هو إحنا كرجالة.. المفروض نبين ضعفنا لمين؟
يعني المفروض نعيط وننهار قُدام مين، وإحنا في مُجتمعنا، مفروض علينا إن الراجل ميعيطش، الراجل مينفعش ينهار ويكون ضعيف، ولو فكرت مثلًا تبين ضعفك للبنت اللي أنت بتحبها أو مُرتبط بيها، فهتسيبك بعدها.
مش هينفع .. لا في مجتمعنا ولا في اي مجتمع تاني .. واسي جروحك بالاغاني والكتابة
هتسيبك عشان واحدة مش سوية ومش قادرة تتعامل مع طبيعة بني آدم، يعني هي لو ابنها كبر وعيط هتسيبه!! ولا هتبطل تحترمه! دي لا تصلح تقوم بأي دور ف الحياة لو هي بتفكر كده أصلاً، طز ف المجتمع الواحد يعمل اللي يريحه طالما مش حرام ولا قلة أدب.
لو البني آدم معندوش شخص يقدر يكون ع طبيعته معاه تبقى دي الوحدة ولازم ساعتها يبدأ يدور ع الشخص ده..
لا محصلش شوف مين اقرب شخص لقلبك وفضض له بكل اللي جواك بس متزعلش لما ف الاخر يقولك معلش
من رايي ومش رياء والله تعالى ف نص الليل وصلي قيام ليل وطلع كل اللي جواك هتلاقي راحتك وحل مشكلتك عند ربنا وبالفعل مش بالكلام
ليه مفيش الكلام دا بالعكس طبعا
عايزة اقولك كان ادامي ودموع تماسيح بعيد عنك 💔 فلو حابب تعيط يبقي ف حضن أمك أو بين ايدين ربنا
مين قال كده؟ ما الرجالة بشر وبتتعب وحقها تنهار وتضعف عادي ولو البنت اللى بيحبها سابته لمجرد أنه ظهر ضعفه قدامها تبقى مش بتحبه اصلا 🤷🤷🤷
لو اللى بتحبها مقدرتش ضعفك وتقويك هيه ف مش هيبقي في حد تبين ضعفك ادامه اولا واخيرا غير ربنا سبحانه وتعالى حتي قبل اللى بتحبهم
مش عيب انك تضعف انت مش روبوت
فكرة إنك ماشي ورا كلام المجتمع دي لوحدها فشل
طول م إنت بتحكم إن الناس/بنات هاتعمل كذا وهاتقول عنك ضعيف وهاتسيبك هاتفضل ضعيف، إنت كدا مستسلم للفكرة، إختار ناسك كويس الأول وبعدين شوف هايشوفوك صح ويسندوك ولا لأ إنما الكلام في المطلق دا مالوش فايدة، الضعف مش عيب أصلاً من الأول لكن الإستسلام للأفكار الشايعة دي هو إللي غلط وبيقتل
اوعى تبين ضعفك لبنت هتحتقرك فقد اجمع كثير من الناس شرقا وغربا ممن يستحيل تواطئهم على الكذب على ذلك حاول حلها مع نفسك أو لو عاوز تطلع اللي جواك ممكن مع صاحبك وللاسف كراجل ساعات كتير مبيبقاش عندك رفاهية الإنهيار لازم نحاول نتماسك
وغير كده حاجات غريبة لو حبيتها اوي هتحتقرك و هتسيبك وده برضه لقيت قضايا خلع مرفوعة في دول عربية وأجنبية عشان بيحبها اوي وتجارب كثير من الشباب
ده غير انهم غالبا لو لقوك طيب كده هيحتقروك هما عايزين ما يسمى الباد بوي هتتمناله الرضى وغالبا حتى لاحظ هتلاقي البنات ملمومة حواليه
وده خلاصة بحث عالنت مش عارف ده حقيقي بشكل كلي ولا ايه غالبا مش الكل لكن الأكيد إن جنس البنات ده غريب جداً
