" الفتور في العبادات "
- بصلي .. بس من غير همه !
- بصلي قيام .. بس مش دايماً .. مش حاسه كده ؟
- سبت السنن بقالي فتره .
- قرأتي للقرآن قلت أوي .
- مبقتش بدعي كتير .. مش عارف ليه .. !
- بعمل العبادات كلها .. بس مفيش روح !
بيجي عليك وقت .. بتحس حاله من دول .. حالة فتور .. أو ملل .. زهق .. مبدأياً حاله طبيعيه جداً ! بس بشرط متكنش مطول فيها علشان هي حاجه طبيعيه لأ الفكره انك تكون خلاص
الحاله دي بتفكر ازاي تطلع منها ، لان الشيطان ممكن يقولك عادي ده طبيعي و يخليك فيها كتير لحد ما تتعود .. !!
من الخطأ الكبير جداً تطلع منها بإنك تزود عبادتك ؟!
يعني تصلي أكتر . تصوم أكتر - تقرأ قرآن أكتر ( معتقد إنك كده بتكيد الشيطان و بتحارب نفسك )
و غالبية ال عملوا كده انتكسوا بشكل أكبر ، لأن نفسك عايزه مسايسه و انت بشر أنت مش أله ، بيجي وقت و بتفصل شويه ، لازم أسلوب تاني خالص تاخده مع نفسك ، بلاش
أسلوب الحرب مع النفس في كل حاجه ، في بعض الاحيان النفس بتبقى عامله زي الطفل
تتاخد واحده واحده ، بس بسرعه .
- الحاله دي بتبقى نتيجة أيه ؟!
1- إنك أثقلت نفسك في عبادات كتير مره واحده أوي بشكل مبالغ فيه فـ وقعت في النص .
2- ضغوطات حياه حواليك شديده ف وقتك ضاق و نفسك ضاقت .
3- مشاكل و هموم ، نفسيتك وحشه جدًا ، فـ أكيد عبادتك أتأثرت .
4- نوم ملخبط ، أكل غلط ، أنطواء شديد و مفيش اي خروج من البيت أو توهان في أهداف .
5- مفيش تجديد في علمك عن " اللّٰه " , يعني مبقتش تقرأ عنه تسمع حاجه تلين قلبك
فـ دخل ع نفسك الروتين ، فـ مبقاش في روح .
- طيب الحل ؟!
1- أسمع حد بتحبه . داعيه معروف ، حد يكلمك عن ربك " بحب " مش يكلمك عن رعب .
يوم القيامه و االقبر و ال هتشوفه فيه أبعد عن الناس دي الله يباركلك ، أسمع حاجات تحببك في اللّٰه , أسماء اللّٰه الحسنى ، حب اللّٰه ، إحسان اللّٰه اليك ، الصله باللّٰه , الروحانيات دي بتعلي طاقتك جامد أوي ، و بتحمسك جداً . مش لازم يكون حد يبكيك ، أهم حاجه تحس
بعد ما تسمعه إن ربنا وحشك بجد .
2- بعد ما تسمع و تقعد فتره تتسمع بس متسمعش كتير في اليوم الواحد . لا حاجه بسيطه ف الاول بس تثبتهم فتره كبيره . يعني كل يوم 10 دقايق أو ربع ساعه
و أنت في طريق . و أنت ع السرير قبل ما تنام ، بعد الفجر ، وقت السحر ، أسمع في وقت تكون رايق فيه و عايز تسمع أوي ، ثبت 10 دقايق بس ، او أقرأ زي ما تحب ، بس ثبت ده . والله هتحس في حاجه بتتغير جواك أنت بتعمل جواك refresh عن معرفتك بالله
الـ بقالها فتره زي ما هي مفيش فيها جديد . سجل ال يعجبك من ال تسمعه علشان تحس إنك بتعمل مهمه . يعني سجل دعوه حلوه ، سجل حكمه حلوه ، أكتب . علشان تبقى قدام عينيك دايماً .
3- إبدأ ظبط حاجه حاجه . و اعرف ان خير الاعمال أدومها و إن قل . ظبط الفروض
في وقتها في الاول تاني و بعدين خدلك فتره يعني أقصاها أسبوعين مثلاُ , و إبدأ
ظبط سنة الفجر . شويه و سنة المغرب شويه و سنة العشاء و شويه و سنة الظهر .
يعني خد نفسك براحه ، أكيد كنت زمان بتقرأ قرآن كتير ، معلش إبدأها بصفحه واحده
تثبتها مهما حصل ، هتقرأها يعني هتقرأها . و أقرأها بتدبر شديد . و عيش جواها أوي .
او أسمع شيخ بتحبه و أقرأها معاه ( هيفرق معاك أوي ) و بعد ما خلاص الصفحه بقت أساسي شويه و زود , و هكذا مع الصيام و القيام واحده واحده .
4- أتكلم مع ربنا بفضفضه . أحكي له مشاكلك و ضيق نفسك . و أنك أكبر مشكله عندك أن علاقتك بيه وصلت لكده و أطلب من الكريم يساعدك . سبحانه لا ملجأ منه الا اليه ،💜
View more