الارتباط بمعنى خطوبة و جواز ؟ ايه المشكلة ؟؟ مجرد وسيلة بتقلك أن في شخص مشاعره و أفكاره ربما متوافقة معاك فحضرتك بتشوف ازاي تتواصل مع وليها و تسال عنهم و يسألوا عنك و تخطب .... و الف سلامة عليك هتوحشنا 😂🤝
جماعه اللي بيقرأ كتب انا اول مره اقرأ كتب وقرأت جزء من كتاب الجذب الفكري حد عنده خلفية اشتريه منين انا من المحله
يا هلا .. بص عشان تستمتع و تستفيد حدد مواضيع و بعد كدا انت بنفسك هتحب كُتاب معينين و هتتابعهم سيبك من مواضيع الطاقة الروحية و التنمية البشرية في البداية ممكن ارشحلك الكتب التاريخية .. و كتب انيس منصور الخفيفة .. و احمد خالد توفيق مثلا بعد كدا هتبدا تقرا لمصطفى محمود أو كتب مترجمة.. فمرحلة المترجم راعي اختلاف العقائد .. و للأسف حاليا معظم كتبي pdf
اكيد .. بس مش بقدس الحاجات دي و مهما كانت قيمة و ضاعت أو باظت مبزعلش اوي يعني فاصل ما بين تقديري للشخص و الهدية اللي هي فمجملها ذكرى و اعتقد في دراسة العقيدة الصحيحة مساعدة على عدم التعلق المرضي بالاشياء عموما هي مجرد شاهد على معنى .. فالحفاظ على المعنى اهم من الشاهد 👍
طلاما مرتضية تخرج بيه ومئات بيشفوها كل يوم وشايفه أن صورها مفيهاش مخالفة شرعية يبقا حلال 👍 وكتير من الاخوات الديِّنة دا رأيها ومش احنا اللي ننكر عليهم بل وليهم ✋ انما الخلاف بيكون للحيطة خصوصا مع غير المنتقبات ازاي بتأمني من عدم انتشار صورك بين من في قلوبهم مرض؟ 🙄 فالاحوط متحطش صورها ودا راي مقتنع بيه مش فتوى سمعتها مثلا جدعنة من عندي يعني 😂
بقالي كتير مرستش .. سنين يمكن و حتى بعد متخيلت اني رسيت .. طلعت مجرد رست فنص الرحلة راكب سفينة مش شايفالها بر قريب ⛴️ هرسى امتى ؟؟البر فين ؟؟ معرفش 😂✋ #ارهاصات_ليلية
المعلم عبد الغفور البرعي 🤝 فاطنة موجودة و الله .. و النبي وصانا بذات الدين دور على ذات الدين هتلاقي اللي يعاملك احسن من فاطنة نفسها .. وجايز تلاقي اخوها سيد هديةكمان معاها 😂✋
بقالي سنين واقف مكاني نفسي افوق نفسي اتقدم خطوة كل مابحاول برجع تاني حد فاهمني ؟؟
اكيد فاهمك .. المعادلة سهلة التغيير = هدف + قرار انك توصله + التزام بخطوات تنفيذ القرار 👍 المعادلة عمرها ما هتنجح بدون تطبيق كل العوامل ✋ و قبل اي حاجة استعن بالله 🌸💙