@MrElkomy

Mahmoud Elkomy

Ask @MrElkomy

Sort by:

LatestTop

Previous

ببعت الشاوت اوت ده و بتمنى يوصلك بمعجزةٍ ما، وحشتني جدا و ندمانه على كل حاجه و محتاجاك جدا

غالبا هيوصل لناس كتير يتخيلوا نفسهم مقصودين بالكلام دا 😂
من غير معجزات الدعاء ممكن يرده ليكي أو يرزقك بالافضل ... ادعي متبعتيش شاوت ! ✋

هو عادي عريس جاي لاول مره نشوف بعض ييجي من غير اي حاجه ف ايده انا مش ماديه خالص انا بصالها من ناحيه الذوق مش اكتر مش عارفه تفكيري صح ولا غلط

هو مش عادي بصراحة !
في عرف بيقول أنه يجيب شوكولاته أو جاتوه مثلا غاليين جدا عشان متقوليش عنه كلمه زي دي
العرف دا مش صح .. لكن منتشر .. فغالبية الناس خاضعة ليه
بس بلاش دا يكون سبب الرفض الوحيد .. جايز عنده مبرر منطقي اتخطف منه في شارعكم مثلا 😂 ✋

People you may like

‏"وفي يوم من الايام انتهى كلّ شيء بهذه البساطة، انتهى بشكل قاطع لدرجة أنّي لم أستطع أن أفهم هول ماحصل فوجئت قليلًا فقط، وحزنت كثيرًا؛ لكنني لم أتوقع."

بيعجبني اختيار كلماتك .. و عشان بيعجبني في كلمات عايزة تتغير .. مثلا كلمة "حصل" ممكن تبقى "حدث" احلى .. و هكذا 🤝
اعتقد مكنش في مفاجأة .. ولا حتى قليل .. كلمة قليل اصلا معناها وجود مقدمات كتير قللت من وقع المفاجأة
فأكيد كان في مقدمات كتير
و دا معناه أن عدم التوقع مش صح !
و لكن انا عندي سؤال و يا ريت إجابة : و ماذا بعد ؟؟

Space 💕

ناقشت ملحد النهاردة
بيقول أنه أسلم وبيصلي ع النبي بس مصمم أن الدين مش شرط لدخول الجنة 😂
ساعة من التاريخ والجغرافيا وعلم الحديث والتفسير والاقتصاد
واتهام الأصولية بتأخير الأمة. وبعد الوصول أن العلمانية والحكم الجبري هم المسؤلين لأن الحكم معاهم
هرب بان الضرائب عنده اعدل من الزكاة عشان الضرائب اكتر ومش هنستنى سنة عشان ناخدها
اه والله زمبئولك كدا 🤝

space❤

هلك الابراشي و هلكت الجبالي و من قبلهم عزمي مجاهد و غيرهم .. و البقية لا ريب هالكة .. بعد رقصهم على جثث الشهداء !
بعد مباركة القتل و الاعتقال و الافساد و الظلم
فهنيئاً لكل من ثبت .. هنيئا لمحمود شعبان يوم يقال له ذهب الأسر و بقي الأجر إن شاء الله
فإلى ديان يوم الدين نمضي و عند الله تجتمع الخصوم ✋

space

بعيد عن الاحتفالات ايا كانت ..
في تغيير الفصول و المواسم و بداية الشهور و السنين ..
بنحاول نخليها فرصة للتغيير الشخصي أو حافز لمحاولة تحسين حياتنا بشكل ما
فحقيقي بنتمنى أن السنادي تعوضنا خير عن أي خسارة أو ضغط أو زعل الفترة اللي فاتت .. إن شاء الله 🌸💙

ربنا ينور طريقك ويسرلك امرك وربنا ينجحك يارب و يجبر بخاطرك ويفرحك ويحقق احلامك ويوفقك ياارب ويرضي قلبك ويريح بالك يارب ويحفظك من كل شر يارب

اللهم امين و اياكم يا رب 🌸

عايزة اسأل سؤال عارفة اني مش هعرف اعبر عنه و هقوله بصيغة غلط بس حاولوا تفهموني انا مكنتش بصلي نهائي لحد كم قريب كدة جربت اصلي فروض اليوم و كنت بذاكر في اليوم ده عشان كان عندي امتحان ف لما كنت بصلي فرض و اقوم اذاكر ألاقي الوقت مكفي و انا مركزة و مستوعبة و فاهمة الكلام على عكس الأيام اللي مكنتش بصلي

هو جزاكم الله خيرا .. وهداك
جايز نيتك خير بس تنفيذه غلط
الدين مش محتاج ادعاء .. باين في السؤال أنه مبعوت من حساب ولد و الصيغة بنت !

‏‎#الابراج ‎#العقرب ‎#الحمل ‎#الحوت ‎#القوس كنت من النوع الذي لايغلق بابه فئ وجه أحد فمررت بتجارب جعلتني لاافتحه من الأساس ‎

في الفاضي و دجل كل الكلام دا !
و البحث عنه بيساوي اتيان العرافين و دا حكمه لا تقبل صلاته ٤٠ يوم بنص الحديث
دا مجرد البحث ... التصديق بقا خروج من الملة .. كفر بما أنزل على محمد و بردو بنص الحديث !
حظك اليومي و الشهري و السنوي البحث عنه يبطل الصلاة و تصديقه كفر 😐

space

كنت ظالم الولاد و متخيل أنهم بيبعتوا اسألة مُحن ..
و ظالم البنات في الاسألة النكد !
بعد التحديث الجديد اكتشفت أن هرمونات الجيل الجديد دا كلها عايزة تظبيط 😐
متنشف يا حبيبي .. ما تهدي يا طنط .. مالكوا يا اندرايدج في ايه 😂

Next

Language: English