ليه الإنسان ممكن يبعد عن انسان فجأة في يوم وليلة من غير أي أسباب ولا مقدمات ؟!
بتبقي في تراكمات اكيد
نفسي الناس الكبيره تقتنع انه مش نفس الزمن ان احنا عندنا طموحات واحلام ومش كل حاجه تبقى ماشيه تقليدى زى ماهما عايزين عشان حرفيا هما اكبر ضغط نفسي فى الحياه
" هذا الجيل مدلل ولا يصلح لشيء " الجمله دي كانت مكتوبة بالهيروغلوفية على جدار معبد فرعوني ! يعني ده مش ف زمنا بس لا ده في كل الازمان وعلي مر العصور كل جيل شايف الجيل اللي بعده مدلع و انهم اكفأ مننا خبره و عقليه واننا لو مطبقناش نفس اسلوبهم و نظامهم يبقي احنا جيل مدلل ف عيونهم
ممكن أرفض حد لمجرد شكلا مش شيفاه حلو ؟ مش دا اللي بحلم بيه طول عمري ؟
الموضوع مأزمني نفسيا جدا مش قادرة اختار شخص مش شيفاه حلو والكل بيشوف ان حوار الشكل دلع وملهوش لزمة
بس مش قادرة بجد رأيكم ايه كنصيحة أخوية
هو الحوار بيكون تقبل ... انك تتقبلي الشخص اللي قدامك بشكله بشخصيته بهيئته و أسلوبه .. اساس الجواز التقبل .. لو مش متقبله الشخص ده خلاص
مخطوبة لحد غامض جدا الناس كلها بتشكر ف اخلاقه بس شخصيته مش قادره احددها من كتر الغموض مرضاش يعمل خطوبة ولا يعلنها بحجة انه بيخاف م الحسد ومش هيعمل فرح ولا اى مناسبة لينا مع بعض ومش بيلبس الدبله وفى حجات كتير مش قادره اعرفها عنه مش بيحكى كل حاجه وكلامه قليل وخايفه منه بس مش قادره امسك عليه حاجه
انتي مرتاحه ولا لاء ؟ لو مش مرتاحه متكمليش ف حوار انتي مش لاقيه راحتك فيه
لو فسخت الخطوبة ارجعله الشبكة ولا ده حقي؟
لا مش حقك
هل عادي أرفض شخص مناسب علشان شكله مش عاجبني؟
اهم حاجه ف الجواز القبول .. وطالما مافيش قبول خلاص
إقتباس..🌸
قيل للحسن البصري : إن فلانًا لا يعظ الناس . . ويقول أخاف أن أقول ما لا أفعل ! فقال الحسن : ومن منا يفعل ما يقول ؟! ود الشيطان أنه قد ظفر بهذا
اغنيه قديمه أسمعها 🤍
فكروني ، سيرة الحب ل ام كلثوم يا خلي القلب ، سواح ، شوف بقينا فين يا قلبي ل عبد الحليم حافظ عيون القلب ، القريب منك بعيد ل نجاة
علاقتك كويسه مع الأكل
مش مطلوب مننا ان علاقتنا تكون كويسه بالكل .. لان في منهم الكويس فيه المؤذي قولاً و فعلاً .. فهي كويسه مع الكويسين و مختصره الوحشين
بعد تخرج وشغل وكارير وسني ٣٠ ووحيدة اقول ان الست ملهاش غير بيتها و لما اشوف بنت معاها زوجها واولادها بتحسر على خسارة عمري
ربنا يكرمك و يعوضك خير يارب
لو فسخت الخطوبة ارجعله الشبكة ولا ده حقي؟
لا طبعا مش حقك
لو انا مخطوبه عن حب و كنا نعرف بعض قبلها فتره كبيره بس من وقت الخطوبه و انا حاسه ان مش المواصفات اللى انا عوزاها ابدا ف شريك حياتى و عيوبه بتظهر قدامى كل يوم عن اللى قبله المشكله ان مش عارفه اشرح لحد و لا اشكى لان دا اختيارى بس حد مش بيقدرنى ابدا ك اهتمام و حتة لو كلمه حلوة
هو عادي العروسه تسئل اللي متقدملها بتقبض كام ودخلك ايه في قعدة التعارف
لا طبعا مش عادي 🙄
لسة عندك تى شيرت الفان دى؟
Yes 🥰
هو عادى خطيبى يشتمنى ويقولى معلهش اصل بتعصب عشان بحبك؟؟
اكتر وقت ممكن تعرفي فيه اللي قدامك هو وقت عصبيته او وقت اختلافكم سوا .. الاختلاف دايما هيوضحلك حقيقة اللي قدامك لان الطبع هيغلب التطبع وانه يغلط فيكي في خطوبتكم معني كده ان للاسف الوضع ميطمنش ، ومافيش حاجه اسمها اني كنت متعصب عذر اقبح من ذنب
انتخة البيت ولا فرهدة الشغل ؟؟
فرهدة الشغل
محتاجه اجابه للسؤال ده لعل وعسي اخد قرار لو انتوا بتحبوا حد ولسه في بالكم بس هو مش بيحبكم بس فيه حد تاني دخل حياتكم وبيحبكم اوي ومستعد يعمل اي حاجه علشانكم هتعملوا اي ؟
ادي فرصه تانيه لنفسك بس اعقلي كل حاجه بعقلك
عايز تاكل ايه دلوقتي
اي حاجه بس اكل 😂😂
شكلي مش حلو والموضوع جبلي احساس بالنقص وعمر ما حد اعجب بيا، دلوقتى حتي جواز الصالونات بخاف منه وبرفض من بره بره بسبب قلة ثقتي في نفسي واحساس ان الي متقدم مش هعجبه وهيرفضني، وحاسه اني حتي لو اتجوزت الغيره هتقتلني بسبب اني حاسه اني اقل من غيري، هل في حل للي انا فيه؟
" كل منا جميل بطريقةٍ ما " في ناس جميله بشكلها وفي ناس جميله بروحها وناس جميله بحيائها وعفتها و طهارتها و طيبة قلبها الجمال مش متوقف ع الشكل بس ، متوقف ع العقل الراجع والاسلوب الرقي ثقافة الفكر ، متوقف ع العفه و الحياء حبي نفسك و تقبليها الاول عشان تلاقي اللي يحبها