بدون هزار ..
بنت كانت مخطوبه شافتني بظروف ان شغلنا ف نفس المكان ، كانت الخطوبه مستمره غصب عنها بسبب اهلها ، كلمتني وانا مكنتش اعرف انها مخطوبه وكنت ناوي ع جواز رسمي واتعلقت بيها اوي وحبيتها وهي كذلك ، بس اهلها رفضو اي فسخ للخطوبه واتجوزت غصب ، هل اننا نفكر ف طريقه نبقى مع بعض بيها رسمي غلط !
حل!
نفكر ؟؟ .. انتوا حزب و بتتكلموا و تخططوا 😐 أهلها هم الغلطانين في البداية .. و فين هي من أنها تشرح لخطيبها المشكلة و هو هيسيبها اكيد؟؟ و حاليا هي خاينة و انت كمان للأسف .. وقفوا كلام و هي تعترف و تطلق او لا دا مش بتاعك .. لو حصل أتقدم أو انساها و اتق الله في نفسك و دينك و زوجها
لسة حالا كنت بتكلم في الموضوع دا انا و واحد صاحبي 😂 هو كان الشيخ بتاعه زمان عنيف و كان صاحب والده فواخد الضوء الاخضر يضرب براحته .. بالنسبالي كانوا طيبين جدا و مبيضربوش الحمد لله ✋
يجلس الاكتئاب على الأريكة
بينما فقدان الشغف أمام النافدة
أما القلق والخوف يتناوبن على من
سيسبقْ الآخر ويجلس بجانبي..
اعتقد بعتيها قبل كدا ! بس عندي اعتراض على أن الخواطر أو الكتابة عامة تبقى محصورة في الاكتئاب و فقدان الشغف والخوف و الحزن ✋ دا مش فن اكتر ماهو شئ بيأثر علينا بالسلب ...
كل نماذج الجواز اللي بشوفها قدامي في الوقت الحالي تخليني أستمر ف إلغاء فكرة الإرتباط وضميري مرتاح🌚🙂
للأسف التفكير دا بينتشر و بنتناسى وصية الرسول صلى الله عليه وسلم لينا بالزواج مننكرش أن غياب الدين و الاخلاق أنتجت حالات مشوهة بس دا مش معناه أن دا الأصل اختيارنا هو اللي بيحدد نجاح الزواج من فشله ✋
مساء الفل ♥
استفسار لطيف وياسلام لو حد يقترح عليا شوية حجات كمان
انا مدرسة انجلش وخلاص التيرم بيخلص ف عملت شهادات تقدير باسمي للولاد وبوكس لكل واحد فيهم حطيت فيه تشوكليت وبسكوتات ومصاصة تحفة وهاحط كمان قلم رصاص او جاف حسب المرحلة ولو فاض هابعت لوالدتهم مع نوت شكر علي تعبها
كويس كدة ولا ايه ؟