كنت هبعت مسج طويلة لحد عزيز عليا
عشان نتعاتب على حاجه مضايقاني
وبعدين تراجعت ....
فجأة بقيت حاسه ان الصديق الحقيقي هيبقى فعلا حريص على بقاء العلاقة مهما كانت الظروف!
بقالي كتير عمالة بضيق دايرة علاقاتي لحد ما بقت لا تتسع غير لتلاته أو أربعة فقط..
وعلى الرغم من إن ده منافي تماما لطبيعتي اللي بتحب
حاجه كده حد قالهالى زمان
"متتمنيش حاجه خلى الحاجات هى اللى تتمناكى"
متتمنيش تشتغلى ف مكان معين بس خليكى على مستوى يخلى أى حد يتمنى أنك تشتغلى معاه
متتمنيش ناس تكون ف حياتك بس خليكى انتى الشخص اللى أى حد يتمنى يكون ف حياته
وبعد سنين اكتشفت انها كانت جمله عظيمه وبتخلينا نشتغل على نفسنا اكتر ما نحلم