متحاولش تغير من حد عشان يشبهك ولا تغير من نفسك عشان تشبه حد احنا اتخلقنا مختلفين عشان نكمل بعض مش عشان نبقا نسخه من بعض، خليك مختلف بدون تصنع وبدون ما تزيف نفسك 🤎.
و ليه متغيرش للاحسن بسبب حد أو العكس .. ليه منجتهدش في تطوير نفسنا و غيرنا و نثبت بعض ع الخير ! لو حد عنده مشكله ننصحه و لو حد كويس نثبته .. دا من الدين اصلا و دا ملوش علاقة بأننا ننسخ نفسنا في اللي حوالينا .. مفيش كدا اصلا ✋
الموضوع مش حق و باطل هو ملوش حكم عليكي في بيت أهلك .. لكن في الخطوبة بيكون في مساحة تفاهم و تعارف و توطين على معاني الزواج ! اللي منها هيكون من حقه يقلك اخرجي و متخرجيش دي 🤨 فطبيعي تسمعي كلامه طلاما في استطاعتك و مفيهاش معصية لله ✋
يجماعه انا كنت بقول لخطيبى نفسى ف سلسله دهب بس والله عادى فضفضه يعنى بس ف هوا ف عيد ميلادى جبلى سلسله دهب صينى فانا ادايقت انا عارفه انى الدنيا مزنقه معاه بسبب تكاليف الفرح وكده بس غصب عنى حسيته بيقل منى يعنى هوا لو مكنش جاب حاجه احسن او لو جاب بوكيه ورد احسن وكنت هفرح بيه اكتر قولولى معايا حق ازعل
انا مسحت كذا إجابة .. لمراعاة ضبط النفس و الله 🤨 لا ملكيش اي حق .. و كونه افتكرك بحاجة على اد إمكانياته حاليا و فنفس الوقت بيحاول يقرب من اللي انتي عيزاه دا معناه انك في باله و بيحاول يرضيكي و بالتالي احمدي ربنا .. أو شوفي حد إمكانياته أعلى عشان متظلميهوش .. لأن تعبه و اهتمامه بدل ما يتقابل بشكرا بعد كدا هتقابليه بصد و نكد ✋