>_
حاب احكي عن الـShutdown والـSleep والـHibernate (الإغلاق والنوم والسُبات) عن شو همّ وإيش المناسب الك تستعمله.
هسا الاغلاق الكل بعرفه؛ بطفي جهازك بالكامل والبرامج اللي شغال عليها مثلا فاتح فايرفوكس وباوربوينت ولعبة كلهم بكونو شغّالين (او بالاحرى مخزنين) على الرام ف انت بتعمل حفظ لشغلك يعني بتخزن عالذاكرة الثانوية (SSD or HDD)، فلما تطفي الجهاز كلشي موجود على الرام بنحذف ف اذا ما حفظت شغلك راح عليك.
النوم (السلييب) ما بحذف شغلك من الرام وبخليه مثل ما هو، بس هيك الرام يعني بعدها شغالة ? بالزبط، السلييب بستهلك طاقة حتى لو مبين انه جهازك طافي لانه هو فعليا بعده شغال نوعا ما بس اكيد بصرف طاقة اقل بكثير من لما يكون شغال بالكامل، ولما تكبس اي كبسة الجهاز بطلع من السلييب وبفتح وين ما تركته.
أما السبات (الهايبرنيت) هو اشي بين الاغلاق والنوم، يعني الرام بدل ما تظلها شغالة تستهلك طاقة؛ بقوم بخزن محتوياتها بملف على وحدة التخزين الثانوية وهاظ الملف برجّع البيانات للرام لما تطلع من وظع السبات فبرجعلك شغلك من وين ما تركته زي السلييب بس الفرق انه جهازك بستهلك طاقة اقل بكثير من السلييب يعني تقريبا بتقدر تحكي انه بستهلكش.
هسا بعد ما قرأت اللي فوق غالبا رح تحكي انه وضع السبات أحسن اشي، وانا معك لاني انا كمان بستعمله بدل السلييب، بس لأ مش شرط أحسن اشي والشغلة بتعتمد اذا عندك HDD or SSD وكمان على متى بدك ترجع تستعمل جهازك، يعني مثلا في حال عندك HDD؛ لما يكون جهازك طافي وبدك تشغله ممكن يوخذ حوالي دقيقة ليشتغل ولما تشغله من الهايبرنيت ممكن يوخذ نص دقيقة ولما تشغله من السلييب ممكن يوخذ ثانيتين، فمثلا هسا انت بدك تنام وترجع تستخدم جهازك ثاني يوم او ترجعله بعد اكم ساعة الاحسن تعملله سبات، اما لو بدك تتركه لفترة بسيطة او بدك ترجع تستخدمه بسرعة الاحسن تعملله سلييب.
أما لو عندك SSD الامور رح تكون اسرع بكثير يعني تشغيل جهازك لو اخذ 10 ثواني؛ تشغيله من السبات ممكن يوخذ 4 او 5 ثواني بالكثير، والسليب رح يفتح معك بثانية او اقل، فهون السبات أنسب اشي تستعمله سواء بدك ترجع لجهازك بعد أيام او بعد ربع ساعة، رح يوخذ منك حوالي 5 ثواني لتشغيله والسلييب بالنسبة الي مش شايف اله داعي اذا عندك SSD.
هسا الاغلاق الكل بعرفه؛ بطفي جهازك بالكامل والبرامج اللي شغال عليها مثلا فاتح فايرفوكس وباوربوينت ولعبة كلهم بكونو شغّالين (او بالاحرى مخزنين) على الرام ف انت بتعمل حفظ لشغلك يعني بتخزن عالذاكرة الثانوية (SSD or HDD)، فلما تطفي الجهاز كلشي موجود على الرام بنحذف ف اذا ما حفظت شغلك راح عليك.
النوم (السلييب) ما بحذف شغلك من الرام وبخليه مثل ما هو، بس هيك الرام يعني بعدها شغالة ? بالزبط، السلييب بستهلك طاقة حتى لو مبين انه جهازك طافي لانه هو فعليا بعده شغال نوعا ما بس اكيد بصرف طاقة اقل بكثير من لما يكون شغال بالكامل، ولما تكبس اي كبسة الجهاز بطلع من السلييب وبفتح وين ما تركته.
أما السبات (الهايبرنيت) هو اشي بين الاغلاق والنوم، يعني الرام بدل ما تظلها شغالة تستهلك طاقة؛ بقوم بخزن محتوياتها بملف على وحدة التخزين الثانوية وهاظ الملف برجّع البيانات للرام لما تطلع من وظع السبات فبرجعلك شغلك من وين ما تركته زي السلييب بس الفرق انه جهازك بستهلك طاقة اقل بكثير من السلييب يعني تقريبا بتقدر تحكي انه بستهلكش.
هسا بعد ما قرأت اللي فوق غالبا رح تحكي انه وضع السبات أحسن اشي، وانا معك لاني انا كمان بستعمله بدل السلييب، بس لأ مش شرط أحسن اشي والشغلة بتعتمد اذا عندك HDD or SSD وكمان على متى بدك ترجع تستعمل جهازك، يعني مثلا في حال عندك HDD؛ لما يكون جهازك طافي وبدك تشغله ممكن يوخذ حوالي دقيقة ليشتغل ولما تشغله من الهايبرنيت ممكن يوخذ نص دقيقة ولما تشغله من السلييب ممكن يوخذ ثانيتين، فمثلا هسا انت بدك تنام وترجع تستخدم جهازك ثاني يوم او ترجعله بعد اكم ساعة الاحسن تعملله سبات، اما لو بدك تتركه لفترة بسيطة او بدك ترجع تستخدمه بسرعة الاحسن تعملله سلييب.
أما لو عندك SSD الامور رح تكون اسرع بكثير يعني تشغيل جهازك لو اخذ 10 ثواني؛ تشغيله من السبات ممكن يوخذ 4 او 5 ثواني بالكثير، والسليب رح يفتح معك بثانية او اقل، فهون السبات أنسب اشي تستعمله سواء بدك ترجع لجهازك بعد أيام او بعد ربع ساعة، رح يوخذ منك حوالي 5 ثواني لتشغيله والسلييب بالنسبة الي مش شايف اله داعي اذا عندك SSD.