بيعجبني رأيك و عايزة أخد رأيك في موضوع
متقدملي واحد مش منتظم في الصلاة و بيشرب سجائر بس هو و عدني إنه هينتظم و هيبطل سجائر عشاني
رأيك ايه عشان محتارة ؟
مش بيصلي يترفض الصلاه اول حاجه هيتسال عليها الإنسان ربنا يهديه .. مش مناسب
هو الناس ممكن تاخد عني فكرة مش كويسة لو عرفوا إني بتعالج عند دكتور نفسي؟
بصي هو مش عيب اطلاقا بس للاسف احنا ف مجتمع عنده جهل كبير بالطب النفسي ف مش لازم تقولى ده لكل الناس يعني
عاوزه اخلع الحجاب اقنعهم ازاي
ربنا يهديك الحجاب فرض ياريت تراجعي نفسك قبل ما تشيلي ذنب كبير زى ده هتندمي عليه بعدين
مش عارفه اقول اي بس متأكده اني هتهاجم . انا مخطوبة لشخص حالته على اده جابلي شبكه بس ٢٠٠٠٠ .. مش دي مشكلتي المشكله ان قرايبي جايلهم شبكه ب ارقام عاليه و بنت خالتي كل شويه خطيبها يجيبلها دهب و دي بصراحه حاجه بضايق منها و بحس أن انا قليله مع اني احسن منها ف تعليم .. اعمل ايه عشان تعبت من المقارنه
بطلي تبصي لل ف ايد غيرك هتكوني سعيده و اقتنعي أن كلنا زى بعض
لو واحده رابطه حياتها وكل أحلامها انها تاخد ظابط وبجد بترفض اي حد عشان تتمنا من ربنا ظابط دا صح
ده عبط
لو واحد خاطب وبيكلم بنات كتير يبقا ناقصه ايه ؟
تربيه
جماعة اخد كورتيزون وابطبط وأحلو زي باقية البنات اللى عملوا كده، ولا فكرة سيئة؟
غلط طبعا الكورتيزون بيتاخد ف حالات مرضية معينه لو في بنات بتعمل كده ف ده جهل
هو عادي اكلم صاحب خطيبي وهو عارف؟
مرقعه بلا هدف
هو الكونجستال بينيم؟!
اه
ايه رايك فى مسلسل بالطو
حلو جدا
احلي ايام حياتك كانت امتي؟
وانا عندى سنتين
ساعات الانسان بيعدى بمواقف و أزمات بتطفى جواه حاجات كتير ، و بيحصل له تاكل لصفات كتير ممكن تكون حلوة و راحت .. لكن الحقيقة لا يعود أحد من المعركة كما ذهب إليها ، حتى و إن عدت منتصرا .
متقدملي مهندس وأنا في كلية تجارة وهو كان موافق موافقة مبدأية لكن أخته قالتله انت رحت لدكتورة ومهندسة وانت اللي موافقتش عليهم وعايز تخطب دي فتقريبا هو غير رأيه. دلوقتي أنا قلبي واجعني يعني لازم الدكتور ياخد دكتورة والمهندس ياخد مهندسة وهي مالها يعني أخوها كان موافق هي ايه اللي مزعلها أنا حزيينة بجد
متزعليش ي حبيبتي ربنا ظهر قدامك نيتهم بدرى عشان متتدبسيش هما كده أغلبهم حربيات و عقارب جبلي متزعليش ربنا هيعوضك بالاحسن ده م راجل اصلا