هو أنا ازاي حلوه بس مفيش اقبال عليا يعني عمري ما حد قالي بحبك مثلا أو حتى معجب؟
(اقبال عليا) مصطلح معناه انك شايفة نفسك سلعة !! احنا بشر مش سلع و البشر مبيختصروش بعض في (حلاوة) الشكل .. في دين و ثقافة و شخصية و ادب و اهتمامات و زوق ..... الخ في حاجات كتير جدا اهم ✋
اي بنت مهما انكرت، بتحب الراجل المسيطر الي لاغي شخصيتها وبيأمرها، المشاركة والتشاور في كل صغيره الراجل بيقل في نظر الست للأسف.. 💝 هل الكلام ده صحيح يا بنات؟؟؟
هو طبيعي يكون الراجل (مسيطر)على العلاقة في مجملها لأنه مسؤول ودا دوره الفطري و الديني ✋ - بس السيطرة مش بتساوي أنه يلغي شخصيتها .. - و التشاور في التفاصيل و التوافه كلها شئ سخيف طبعا .. ممكن تحصل بس لو دايما بيبقى سخيف !! غير كدا علاقة غير سوية حتى لو نجحت لبعض الوقت لأن دي الفطرة
قال رسول الله ﷺ :
«مَن صَلَّى عَلَيَّ واحِدَةً صَلَّى اللَّهُ عليه عَشْرًا»
ﷺ ♥️
عوز عروسه تحلي ايامي
اكيد في عرايس كتير .. بس (تحلي ايامك) دي اللي بقت صعبة 💀 الله معك ✋
ديانتك اي
انا مسلم زي ٩٥٪ من المصريين الحمد لله ✋
لو واحدة بتكلم واحد خاطب وخلته يحبها ويكره خطيبته دي تبقي اي ؟
تبقى في فتنة و ربنا يهديها و يهديه و يهدينا جميعا 🤲 و نحمد ربنا على معافاته لينا ✋
انا الطرف الاكثر رغيًا وحماسًا وصُداعًا وصياحًا وعبطًا
اقسم بالله
دا الطبيعي في البنات ✋
Pic 🖼️
سنحيا كراما ✋ فك الله بالعز اسره 🤲
اتطلقت واهل جوزي سرقوا كل حاجتي حتى الحاجة ال اشتراها ليا بابا وقلبي موجوع اوي عليها ملحقتش اعمل حاجة بهم وبيقولوا ارفعي قضية تاخدي فلوسهم بس انا صعبان عليا تعبي في تجهيزهم كانت حاجات مميزة ومش عايزة فلوس وحسبي الله قولولي اعمل ايه قاعدة اعيط وهموت
لعله خير إن شاء الله .. ربنا في منعه منح .. و إن شاء الله يكون رحمك من ناس لا تتقي الله و لا تعرف حدوده لا ارفعي قضية طبعا القانون معاكي و حسبك ربك و نعم الحسيب الوكيل و إن شاء الله حاجتك أو ثمنها هترجعلك و دا ابتلاء اصبري و ارضي .. اكيد ربنا هيعوضك بالافضل 🌸
كلمتان خفيفتان على اللسان ثقيلتان في الميزان
سبحان الله وبحمده سبحان الله العظيم ♥️
منفسكش فحد يعزمك علي قهوة ويعتذرلك عن بشاعة العالم
لا طبعااا .. الدنيا دار ابتلاء أو اختبار و الابتلاء بقدر الله .. فمحدش يملك أي سلطة فيه ولا ليه أنه يعتذر دا كلام تافه بينتشر بين المراهقين و اللي ميعرفوش عقيدة بس نفسي في حد يعزمني على قهوة فعلا بس يعلمني ويثبتني بوجود الله و سُنة النبي ﷺ ♥️
لو بمفهوم حب الزوج للزوجة مثلا الأهم اني ارضي ربنا ✋ ربنا خلقني لعبادته مش لحب النساء .. أما لو بمفهوم الحب في المطلق .. فطبعا حب العبد لربه مفيش اهم منه أصلا لأن العبادة كطائر رأسه المحبة و جناحيه الخوف و الرجاء 🕊️
أنت مع التربية الحديثة ولا التربية القديمة؟ 🤓
مفيش حاجة ثابتة للمصطلحات دي !! لو التربية القديمة هي المقصود بيها التربية الدينية و حفظ القرآن في سن صغير مثلا و فكرة أممية الاسلام فأكيد معاها .. إنما تربية التجهيل من بداية الخمسينات أو حتى من علمنة أسرة محمد علي لحد دلوقتي اكيد ضدها .. غالبا بتكون شخصيات جاهلة دين و دنيا للأسف 💀
هو دا قدر الله و بنرضا بيه في المطلق ✋ و هو عادي الطول دا في البنات اعتقد .. لكن لو أقل من المتوسط مثلا ف ايدك ايه تعمليه ؟؟ 💀
ايه سبب حب الرجاله فى الرقص
الرجالة مبتحبش الرقص .. الرقص مجرد وسيلة لإظهار مفاتن المرأة الرقص مش فن ولا رياضة ولا ليه اي تلاتين لازمة الميل الفطري للنساء بشكل عام هو سبب أن الراقصة و المتابع بيمثلوا على بعض .. هي عاملة نفسها فنانة و هو عامل نفسه منبهر !! و هي مجرد بتظهر جسمها و هو بيتابعه ببساطة .. الرقص كذبة سخيفة من اختراع شياطين الانس والجن ✋