جنت اشوف ابويه يخطط بالورق ما اذكر شيخطط بس جربت مره مثل اخطط وراها سويت خط عدل ورسمت دبابه تمشي ع الخط وطياره فوكاها واذكر جانت بوقتهه حرب ايران والعرق جنت اشوف هيج مشاهد بالتلفزيون فجانت هاي اول رسمه اليه من جان عمري 4 سنوات طبعا هذا كله كلام ابويه اني ما اذكر اي شي من هذا الوقت
اهم درس تعلمته ان افرق بين الاعجاب والحب اهم درس تعلمته العمل الجماعي طريق للنجاح اهم درس تعلمته ان اعمل على تحقيق هدفي قبل ان ينتهي الوقت وانا افكر به اهم درس تعلمته انه شكد ما قريت وتعلمت ودرست واشتغلت بمجالات معينه اكو شي بداخلي باقي يريد يتعلم شغلات اكثر واشياء جديده لهذا السبب طريقي بالتعلم مرح يتوقف
تكتسب من المحيط والسبب في الاختلاف يعود لكون الانسان يتأثر بموقف معين يجعله يغير شخصيته لكي لا يتكرر ذلك الموقف مره اخرى في حياته او موقف يجعله يغير شخصيته ليمر بذلك الموقف او يجعله يكتسب شخصيه انسان مؤقته ضهرت في ذلك الموقف كالغضب او الغباء او التطرف او الضحك او الابتسامه وهيه شخصيات او انفاعالات مؤقته غالباً