الزواج بينجح لما يكون الرجل أكثر حبا مش الست ؟تتفق
الزواج مابينجحش بالحب أصلا في حاجات أهم
هو كان عنده مشكلة قعد حكهالي وبعدين قالي مصدع وعايز اقفل من غير ما يقولي كلمة حلو اقوله مش هتقولي حاجة حلوة انت بتيجي عليا قالي مش رادد وبعد كده مش هاجي احكيلك حسيته بيذلني بجد والله ومش طايقني انا كده غلطانة ولا هو بيدوس عليا ؟
حسيت أنه مش أنسب وقت تقوليله كده.. طالما حاسة إنه مش طايقك اديله مساحته ولما يبقى كويس قوليله أنا زعلت من أسلوبك معايا
حلو طول 169 ولا طويلة أوى حسانى طويلة أوى مقارنة باللى حواليا
لا هو الطول مناسب بس سؤال لو أنت طويلة بالنسبة للي حواليكي هتعملي ايه؟ تقبلي نفسك زي ما أنت أيا كانت
لسة منمتش اكيد
لا لسه 👀
عامل ايه
كويسة 🥹
انا بنت و طريقه كلامي هاديه شويه ..صحابي اول م اتكلم يقولولي بطلي مياصه و دلع🙃 وانا والله مش بتمايص و حقيقي تعبت نفسيا من كتر م كلامهم ..اعمل اي عشان اغير طريقة كلامي؟؟
غيري صحابك
متقدم دكتور بشري والدته ست علي قد حالها مش متعلمة وانا دكتورة زيه ووالدتي دكتورة وهو اخلاقه كويسه جدا ومحترم بس موضوع والدته ده ناس من العيلة مش موافقين بسببه ومش عارفه بصراحة اعمل ايه
هو (الناس اللي من العيلة) يقولوا رأيهم ليه أصلاً؟ هو حضرتك هتقدمي لمامته في شغل مثلاً فعايزة تعرفي مؤهلها؟ وبعدين ايه المقارنة الغريبة دي بتقارني مامتك بمامته ليه يعني؟ هي مش متعلمة وعرفت تربي دكتور .. ومامتك دكتورة وربت دكتورة بالتفكير ده ما شاء الله عليكم..
ما يمكن فعلا احنا منتحبش !
حصل
نظرتك ايه للمطلقه الي سنها صغير 🥺
هتفرق سنها صغير من كبير يعني؟ نظرتي ليها إنها إنسانة كان حظها وحش في جوازها
ميرسي يا قمرايه . بتعملي ايه ناو بقي😂 ابعتيلي في سوال برايفت عندي
ماما دايما بتقلل مني سواء ف البيت او قدام الناس اعمل ايه معاها انا بسكت ومش ببقي عاوزه ارد وباجي اخر الليل واعيط حد عنده حل ؟ 😥
الأسلوب ده مؤذي نفسياً، خصوصاً لو قدام الناس. مفروض الأم هي أكبر داعم، لما هي تعمل كده سابت ايه للناس الغريبة؟ اتكلمي معها، قوليلها مش بحب إنك بتقللي مني قدام الناس أو ما بيننا، كونها أمك مايديهاش الحق إنها تدمرك نفسياً.