مش بتابع الحمد لله ✋ و انصحك متضيعش وقتك في كلام فارغ و محرمات كتييير .. متبرچات و اختلاط و افكار بتشوه مش بتبني .. بيسرقوا وقتك و قلبك في شهر عبادة زي دا ربنا يهدينا جميعا و يرزقنا الثبات 🌸💙
مش عارف ايه الاستفادة من كل الموجودين حواليك وانت مش عارف تكلم حد تحكيله انك مش كويس وصعبان عليك نفسك.
اصل الموضوع في علاقتك بيهم .. ! لو كانت سلبية بشكل ما فأنت عليك جزء من اللوم بصراحة ✋ بايدك ممكن تقوي علاقتك بيهم .. أو حتى تكون صداقات جديدة و تختار ناس ينفع يكونوا اقرب 👌
بقيت اشوف اسامي الناس اللي باعته شاوت .. ! لو بنات اخد بالي من الصورة الصغيرة اللى في الغالب مش بشوفها !! لو متبرجة مبجاوبش .. فلو مريت من هنا و لقيتني مختش بالي .. ظن بيا خير ✋
قريت عنه كتير بس اللي عرفته انه موهبة .. يا تكون عندك يا مش عندك ! في ناس بتقول انها عند الكل و الحضارة و المدنية غطت عليها .. بصراحة كلام مش مقتنع بيه .. لأنه لو موجود بالشكل دا اعتقد كان هيثبت تاريخيا او دينيا و دا مش موجود
عادي يعجب من اول لحظة ! الانسان عنده مخزون في عقله الباطن من التفضيلات و الحاجات المرفوضة و طول الوقت بيسقط الحاجات دي على الناس اللى بيتعامل معاها دايما فلو عقلي الباطن بيفضل الناس اللى لابسة نضارات طبية لخبرات مسبقة عندي مثلا .. فطبيعي اكون مرتاح لأصحاب النضارات الطبية .. ولو عقلي الباطن مبيحهمش طبيعي اكون مش مرتاح ببساطة .. دا بعيد عن موضوع الارواح و القلوب و الحاجات دي فلو شوفت حد عقلي الباطن اسقط عليه تفضيلاتي الكتير طبيعي هكون معجب بيه من قبل ميتكلم و من قبل معرفه من مجرد شكله و نظراته ولبسه مثلا .. دا اعجاب مش حب .. الحب اني اتعامل مع الشخص و اشوفه موافق لمبادئ عندي .. و اعرف مميزاته و عيوبه و افهمه كويس عشان اقدر اقول عليه كلمة كبيرة زي : الحب
﴿ أَلْهَاكُمُ التَّكَاثُرُ ﴾ يقول تعالى : شغلكم حب الدنيا ونعيمها وزهرتها عن طلب الآخرة وابتغائها ، وتمادى بكم ذلك حتى جاءكم الموت ، وزرتم المقابر ، وصرتم من أهلها. [ تفسير القرآن العظيم - ابن كثير ]
ممكن لو توبت ب صدق لربنا يغير فكرتي ع الناس يعني الناس اللي واخده عني فكرة وحشة جدا و كده ممكن تتغير ولا صعب خلاص؟
طيب خليني اقلك ان الهدف اصلا رضا ربنا .. فمش (ممكن لو) هو (لاااازم) تتوب او تتوبي .. دا مبدئيا 🤨 بالنسبة للناس ارضي ربنا هيرضيهم فعلا عنك بس مش هم الهدف ولا التارجت بتاعنا اخيرا ببساطة لو اتغيرت هيتعرف بكرة او بعده او بعد شهر او حتى سنة انك بقيت احسن و عامل الناس بالحسنى .. وبس .. و مبارك التوبة النصوح ❤️❤️ ربنا يرزقك و يرزقنا الهداية والثبات 🌸
خليني اقول نصيحة في الشغل متجيش على نفسك لأي عميل .. دا هيقللك مش هيزودك !! ببساطة هيعتبرك كحيان و مش قادر تخسره و هو اهم حاجة في حياتك .. وهيتعامل بقلة ذوق غالبا للأسف قليل اللى بيفكر ان دا ذوق واحترام و تقدير بزيادة منك فيبادلك دا برد فعل مناسب .. قليل جدا 👌
قال ابن القيم رحمه ﷲ : 🔹وتقدِيم العبادةِ على الاستعانة في الفاتحة من باب تقديم الغايات على الوسائل 🔹إذ العبادة غاية العباد التي خلقوا لها والاستعانة وسيلة إليها
جماعه بجد والله سؤال ايه حوار بوست العبايات السمرا والبسوا بناطيل المشكله اصلا ف العبايات السمرا وكلام مش مفهوم حقيقى خلتوا الواحد خايف ينزل ب عبايه.. السؤال بقى هل المشكله ف العبايه السمرا عموما كلها اى ان كانت ولا ف العبايات الديقه ولا المشكله مش ف الديق ولا الواسع اصلا بجد بجد حد يرد
معرفش بوست ايه اصلا !! بس بدون معرف .. الاصل ان اللبس يكون فضفاض لا يشف ولا يصف .. وشكرا ربنا يرزق كل بناتنا الستر و الاحتشام و الهداية و الثبات
ايه الطريقة الصح اللي اتقدم بيها لواحدة زميلة ليا كنت عرفتها بمشاعري نحيتها و معرفتش منها رد ان هي متقبلاني او لأ بس كانت مقدرة مشاعري ومفيش اي علاقة بين أهلي و اهلها ولا يعرفوا بعض انا بردو خجول للأسف معرفتش اصرحها اكتر عشان اعرف شعورها من نحيتي و معرفش بردو ازاي افتح معاها الموضوع ان اخطبها
ببساطة .. قلها انا عايز أتقدم رسمي ! يا ريت لو تديني رقم والدك و تبلغيه 😂 بس يا معلم .. كدا الكورة في ملعبها .. لو مشاعرها متعادلة أو متقبلة مبدئيا هتديك رقم والدها لو مش متقبلاك أو في حد تاني أو ايا كان السبب .. هتعتذر و تقفل الموضوع ✋
عندك فكره عن الفيديو اللي نشروه للشاطر ف مسلسل الاختيار؟!! فيديو حقيقي متسرب ليهم ايام محمد مرسي الله يرحمه
معرفش فيديو ايه .. الحمد لله مش بتابع مسلسلات من ٢٠١١ تقريبا و خصوصاً لو شئون معنوية زي جريمة الاختيار دا شوية عبيد بتزيف تاريخ عشنا تفاصيله .. شئ مقرف و اللي بيصدق غبي اقفل الباب و متتابعش القرف دا 😂🤝
كل سنه وانت منور بيتك والسنه الجايه اكون معاك العروسه ي قمر انت