انا ف حيرة بجد ، بيحبنى شاب فيه كل المواصفات اللى اى بنت تتمناها و طموح و متفوق ف شغله و جدع و شكلا جميل ,بس مش حاسة اى مشاعر تجاهه و حاسة ان لو انتظرت شوية يمكن الاقى شخص أحبه و يحبنى بصورة متبادلة ،مش عارفة اعمل ايه ،أسيب فرصة نتخطب ،و لا أبعد احسن و اشوف دنيتى هترسى على ايه ؟!
لو انتي شايفه انه كويس وابن حلال ويستاهل انخطبوا الله اعلم يمكن الحب يجي بعدين لكن انتي لو رافضه جواز الصالونات من مبدائه يبقي بلاش
الحب ف البداية مش شرط ، الشرط القبول والتفاهم ومع الوقت والعشرة والاهتمام هتلاقي الحب
مش مهم تكوني بتحبيه .
لو نفسيا متقبلاه وفيه الموصفات ال اي بنت عايزاها يبقي الحب هيجي بعدين .
ابعدي عنه هتظلميه هو بيحبك وانتي لا هيتظلم معاكي خليه يشوف حاله مع بنت تحبه
ادي نفسك فرصة تعرفي شخصيته مش يمكن تعجبك
طالما انت بتقولي إنه كويس وفيه صفات كويسة، ادي نفسك فرصة يمكن تستريحي ليه، وطبعا ليك كل الحق بالرغم من صفاته الكويسة دي انك متستريحيش
اديله فرصة، يخطبك وتتعرفوا على بعض وتفهموا بعض أكتر ربما رأيك يتغير من ناحيته ولو لا فأنتي ما خسرتيش حاجة.
طلاما مش حاسه يبقي انتي مش مضطرة تماما و في نفس الوقت متبقيش بتظلمي اللي قدامك ...حقيقي لو مش حاسه ان ده شخص انتي فرحانة بيه مش بس عندك ليه قبول مبدأي يبقي لا طبعا بعد ما تكوني قعدتي كذا قاعدة عشان تبقي اديتي نفسك فرصة كافية
المَشاعر مُهمه .. والي متحسيهوش متاخديهوش حتي لو آخر فرصه ف الدنيا .
العقل مش كفايه زي ما القلب لوحده مش كفايه .
لازم الاتنين تقيمي بيهم اختيارك .
ابعدي علشان متستاهليش الشخص دا وفيه اللي يستاهله
