كمية الشاوت اللي مبعوتة بمعني (عايزة اتكلم) اكتر اسألة بتوصلني ! اكيد مش كلها بنات .. بس البنت اللي باعته شاوت و عارفه أنه هيوصل لولد و عارفه أنه مهما حاول يعف نفسه فدا بيضغط عليه لأنه مش سيدنا يوسف اكيد .. دي عون صريح للشيطان 😐 و ترجع تعيط و تقول خدعني و باعني الظالم المفتري ✋ حسبنا الله يا شيخة و الله 😂
زمان اول مبدأت اتابع ناس بتناظر و اقرأ في مقارنة الأديان كان نفسي اسافر فرنسا ! و اعمل نشاط دعوي قوي .. و اتجوز ماري أو سارة بعد متأسلم و اتصور انا وهي عند برج ايڤيل و هي بالنقاب 😂 حاليا طموحنا المعتقلين يخرجوا و الدولار ينزل قرشين و نعيش بالستر مش اكتر .. عجزونا بدري الحمد لله 🤝
مش مجرد الفراق ولا مجرد صعوبة العيشة لا .. الخبرة بشكل عام 👌 المواقف و تكرارها .. حكايات الناس .. الصدمات .. المعافرة .. الفرحة و وجع القلب .. رصاصة الغدر اللي عمرك ما توقعتها و الجايزة اللي جاتلك بعد تعب و قبل كل دا فعلا : فهم و دراسة السيرة ! العبقري اللي اسمه (محمد بن عبد الله) صلى الله عليه وسلم كان عايش ازاي و بيفكر ازاي ✋
علفكرا الشخص اللي انت بتفكر فيه قاعد بيفكر فيك دلوقت
ملك بريطانيا يعرفني منين 😂
ايه اكتر حاجه مهونه عليك دلوقتي؟
الاسبرايت الجديدة 🤝
ايه أكتر حاجة بتشد الراجل للست ؟
دينها و اخلاقها طبعا .. دا على اعتبار أنه راجل ✋
انا مسلمة من أم مسيحية وبدأت اتعلم الصلاة انا عايزه اجرب اصلي الفجر ازاي بتصلو وكام ركعة وايه الركعات الفرض والسنة
لالا سيبك من اسك .. الاسألة الفقهية ليها أماكنها .. شوفي مواقع إسلامية و اعملي سيرش ع اليوتيوب أو كلمي بنت من الاخوات الادامن عند وسام عبد الله أو رضا قلقيلة أو حوالي تتواصلي مع محمود داود مثلا او زين خير الله .. متاخديش دينك من شاوت على اسك ..... و مبارك يا اختي ربنا يحفظك و يثبتك ادعيلي بالهداية و الثبات و الرزق الحلال بالله عليكي 🌸
هو انا لو غلطت وفضلت فتره بكلم واحد وبنعمل حاجات غلطت بس توبت وبعدت عنه خالص ابقي واحده شمال؟💔
لا طبعا .. تبقي انسانه طبيعية بتغلط و تتوب ✋ بس التوبة معناها الندم و العزم على عدم تكرار المعصية قال صلى الله عليه وسلم ❤️ : "والذي نفسي بيده لو لم تذنبوا لذهب الله بكم ولجاء بقوم غيركم يذنبون فيستغفرون الله فيغفر لهم" بالمناسبة .. اي حد بيرجع دا اكييييد جميل و جواه خير 🌸 ربنا يثبتك 🤲
حدانا في الصعيد البت لو حطت صورتها على السوشيال ميديا يطيروا وراها وتبقي عايزه قصف رقبتها وعايزه الحرق وبتجيب لاهلها العار😅🚶♀️
معلش .. سافري بره و اعملي لجوء و قولي الرجالة اللي بتغير على حرمتها و بتخاف من ربنا كانوا بيعذبوكي و مش عايزينك تنشري صورك على خلق الله 🤨
هو ينفع خطيبى يقعد يومين ميسألش عليا؟
مع العلم إنى مش مخطوبة، بس مش مُبرر يعنى.
الشعب جاله هسهس على رأي مراتي 😂 مع اني مش متجوز 🤝
عارفين اما واحده بتنزل انها اتخطبت ع الفيس اول حاجة بنعملها اي ؟!😂😂😂
بتباركولها و تدوروا على اكونت العريس و تتنمروا عليه 🤨
حدانا في الشرقيه الفرخه مش الها وراك
الديك إلو .. جيب جناي انزلبوا البلد 😂
سبب افلاسك
بسم الله الرحمن الرحيم ضعف السوق المحلي بسبب الكثير من العوامل أهمها السياسات الاقتصادية الخاطئة اه و ربنا 😂✋
بكرة أحلى بإذن الله ❤️ ابشري ❤️
يعني هو بكرة احلى (ليها) هي بس .. مينفعش ابشر يعني ! 🤨 متقولوش كلمة لوجه الله ابدا 😂