ما تغيرت عليك، مشاعري اتجاهك ما ماتت، غيرتي ولهفتي و حبي موجودين ، وتفكيري فيك لساتو ماخد كل يومي.. لسا بصفن بصورك ساعات و بشتاق لصوتك و لضحكتك و بشتاق ل ايامنا و كلامنا الطويل اللي ما كان يخلص . ما بطنشك ولا بحاول اتهرب منك، الموضوع اني مش مستوعبة شعور اني بطلت الحد المفضل عند الحد المفضل اللي الي. ! و اه لو بحبك مجرد ما اشوفك تغيرت ما رح احاول ارجعك زي ما كنت، لانو الي تغير وباع مرة بتغير و ببيع الف مرة. ! و اكيد عاز علي علاقتنا تصير هباءاً منثورا بس برضو وحدة متلي متعودة انها تكون "نمبر ون" بكل اشي بحياتها ما رح تسمحلك تكسر القاعدة و وتخليها رقم. ٢ واكيد ما رح اسمح لحبنا يصنفني فاشلة او "انثى مضحية" تنازلت عشانك ! مش مطلوب مني اتنازل عشان بحبك لانك لو بتحبني ما بتسمحلي اتنازل !اعذرني لاني واعية بشكل بفوق انثاوات مجتمعنا و مصرة اكون شاذة عن قاعدتهم بانو لازم ادير بالي عليك عشان ما تروح ،، اللي بحب بروحش .اعذرني لاني انا بوصل لمرحلة انه يصير عليك "غبرة" بحياتي ، بس صدقني ما بقدر اكون تقليدية واضل اسامح. و اوعك تفكر تحط اللوم علي لاني ما اعطيتك فرصة ، من الوقاحة تضل تطلب فرص و لو بتحبني بتتركني انتصر بعين نفسي و افوز ع محاولات افشالي ;) و ازا الكلام قاسي برضو اعذرني بس انا مش مطلوب مني اضل أدللك بعد ما صرت حيوان :')#منقول #يارا_السباتين