تخرجي .. خروجي من الجيش .. تنحي مبارك .. فوز مرسي على شفيق .. افتتاح أول مقر للشركة .. يوم خطوبتي الاولانية .. يوم والدتي ما قامت من التعب الحمد لله في أيام كتير .. و اللي جاي احلى ان شاء الله ✋
ازاي تتخطى اختفاء شخص كان جزء اساسي في يومك ؟
قرب من ربنا اشغل وقتك و الوقت عليه عامل و وجود بديل وعوض من ربنا حل اكيد
اتغلب ازاي ع الغيرة ع خطيبي ، يعني مثلا لو بنتكلم وعرفت بالصدفه قاعد مع مرات اخوه بتضاايق جداا بالرغم ان مرات اخوه تبقي بنت عمته ، بس اعمل ايه مبحبش يهزر ولا يكلم مع قرايبه البنات ، بالرغم اني واثقه فيه بس اعمل اييه بتضااايق!؟؟
اتق الله .. دي مش غيرة ! اتعودي و حاولي تتغيري طلاما عارفه أنه عيب .. و كمان قلة ذوق اصلا انك تفكري كدا فواحد محل ثقة و ستات محترمة .. و منهم مرات اخوه !!! ربنا يشفيكي
هو عادي يكون الفرق بين الشب و البنت 8 سنين و لاكدة كتير؟
الشاب * عادي طبعا .. المهم التفاهم 🤝
ازاي اتحكم في دلعي وانوثتي قدام الناس والولاد؟😑عشان مايقولوش بتمايص عليهم وانا بتعامل بطبعي. ☹️😥
انا معرفكيش شخصيا فهرد براحتي السؤال يا اما على سبيل العته و ضعف التفكير .. يا على سبيل الاستهبال .. يعني عارفه الصح و قاصدة تباني جاهلة بيه في حاجة اسمها حياء ودا شئ فطري .. و حاجة اسمها ادب ودا اهلك مسؤولين عنه وبعدهم اختياراتك و حاجة اسمها تفكير .. لكل مقام مقال فلو انتي مسقطه كل دول فحضرتك عندك ضعف فتفكيرك فتحاولي تتعالجي .. او استهبال فتوبي
هو ربنا محرمش لحكمة احيانا شغلها بيكون ضروري بس انا ضده طبعا والاقوم والاصح الست تهتم بالبيت الموظفة بتتعب جدا و اكيد مقدر مجهودها بس دا مش المطلوب منها بيتها اولى و ان كان على تحقيق الذات و الكيان لو هي مش مكتفية بتحقيق ذاتها مع زوجها و ولادها ممكن تاخد كورسات و تدرس و تروح جيم و تطوع فجمعيات خيرية بدون اختلاط .. لو كل دا مش هيأثر على بيتها طبعا
طول عمري نفسي اتجوز واحده حلوه تكون بيضاء او قمحيه بس تكون ملامحها حلوه وفضلت اشوف كتير وميعجبنيش ووصلت سني وصل ٣٦ سنه واضطرت اخطب واحدة سمره ومش حلوه عشان عجزت 😢
كارثة .. تفكيرك كارثي اصلا .. الله يعينك على نفسك 😂😂 اختيارك م الاول و انك شايف ان 36 عجوز و وصفك لخطيبتك الحالية !! انت محتاج تتعالج حقيقي
هو حوار ان البنات تنزل صورتها على السوشيال ميديا بقي عادي كدا ليه 🙂
بص في ناس كتير اكيد مش حابه ان دا يحصل (وانا منهم) لأن ليه اضرار اكيد بس حقيقي لو اتكلمنا في حرام وحلال في ناس محجبة حجاب شرعي و كل الناس بتشوفها كدا ف العادي .. فبترفع صور محترمة .. حجاب و مفيش تبرج .... الخ بس في المطلق وجود الصور خطر .. بتبقى متاحة لضعاف النفوس !! اما المتبرجة .. فربنا يهدينا جميعا
مش زعلان بس تقريبا دي الحياة .. ما بين ضغطة شغل (ودا مش وحش بس مرهق) و انفراجه ما بين اختيار صائب او لا دعاء مستجاب او في انتظار الاستجابة و دايما .. بنغلط و نستغفر و نرجع نغلط و نتوب و نغلط .. نسأل الله الاستقامة و القبض على طاعة حياة .. دنيا طبيعتها النقص !!
قال ابن القيم رحمه الله : نواب إبليس في الأرض هم الذين يثبطون الناس عن طلب العلم والتفقه في الدين ،فهؤلاء أضر عليهم من شياطين الجن ، فإنهم يحولون بين القلوب وبين هدى الله وطريقه مفتاح دار السعادة: ١٦٠/١