مساء_الخير لا تستمع لإحباط الآخرين لك، فالحياة ما تزال متسعة، والخير مايزال باقٍ في قلوب بعض البشر وإن ندروا، وأحلامُك يمكنها أن تتحقق متى أصررت عليها بتوكلك على ربك ومواصلة سعيك، فلا تيأس مهما بلغ بك الضيق .. فالطريق ما يزال أمامك والله ما يزال يدبر الكثير من المُفاجآت السارة من أجلك...
عارف لما تبقي نفسك تعمل حاجه تفرح الي قدامك بس هما وصلوك انك عارف انك مهما عملت مش هتبقي عملت حاجه ففي الاخر متعملش حاجه بجد عشان كده كده محصله بعضها 💔
و ابوكي لو عرف ايه رأيه في الكلام دا ؟؟ اخوكي ؟؟؟ ربك بعد تلميحك ليه هيكون راضي ؟؟ جاوبي بصدق على نفسك متبعتيش او تجادليني عشان مش هرد و لو عايزه اجابه حقيقية اطلبيه من ربنا فرضاه مش اكتر
مش كُل حاجة ينفع يتوجد لها بديل؛ أنا معاك إن مُمكن الشخص ييجي بداله شخص تاني، والشُغل ييجي بداله شُغل تاني، بس الموّضوع مش إنّك تملى الفراغ، الموّضوع أعمق من كدا بكتير؛ في ذكريات، في مشاعر، في حاجة جوانا رافضة البديل.. صدقوني الموّضوع مش سهل خالص.
جاوبت فعلا وكتبت كلام كتير !! مسحت كل الكلام .. عندك حق بس في نقطة واحده .. مش اي بديل نقدر نعمم انه اسوأ او احسن و الانسان عدو ما يجهل .. ممكن تحن لأى ماضي بالضرورة لانك عارفه و متعود عليه البديل سواء شغل او شخص احيانا بيكون افضل .. لو بطلنا نبقى ضد ما نجهل و اتعلمنا معنى الرضا هنفرح اكتر بالبديل و طبعا ممكن يكون اسوأ للأسف .. بس اكيد دا مش شرط !
بتعموا اي مع الناس اللي كل كلامهم تشاؤم و بؤس و بيأثروا عليكم مع العلم انهم بيبقوا أصدقاء ليكم وقريبين بتتصرفو معاهم ازاي
و ليه هو اللى يقود الحوار ليه انا مأثرش عليه بالتفاؤل بكره النكد جداااااااااا و بشفق ع اللى منكدين على نفسهم و علينا لو مش قريبين حقيقي بلوك بلوك بلوك او ببعد لأني مش ناقص الناس دي بتكبر مشاكل عندي انا شخصيا و بيزعلوا عليها اكتر مني !!!! .. تبا لهم 😂
" بنكتشف إننا بنعرف نتكلم حلو جدًا لما نتناقش مع ناس سويَّة فطرتها نضيفة ، شكرًا لكل إنسان خرّج من جوانا صفاتنا الحلوة وقدر يستوعبنا ويحتوينا ويسمعنا بمنتهى الاحترام من غير ما يحكم علينا أو يصنفنا."
منطقي .. ناس سوية و فطرتها نضيفة يعني بتدور على اقرار حق و توصيل معلومة واهداء مشاعر سلام و محبة و احترام يعني حسن ظن و نصح لوجه الله و اتقاءه في الانفس و القلوب ربنا يكتر من امثالهم 🌸🌼
عندي كورونا وهنزل امتحن اكيد مش هضيع سنة من عمري عشان خاطر حد يعني بس انا كدا هيبقي عليا ذنب ؟
متخالطش حد و متقلعش الماسك ولا الجلافز ... طهر هدومك و كل ادواتك باستمرار متخالطش اي حد و اتق الله .. ممكن حد ينقل الفايروس منك لمريض بأي مرض مزمن أو حد كبير في السن يموت فعلا ! اتق الله اتق الله اتق الله في احبائنا و اخيرا ربنا يشفيك و كل مرضانا
اتعرفنا ع النت وقعدنا 6 شهور نتكلم كل يوم وعرفنا عن بعض كل حاجة مقالش انه بيحبني ولا انا كنا بنتعامل ظاهريا اصدقاء لكن الحقيقة كنا قريبين جدا من بعض لدرجة ان لما تأخر ع بيته مرة وموبايله اتقفل اخوه كلمني يسألني عليه رغم انهم ميعرفونيش، وفجأة قالي عايز اشوفك وبعدها باسبوع مبقاش يكلمني واختفى، دا ايه؟
مفيش صداقة بين ولد وبنت لو انتى مسلمة ! و اجابة سؤالك انه اذى ربنا بعده عنك استغفري و اطلبي من ربنا الهداية و الثبات .. لو هو راجل محترم كان اتقدملك احفظي نفسك وادعى ربنا انه يرزقك الحب الحلال وتناسي الموضوع دا لأنه غلطه
بعد حب 4 سنين اول مرة احب باخلاص .. اول مرة احب بكل حاجة في حياتي .. اتخطبت لحد مش ليا اتخطبت لواحد هي مش حاباه بسبب ابوها وامها .. انا اتقدمت واترفضت وانا حبيتها وخطوبتاها ىكرة وبتقولي لازم تيجي اعمل ايه انا اتكسرت جدا انا بحبها ولو شوفتها عاعيط ويصعب عليا وهااافتكر كل حاجة .. ساعدوني اعمل ايه 💔💔
مبدئيا هي لازم تساعدك .. ترفض او تصارح خطيبها ايا كان وانت حاول تاني .. اكيد مش عارف اقلك نصيحة مناسبة عشان معرفش باقي تفاصيل الموضوع بغض النظر الموضوع يستاهل طلاما مرتاحين لبعض اخيرا في حاجة اسمها النصيب .. ممكن تحاول و تسعى و تدعي و متكونش نصيبك ممكن تخطبها فعليا و مترتاحوش مع بعض .. ممكن تتجوزوا ويحصل طلاق .. كل دا ميمنعش انك تحاول بس يفهمك ان الرضى و الايمان بالقدر من اركان الايمان .. ربنا يرزقك اضعاف ما تتمنى و يقدرلك الخير
"يا خير من جمع الشمائل كلَّها وقدِ اصْطفاك الله بالقرآنِ طابت بك الدنيا أيا نور الهدى وأضاء دينك ظلمة الأكوانِ صلّى عليك الله ما بلغ الهدى من رحمةٍ وشريعةٍ وبيانِ "*🌧🌻 - صلُّـوا عليه ﷺ