بعض ناس يشوفوني معقد خياتي زيادة عن اللزوم بهاي الاشياء ، بس انا بنبسط ، بستمتع لما اقرا ، لما اعرف ? ولما انااقش ?
انا ما بتابع كرة القدم مرتين بالاسبوع بمباريات برشلونة وبس ! انا بعشق برشلونة ما اختلفنا ! ولكن برشلونة جزء من منظومة كروية كبييرة جدا ! المتعة هي عنوانها والدراما هي اهم مميزاتها ! بغض النظر عن اي نتيجة ! عن اي منافس ! اي بطولة ! كرة القدم خلقت للمتعة وليس للتعصب :D Mes que un GAME مش مجرد لعبة :D