مقدرتش أضيف لقلبها السعاده بل هي خلتني تعيسه وحزينه جدا ومعنديش ثقه ف نفسي بسببها بس انا بحبها
مقدرتيش دي مشكلة عندك .. حاولي مليار مرة .. حاولي لحد متنجحي هي عندها مشكلة .. خلاص تساعديها و انتي تحاول تأثري عليها بالايجاب مش هي اللى تأثر عليكي بالسلب و حبك ليها غريزي .. ملكيش فضل فيه بغض النظر مقصدش اتكلم بشكل يضايق بس الدين و العرف و العقل و المشاعر بتقول انك تبقي جمبها .. 👍
في ناس لو إديتهم عيونك هيقولوا إدانا عيونه من غير حواجب
حقيقي .. و يقولوا دي بني يعني مش خضرا ولا زرقا 😂✋
امي شاربه من الحياه كتير اوي واما بقعد معاها ببقى اسود لحظاتي جلد ذات غير عادي كميه بؤس شافته وطلعته فيا غير طبيعيه كنت اتمنى متولدش عشان هي تعبت اعصابي بكلمها يا جماعه بجد
ف انت بتكمل عليها 😑 مش قادر تتحملها و تحاول تخفف عنها و تعرفها أن ليها سند و أن اللي جاي احسن ؟؟؟
ما هو أكثر شيء رومانسي فعله شخص من أجلك؟
يعني ايه رومانسي يا عمو محمد 😂✋
دايما لما كل حاجه تيجي عليا واحس اني مش عارفه اعمل ايه بقطع علاقتي بكل الي حواليا مش بمعني مكلمش حد و اقفل ع نفسي لا بتعامل مع اهلي ف البيت عادي بس برضو ساكته واي فرصه بتجي ينفع اختفي و اروح اوضتي مش بتأخر و السوشيال ميديا قفلتها كلها عشان هي سبب من اسباب زهقي الفتره دي هل دا هروب ولا عادي
هروب طبعا و النوم الكتير هروب .. و البعد عن سبب المشكلة بدل حلها هروب ! بس احيانا الهروب دا بيكون مفيد لما نحب نفكر بهدوء عشان نحلها مش مجرد هروب و السوشيال ميديا ككل مش حاجة وحشة استخدامنا ليها هو اللي بيحدد ربنا يرزقك الصحبة الصالحة اللي تعينك وقت مشاكلك ✋
"كان المفروض".
"يجب أن".
"كان من الواجب".
هذا التفكير المثالي عقيم، عندما تقف ساكناً عند المشكلة وتتحدث بهذه الطريقة لنفسك أو للآخرين، استبدل ذلك بالبحث عن الحلول وليس بالضرورة الحلول المطلقة بل الحلول الممكنة، تخلى عن جملة "كان المفروض" واستبدلها بجملة "الحل هو".
متفق جدا .. لكن اقرار الحق ضروري .. و بعد إقراره محاولة الحل هتكون اسهل بمحاولة تقريب الموقف حسب الاستطاعة إلى الحق بأقصى ما يمكن يعني ممكن نقول "كان من الواجب .." لذلك الحل هو ..." و انت عامل ايه 😂✋
اكتب لها /اكتبي له ✍
ان شاء الله خير
انت وليي في الدنيا والآخرة❤️ توفني مسلما والحقني بالصالحين❤️❤️
متقدملي شخص كويس جداً وطيب واهلي شايفينه ميتعوضش لكن انا حاساه مستواه الفكري والثقافي مختلف عني معندوش اي ثقافة عامة حتى هل ده سبب كافي اني اسيبه ولا هندم عليه
اعتقد المستوى الفكري مهم طبعا .. سبب كافي اه انك ترفضي حقك تشوفي زوجك مثقف و بيفهم و تفخري بدا و تربي ولادكم على كدا انما حضرتك شيفاه قليل فكريا ف ازاي هتقتنعي باحتوائه ليكي و آراءه لو اختلفتوا مثلا ؟؟ صلي استخارة .. و ربنا يرزقك بالانسب
و ترتبطوا تاني من ورا ابوكي .. و تليفونات و سهر للفجر و بردوا متصلوش و الله اعلم ايه اللي بيتقال و بعد كدا يغرغر بيكي و ترجعي تبعتي شاوت اريد حلا !! لا يا فوزية متبعتيش و قومي صلي 👍