صباح الخير ،، شلون اصير متحدث يعني شنو الكتب اللي اقراها،، انا صارلي سنة اقرا بس مجال الذات ودي اطور من نفسي وازيد معلومات يعني السالفة لما اقولها محد ينجذب فيها وعادي يقاطعوني شنو الطرق العلاج
جرب تشوف فيديوهات باليوتيوب او دور على دورات 🤷🏻♀️
صباح النور في مجال واايد غير الذات
شووفي اليوتيوب المتحدثين وتعلمي منهم وخلج عندج معلومات من كذا مجال مو مجال واحد
صباح النور.. اذا لقيتي حل عطيني الانه بالحياه الطبيعيه دايم يحسبون على سالفتي وامشيها 😂😂
اقرأ أي شي تطيح عليه عيونك من كتب أو مقالات أو أشعار
شفت كلمة حاول تبحث عن معناها إلى أن تجد غايتك
كن باحثاً و ليس قارئًا فقط!
لا اعلم
في دورات تساعد ، اهم شي تتكلم بشيء من منطلق انت تؤمن فيه
وحاليا مساء الخير وليس صباح الخير
ارفع راسك وانتا تسولف واشكرني لاحقاً
اولاً بالتجربه مو بالقرآءة وبس لازم تجرب واقعد وتخالط ناس يسولفون وتستفيد منهم ، ثانياً ممكن تشوف دورات الخطابه او التوستماسترز ولها مراكز تدريب
صباح النور
في متحدثين خلقه ويكونون واثقين من معلوماتهم وعندهم ثقافات متعددة وهذول عمله نادره
اما الاغلبية الي نشوفها بمجتمعنا اغلبهم جذابين الجذاب تلقينه متحدث وبطلاقه وهياط
والي يقاطعج موً عشان انتي موً متحدثة لا لان انتي بكبرج موً على مزاجهم بس لاحظي اذا قعدتي مع ناس حيل يحبونج ويحترمون رايييج تلقينهم يسمعونجج ويركزون وياج ولازم تعرفين متى تسولفين وبشنو تسولفين فيه مع الناس
الرغبة في تطوير النفس بحد ذاته شيء وايد حلو 👍🏻
١- اقرى في المواضيع و الكتب اللي تشدك عشان ما تمل و تستمر اختار شيء تحبه ...
٢- في السالفة العادية او التعامل الطبيعي لازم تميز شنو المواضيع اللي تشد اللي جدامك يعني ما يصير اسولف في الفضاء حق انسان يكره الفضاء مثلا
٣- مختصر مفيد الناس تمل من التفاصيل الوايد
