مش مؤخرا .. الحمد لله عارفها من زمان الموسيقى .. قروض البنوك .. الميكاب و التبرج طبعا .. تدريج الشعر للرجالة بالشكل اللي بنشوفه .. حلق اللحية كل دي أمثلة .. بس الاصل ف اي حاجة الحِل مالم تحرم بنص أو إجماع 👌
لسه شايفه مقاله بتتكلم ف موضوع "دموع الراجل ضعف ولا قوة"
رأيك ايه؟
و المقالة ايه رأيها 🙄 عامة انا شايف أنه ولا ضعف ولا قوة .. بس الفكرة أن في رجالة مبتحبش الوضع دا و في ناس و انا منهم فعلا مبنعرفش نعيط .. مش افورة مثلا 🤝 بس لو شوفنا حد بيعيط بنتعاطف جدا .. مش بنشوفه ضعيف ولا حاجة
مترددة في حاجة ومش عارفه الصح دلوقتي واحد متقدملي علي أساس لبسه خمار، دلوقتي هو كان بيتكلم مع أبي فقال له ليه لبست نقاب الخمار كان كويس، هو مفروض إنه ملتزم وأنا مش فاهمه حاجة وقفلت منه، هو كلم أبي النهاردة تاني علشان ميعاد الرؤية الشرعية قال له لسه بنفكر هو أنا مأفورة ولا معايا حق
يعني انتي منتقبة و حد بيتقدملك على أساس انك لابسه خمار .. و انتقد النقاب 😂 لا مش مافورة ولا حاجة .. كلنا عارفين أنه خلاف اه بس الخلاف ع الوجوب مش على فضل النقاب ولا أن صاحبته احرص على إصابة الحق فالمفروض افرح و اشجع مش انتقد عادي كلمة ملتزم فضفاضة والملتزمين مش ملايكة كلهم ولا علماء يعني .قابليه و احكمي عليه بحياد ربنا يغفرلي اي تقصير فالإجابة ✋
المفروض ف الرؤية الشرعيه انا هلبس لبس خروج البس جزمه ولا اطلع كده حافيه ولا البس شراب ولا ايه بالظبط
والمفروض بابا وماما يلبسوا لبس حروج بردو ولا لبس بيت ولا ايه بالظبط
وكمان ممكن نقدم جاتو ولا كده تعتبر موافقه واوفر ولا ايه مع العلم ان لسه اول قعده يعني مش موافقين ولا حاجه
اه يا ريت لو لبس خروج شيك و شوز اه و رجلك في المطلق متبانش اصلا عشان الخلاف وجه و كفين .. كدا كدا الرجل حرام تبان على غير محارمك بابا و ماما براحتهم بس بردو الاحسن يكون لبس شيك اه لو دا متاح لا مش جاتو ولا حاجة اول مرة .. حاجة ساقعة أو عصير يكفي جدا .. أو اي حاجة بتقدموها للضيف العادي حسب عاداتكم ربنا يبارك و يرزقك بالزوج الصالح 🌸💙
هو انا غلط عشان مش عايزة اتصور ف الخطوبة ،وان مش حابة هو يلبسني الدهب ، وغلط عشان قولت إن الدهب ده هدية بتبقا من العريس ف هو اللي يجيبه ويختاره إن شاء الله يجيبه فضة مش هتفرق لأنها هدية منه ، هو انا غلط عشان قولت كده والكل يشوفني معقدة وتنكة ؟؟
مش عارف ايه معيارك .. بس المفروض يكون الدين طبعا موضوع صور الخطوبة ايه معيارك الديني فيه ؟؟ لو حضرتك متبرجة فالموضوع مش مجرد صور خطوبة .. عالجي الجذور اما لو لا فالصور في ذاتها للذكرى مش حرام و اكيد غلط منك تتحكمي ف انك تنكدي عليه فذكرياته هو المفروض مش هو اللي يلبسك الدهب و لا يلمس ايدك .. انتي مش غلط و الشبكة فعلا هديته ليكي انشاله خاتم حديد ✋