ليه الست مش حرة انها متتحجبش ... بما انها هي الي هتتحاسب .. وبما انها عاقلة وناضجة انها تختار نمط حياتها؟؟
امور الدين ليست للنقاش سواء رجل أو ست
الحجاب فرض على كل مسلمة وتركه معصية كبيرة مفيش كلام. لكن هي مادام بالغة ومكلفة فا هي هتتحاسب يوم القيامة زيها زي أي بني آدم لوحدها عن كل حاجة عملتها، لكن إذا ربنا ولاها مسؤولية زي الأطفال مثلا فا هي هتتحاسب على تربيتهم، وبالمثل فا أبوها مثلا أو جوزها مسؤولين عنها قدام ربنا لأنها من ضمن رعيتهم..
"أَلَا كُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ، فَالْأَمِيرُ الَّذِي عَلَى النَّاسِ رَاعٍ، وَهُوَ مَسْئُولٌ عَنْ رَعِيَّتِهِ، وَالرَّجُلُ رَاعٍ عَلَى أَهْلِ بَيْتِهِ، وَهُوَ مَسْئُولٌ عَنْهُمْ، وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ، وَهِيَ مَسْئُولَةٌ عَنْهُمْ، وَالْعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ، أَلَا فَكُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ".
متفق عليه.
فا هي حرة تختار نمط حياتها براحتها لكن إذا كان فيه راجل مسؤول عنها منعها من معصية فا ده شيء المفروض تشكره عليه. وفي الآخر ماهي ممكن تحاول تستقل عنهم وتعيش لوحدها وتعمل اللي في نفسها كله، وبرضه هيتسئل عنها وليها يوم القيامة لو قصر في مساعدتها على طاعة ربنا.View more
لو مسلمة إسلاما صحيحا هتبقى فاهمة إن جملة زي: "وبما انها عاقلة وناضجة انها تختار نمط حياتها" دي لا تتوافق مع تحقيق إسلامها أصلا..
وليه العيل الصغير مش حر انه يحط ايده ف الكهرباء
+ 4 💬 messages
read all
لا هو كل إنسان حر ..
راجل ست كبير صغير مسلم مسيحي ، كل الناس أحرار .. بس الوضوح حلو مفيش حاجة اسمها حرية في الحلال والحرام ، فانتي لو مش محجبة لو حد غير متطفل و هادي و بيتناقش معاكي بالحسنى متقوليش أنا محجبة عشان حرة ، اسمها أنا مش محجبة عشان أنا ضعيفة و مفتونة و بعمل ذنب و عارفة انه ذنب و ربنا يهديني
إنما الحرية دي تستخدميها و انتي يتختاري بين اللازانيا و الفوتيتشيني ع الغدا
+ 2 💬 messages
read all
علشان اللي بيحب حد بيخاف عليه وأحنا بنحبكم وبنخاف عليكم
لان البنت عليها واصي ومسؤول عنها ويتحاسب عليها باباها و زوجها
صح ليه مش حاطين فى دماغهم أن كل واحد هيطلع تفكيره مختلف عن التانى وانه معندوش ميول يبقي مثالى ومحترم زى ما هما عايزين الحرية عندنا فى داهية والإنسان تعب من كتر الكبت
مين قال مش حرة
حرة ماتتحجبش وحرة تعمل اى حاجة
وحرة كمان يوم الحساب تقول ياليتنى قدمت لحياتى
كلكم راعٍ وكلكم مسؤول عن رعيته
