جماعه نا جاية اثير الجدل واقولكوا ان القهوة مشروب ممل ومفيش فيه روح ، مشروب م بيعطي ايي بهجة للحياة ، كل الحب للمشروبات الرايقه والله كل الحب للشاي بالنعناع والنسكافيه والكوفي ميكس والهوت شوكليت والسحلب والكاكو ، كل الحب للمشروبات الدافية الحنينه بجد .🚶🏻♀️
نفسي البس النقاب وأهلي واخواتي رافضين جدا حاولت اقنعهم كتير مفيش فايده روحت اشتريته ولبسته قدامهم يمكن قلبهم يرق مفيش فايده قالوا مفيش طلوع بره كده فكره اطلع بره بيه من وراهم ويبقي امر واقع بس خايفه يجبروني اخلعه ويبقي حرام عليه لبسه وخلعه كده اعمل ايه😔
ما شاء الله .. انا فرحت جدا بالسؤال دا بجد ✋ الموضوع فيه تفصيل بسيط .. اولا هل انتي مقتنعة بوجوب النقاب ولا هو بالنسبالك فضل و سترة و تشبه بامهات المؤمنين تؤجري عليه و بس ؟؟ يعني بالنسبالك هل ترك النقاب حرام ؟؟ دا سؤال مهم .. لو انتي مقتنعة بوجوبه فلا طاعة و لا لأهلك و لا لزوجك مستقبلا إن حاولوا يمنعوكي عن واجب و فرض .. طب و إن كان الموضوع إجبار زي حالتك ؟؟ لو في إثم أو معصية عليهم مش عليكي .. و انتي تحاولي متخرجيش كتير .. و وجهك مايشفوش اجانب قدر المستطاع طب لو انتي مقتنعة أنه فضل ؟؟ لا كدا طاعة الأهل أوجب و لكن داومي في محاولاتك فانتي لستي بمستغنية عن اجره .. و اشترطي على زوجك المستقبلي انك هتنتقبي إن شاء الله الخلاصة ... أنه لا إثم عليكي إن كنتي مجبرة على ترك أمر واجب .. و طاعتهم اهم إن كنتي لا تؤمني بوجوبه و في الحالتين انتي ف امان الحقيقة 😂 اخيرا بتمنالك الهدى و الثبات دايما 🌸
ايه فكره ان الزوجه التانيه في الأفلام بترقص؟
هي الاولي بتبقي عندها كساح مثلا ؟
لا فكرة خبيثة المخرج أو المؤلف بيشوه بيها حاجة حلال و من الشرع.. عايز يقول إنه ساب الأصيلة الرزينة و اتجوز الماجنة اللي حيائها اقل مثلا ! و غالبا بيبقا باكيدج و الرقاصة دي بتسرقه أو بتوقع بينه و بين ولاده مثلا او سلوكها بيبقى سئ و بتكون علاقتهم أشبه بالعلاقات المحرمة مع انها مراته !
انا 24 س صيدلانيه ومحدش بيتقدملى نهائى ولا مناسب ولا غير مناسب ،أنا مقبولة ومحترمة وفحالى ومدخلتش أى علاقات من الى كانت متوفرةوبتقى الله ف أهلى وف نفسى ،ومهندمة وطريقتى ف التعامل كويسة واهلي محترمين بس نفسي افهم ليه بيحصل كده ومش تسرع بس عاوزه افهم لأن بزعل علي نفسي ونظرة اقرب الناس ليا من الفكرة دي
ولا اي حاجة .. ادعي ربنا بالزوج الصالح و بس ! ربنا يرزقك بيه عاجلا غير آجل ✋
بحب حد من ع الاسك متابعاه بقالي فترة بس مكلمتوش وعاوزة اكلمه اعمل اي بجد انا حبيته من قلبي مش كلام وخلاص
معجبة بيه أو متعلقة بيه الحب انك تعاشريه و تعرفيه كويس .. مميزاته و عيوبه و بعدها تحسي فعلا انك بتحبيه بغض النظر .. للأسف مش صح انك تكلميه اصلا .. مش حرام تفاتحيه انما تبعاتها حرام او بتقلل منك لو هو ميستاهلش ! الدعاء بقا أن لو فيه خير ربنا يكتبهولك ✋
مفيش تعارض ممكن راجل محترم يحب و ميكلمهاش و يروح يطلبها من أهلها صالونات أو راجل محترم يتقدم صالونات و يحصل قبول و حب انتم فاكرين أن الحب هو أن يكون في بينهم فيلم هندي محرم .. و الصالونات ناس من كوكبين مختلفين يتجوزوا .. و دي صورة ذهنية غلط ✋
لو بنت اتقدملها شخص من وجهة نظر الكل انه كويس جدا بس هي مش مقتنعة بيه ولا قابلة شخصيته ومحدش مقتنع بكلامها توافق وتسمع كلامهم خوف من الندم ولا تصر على رأيها ؟!!
تصر طلاما مش مرتاحة ! هي اللي هتجوز و تعاشر في الاخر مش حد تاني و لو ماكنتش مرتاحة هتظلمه و تظلم نفسها ✋