او متقدملي واحد كويس ماديا بس فرق السن كبير شوية اوافق ولا لأ
المهم اخلاقه دا قبل الماديات ...لو الفرق اكتر من ١٠ سنين لا بلاش
Ask @MoonyAshraf
دايره معارفي كتيره، وانا جميله بشهاده الجميع اي اللي يخليني بقي متخطبش لحد دلوقتي؟
لسه نصيبك يا حبيبتي ربنا شايلك الاحسن اكيد ❤️❤️
بكلم واحد بس هو من محافظة تانية ..عايزنا نتقابل وهي خطوة جدية يعني ..هو عايزني اسافر محافظته ونقعد نتكلم ف مكان عام جدا يعني كافيه او مطعم ..وانا معملتش كدا قبل كدا !! ف مش عارفة اعمل ايه ..تنصحوني بايه اروح ولا مروحش !! ولو مروحتش اقولهاله ازاي وياريت بلاش الناس اللي هتقولي غلط وصح وكلام دا .
بالله عليكي اوعي توافقي وتروحيلو ... دا شخص غير امين وممكن يستغلك وساعتها محدش هيعرف عنك حاجه ...اللي عايز حد يروحلو هو يخبط علي بابه ويروحله مدام رسمي خلي اول مقابله بينكم في قاعده تعارف وممتك موجوده في مكان عام قريب من بيتك
Related users
خطيبي مش شيفني جميله
بالتاكيد سبيه فورا عشان لو مسيبتهوش هو هيسيبك دلوقتي او بعدين 🤌 دا الشخص الوحيد اللي مينفعش يشوفك مش حلوه دا الوحيد اللي المفروض لو كل الناس قالو انك مش جميله يرد يقول انتو مبتشفوش دي قمر 🤷♀️🤷♀️
هو ينفع اصلي استخارة عن زواج لبنت هي اصلا مش عجباني؟ يعني هي مش عجباني بس قولت اصلي استخارة بردو حتى لو مش عايزها، هل ينفع؟
صلي استخاره يمكن فيها الخير ولما تقعد معاها تحب طريقتها وتعجبك ..الاستخاره بنعملها ونمشي في الموضوع والله خير بتلاقيه اتيسر من عند ربنا ..مش خير ربنا بيعقدها من عنده ومش بتكمل ..ربنا يصلحلك الحال ❤️
عايزة اتكلم
احكي يا قلبي ❤️
لو هنبدل انت هتشتغل دكتور وانا هشتغل اي ؟
مهندس معماري 💞
في حد هياخدك من عز وحدتك ويطلع بيك اعلي قمم الحب والاهتمام
ويروح حدفك بقا من فوق تنزل علي وشك 😂😂😂😂
هو لو حد بعتلي كيو وفيه ايميل وبيقول إن فيه حد نشرلي صور واسكرينات ليا واجي افتحه بيقولي لازم اكتب بيانات الفيس بتاعتي ده ممكن يكون هكر ؟؟
دا اكيد هااااكر وش 😤💔
زحمة الحياة تسرق (سكينة الرُّوح)؛ فإن لم نحفظها بساعةٍ إيمانيَّةٍ أو مجالسة أحبَّةٍ أو إراحةٍ بدنيَّةٍ؛ فستبقى الرُّوح مشوَّشةً، تقاسي المزعجات، يتسارع ذبولها، وتزول بهجتها، فأدركوا سكينة أرواحكم. -صالح العُصيمى
...❤❤
موضوع للنقاش: جواز مسلمه من مسيحى ؟
هنتناقش في ثوابت الدين يعني ولا ايه دا مفهوش نقاش دا حاجه حرام ..لكن لو هياسلم طبعا عادي
أكمل معاه واستحمل ظروفه ولا أبعد واكسب راحتي النفسية؟
راحتك النفسيه اكيد ..✨❤
لو خطيبي كان متضايق منى وقالى خلاص ماتتكلميش معايا خالص وانا قولتله زى ماتحب وقالى إن شاء الله هحب كده. ينفع كده انا أكلمه تانى عشان هو زعلان والا والمفروض هو اللى يكلمنى عشان هو اللى قال ماتتكلميش معايا خالص!؟
هو الاغرب ان الاسك باعت ان اللي كاتب ولد ..فخطيبك ازاي معلش 😂😂😂طيب وانت بتاخد كوبي بيست خليها خطيبتي طيب 😂😂😂😂😂😂
+ 3 💬 messages
read all
هو لو واحدة اتجوزت وهي ف الكلية مصاريف الكلية هتبقي ع العريس ولا العروسة ؟
علي العريس طبعا ..هي بقت في بيته ومسئوله منه وعيب اصلا في حقه انه يجي عليها وقت تقول لباباها هات المصاريف الكليه وهو قاعد جنبها يعني 😤😤لو هو ميقدرش يدفع من الاول اتجوزها وهي طالبة ليه 🙂🙂
متقدملي حد أصغر مني بسنه وخايفه اوافق ، بس عاجبني ، السن هيفرق؟
السن مبيفرقش لكن شوفي عقلة وشخصيته هل ناضج اكتر منك او لاء وشوفي انتي نفسيا هتقدري تتقبلي انك اكبر ولا لاء ..وربنا يصلحلك الحال ❤❤
ياريت تردو بجد وهحترم رأيكم ، انا عندي 20 سنة دلوقتي واتطلقت من سنه ونص بالظبط والجوازه كلها بضغط من اهلي انا ف تمريض وفيه واحد زميلي ف الشغل معجب بيا وعايز يتقدملي وهو عارف اني مطلقه ، بس انا شيفاه كتير عليا وحاسه ان مستوي اهلي الاجتماعي كمان عائق انه يتقدملي دلوقتي. اوافق ولا ارفض خصوصا انه محترم.
وافقي طبعاا ...انتي مش اقل من حد انتي بس فرصتك الاولي مكنتش كويسه فدا ميقللش منك ابدا وكمان صغيره والف مين يتمناكي ..فتوكلي علي الله وصلي استخاره وامشي في الموضوع رسمي وربنا يوفقك ❤❤
هل ٢٠٠٠ جنيه يفتحو بيت بس بامانه ياجماعه
وسط الغلاء دا يستحيل 💔
اللي بيحبك هيحاول مره واتنين صح ؟!❤️
اكيد ..بس لازم يكون فيه امل من ناحيتنا والا كده بيستنفذ مشاعره علي حاجه ملهاش مستقبل ❤❤
اختار رقم وهقول حظك
٧
اسم ولد بيبدأ بحرف الغين وليك 100 كوينز؟
غالي ..غيث
انا جوزي حلف عليا وقالي عليا الطلاق بالتلاته تكوني طالقه لو عملتي كذا وانا عملت اللي هو حلف عليه ولما سالته عن نيته قالي انا بعمل كده عشان تسمعي الكلام ومش نيتي طلاق .. كده الطلاق وقع؟
وبتسالي هنا ليه ؟ روحي اسالي دار الافتاء لان الطلاق مش لعبه حضرتك ..
اقدر ألم ماده فاينل في يوم ازاي كقراءه بتركيز ومابين سطور؟
شوف ملخص يكون كويس وشامل كل حاجه وابدء افهم عشان تقدر تعبر باسلوبك لو مقالي ودا الاهم واحفظ الكلام كويس وتركيز جامد وتقوم تذاكر مضيعش وقتك اكتر من كده واقفل التليفون وركز هتخلص في وقت قياسي كمان وبالتوفيق ان شاء الله ربنا معاكم كلكم ❤❤
+ 1 💬 message
read all
لو حد كنت تعرفه وبعدت عنه ولقح عليك بتعمل ايه
ماما بتقولي مثل بيناسب ديما الاشخاص اللي زي دول سوري يعني 😂😂
(عبر الخرا تكبر نفسو ) لو عبرتيه هيفتكرو انهم كده حاجه مهمه و وصلو اللي هم عايزينه انهم ضايقوكي فطنشيهم كده كده ميسوش حاجه ❤❤
(عبر الخرا تكبر نفسو ) لو عبرتيه هيفتكرو انهم كده حاجه مهمه و وصلو اللي هم عايزينه انهم ضايقوكي فطنشيهم كده كده ميسوش حاجه ❤❤
صورة من تلفونك📸
🌻🌻✨
كانت إيه مادتك المفضلة في ثانوي؟
الرياضيات.. طول عمري مادتي المفضله ❤❤
Next
