لا بهاي بتناقض معك وبقوة انو ما عندي لمحة عن العلوم بشكل عام والتاريخ !، اصلا هاي عبارة صحيح مضمونها الغباء ، وضعف الشخصية ، وعدم القدرة على اتخاذ القرارات !
الا اني طلبت تحكي رائيك عشان اشوف ليش لهدرجة مستغبي العبارة !
الاسباب المنطقية : المجتمع طبعا بيحتوي على فئات كبيرة من الناس ! وكل فئة الها مجال معين ! وككل مجتمعات العالم ! الفئة القليلة هي الفئة المنتجة ، المبتكرة ، المفكرة ، العبقرية ، المتخصصة ...الخ ! لهيك لما تشوف شخص ذكي بيكون مميز ! لانو فش زيو كثير ? باقي المجتمع شو ؟ صاحب تفكير متوسط او متدني ! وبدون خبرات او مجالات تخصصية ! بالتالي مثلا لما تنطرح قضية سياسية مثلا ! واغلب الناس تختار جهة ! وتلاقي المثقفين والسياسيين واصحاب التخصص بيختار جهة ثانية ! بهاي الحالة ! الاغلبية كانت من عدم المتخصصين وعديمي الكفاءة والاغلبية بهالحالة خاطئة بلا اي شك ! وقس على ذلك ? ولسه في براهين واثباتات تاريخية ويدينة بتثبت انو الاغلبية مش صحيحة بالضرورة ? لكن حبيت احكي عن المنطقية عشان اسهل عليك القياس ! واذا بدك بكمللك !
معك حق ???،بس بغض النظر عن اللي بصير اليوم ، انا بعشق العرب كثير ولما اسافر ويسالوني من وين انت بقول اني عربية مع ابتسامة بتوصل لحد ذنّاي،بحس حالي مريضة احياناً ، يعني اللي حوالاي ٢٤ ساعه يسبوا ويدعوا عل عرب بس انا مش هيك بالمره
ههههههههههههه بهاي الحالة للاسف احساسك بمحلو :V بس في شغلة بسيطة ! كل ما تسافر ويسألو بتحكي انك عربية ! يعني بتسافري !! وبتسافري ع دول اجنبية ! يمكن فرنسا وايطاليا وامريكا .. الخ ! بالتالي بنقدر نحكي انو وضعك المادي ممتاز !! كمثال ! تخيل انو في طوفان ! تسونامي !! واحد عايش بالطابق الاول ! رح يصير يسب ع الحكومة الي ما عملت صرف صحي منيح ! بس الي عايش بعمارة بالطابق 50 ولا ابصر قديش ! ولا الي عنده قصر ع جبل مرتفع كذا 100 متر ! اكيد مش رح يحس بغلطة الحكومة ! لانها ببساطة ما وصلتو ! # العروبة نفس الاشي بالزبط ! بتأثر ع فئة محددة بس ! وتأثيرها داائما سلبي ! يمكن انت مش متأثر ومش حاس ! غيرك بسبب اتفه قرار بينخرب بيتو حقو يسب ع مين ما بدو
بتعتقد بوقتنا الحالي العقول موجهة كلها للتفكير بطريقة واحدة
الإعلام مصنع العقول ! لاحظ معي ، افتح قناة الجزيرة ، العربية ، اخبار وكالات الانباء ، سي ان ان ، بي بي سي ، ..الخ غالبا رح تلاقيهم بيبثو نفس الخبر ، بنفس وجهة النظر وبنفس الانحياز وعدم الموضوعية ، وهالحكي اذا دل على شيئ ، فبيدل على توجيه العقول ! في مقولة لكوميدي ايراني-امريكي ناسي اسمو بيحكي " الإعلام ما بيحكيلك شو تفكر بس بيحطك ع الطريق " ولما شرح هالفكرة شرحها كالتالي : لما الاعلام يحكي عن الالمان مثلاً بيجيبلك صورة حد طويل بعينين زرق واشقر ! لما يحكي عن الفرنسيين بيجيبلك واحد وحبيبتو بيشربو ويسكي مثلا ! ولما يحكي عن المسلمين بيجيبلك صورة تفجير ! فهمت الفكرة ؟ هاي النمطية بعينها ! الإعلام بيوجه العقول لنمط مخدد في التفكير بانو يربط الاشي بحدث او صورة عامة فخلص كل ما تفكر بهالاشي بتتذكر هالصورة زي شارلي ايبدو بباريس ! و 21 ايلول 2001 بتفجير برجي التجارة بمنهاتن بامريكا او تفجيرات ماراثون بوسطن وهيك ! هاي وظيفة الاعلام بشكل عالمي ! انو يحكيلك كييف تفكر ! وما بقدر احكي عن هالموضوع بدون ذكر العملاق ، الرجل الاعلامي الافضل في التاريخ ، افضل ماسح عقول وملقن افكار وجد عهالارض جوزيف غوبلز مساعد هتلر الاعلامي ! الي خلا الشعب الالماني كلوو يدعم النازية بمجرد خطابات ! رجل عبقري !
نكمل ..وقفنا مبارح وقت على اساس تقنعني و لو اني ما اقتنعت بس اوك ?
السؤال التاني .. بالغربة ماشي الك اصحاب و تنبسط معهم بس ما بتحكي رجعوني بدي اهلي و هيكا ؟?
ههههههه لا طبعاً ! هو بنشتاق للبلد وهيك ! بس مش عشان اهل ، صحاب ، قرايب وهيك لا ! انا شخصيا ما بشتاق لحدا ✋? بس بشتاق لروتين حياتي ! بشتاق لطشاتي قعداتي مع صحابي ! قعدة الدار ، اقوم من النوم الاقي الاكل جاهز ، اجي بدي اطلع الاقي ااواعيّ مغسولين ومكويين ! هاي بس الي بنشتاقلها ?