@Rayanadams

Mohamed Abdallah

Ask me anything Follow
Ask @Rayanadams

Sort by:

LatestTop

Space💗

غداً الثلاثاء ( 16 يوليو ) هو يوم عاشوراء
اللي نفسه ربنا يغفرله ذنوب 12 شهر فاتوا يصوم بكرا ويقول لغيره
قال النبي صلى الله عليه وسلم
( صيام يوم عاشوراء احتسب على الله ان يُكَفِّر ذنوب السنة التي قبله )
Space

Space

الناس اللي معندهاش تكيف تعمل اللي هقوله دة وهيدعولي
1- لو عندك مروحة ستاند اللي بتكون واقفة على عمود طويل
حط ازازتين صغيرين ماية في الفريزر لغاية مايتحولوا لتلج
وهات الازازتين واربطهم على شبكة المروحة اللي ورا الريشة
ولو الشبكة الامامية تستحمل وزن الازازة يبقى اربطها قدام هيكون مفعولها اكبر .. وطبعا الربط بيكون على اطراف الشبكة عشان دة بيكون اكبر مكان بيتجمع فيه قدر كبير من الهوا
2- لو عندك مروحة مكتب او اللي بتكون مربعة
حط ازازتين كبار ماية في الفريزر لغاية ما يتحولوا لتلج برضو
وهات الازازتين وحطهم على المكتب قدام المروحة
العيب الوحيد للطريقة دي انك هتحتاج تغير الازايز كل كام ساعة + الازايز ممكن تنزل ماية كتير في المكان المحطوطة فيه لكن لو شغلت دماغك هتلاقيلها حلول ( حط تحتهم علبة كبيرة او جردل بالنسبة للمثال الاول .. وحط الازايز فوق صينية للمثال التاني )

Space 💬

طب والله الواد اللي ضرب نار على ترامب دة لو كان قاصد يجيبها ف ودنه مكنش جابها بالشكل دة ، يعني مكنش قادر ينشن يمين شوية؟؟ ضيعت نفسك بلاش ياعم توماس ومكسبتش حاجة
لو كان ربنا هداك ونزلت مصر تعمل معانا الواجب دة كان زمانك مفرح 100 مليون مصري واخدت ثواب ادخال السرور على قلب مسلم .. وكنا هنروق عليك ونعملك ميدان ونسميه ميدان توماس باشا ونعملك ضريح جوة اي مسجد ونسميه مقام سيدي توماس
خيرها في غيرها ان شاء الله

Related users

rerybentel7agali’s Profile Photo رانيا علي (الست هانم)
ayakandil28’s Profile Photo آيوتة
Bahbah14’s Profile Photo عــمـر
MA_YONA2026’s Profile Photo مايوناا||Mayonaa
nadaels8nna’s Profile Photo سِت الحُسنْ❤️
zeinababomousa’s Profile Photo Little Artist ✦•°•°
khushimustafa’s Profile Photo khushi Mustafa
IamDifferentGir’s Profile Photo Loza ✨ *Mamet Zain*
raadwaali’s Profile Photo rrrrrr
doaa572001’s Profile Photo Doaa
MahaGamalsha’s Profile Photo Maha Gamal
elahlawey’s Profile Photo Mahmoud
limeahmad’s Profile Photo Ahmad
ozoz909’s Profile Photo Osos
mahmoudahasan’s Profile Photo Mahmoud A Hasan
samar0023’s Profile Photo يارب سمورة تنجح و تجيب تقدير ♡
maryamehab25’s Profile Photo Maryam Ehab
thistimewillpass’s Profile Photo LOST
shereen153sm’s Profile Photo SHEREEN
radwanabilmohamed4458’s Profile Photo Radwa
fatma6khaled0105’s Profile Photo TATA
esraashaban300’s Profile Photo ᎬᏚᎡᎯ Ꭿ ᏚᎻᎯ Ᏸ Ꭿ Ꮑ ☻♡☜

لسة في أمل صح؟

امل ماتت من زمان وانا بقول اكرام الميت دفنه
مايصحش كل شوية تجيبوا في سيرة الست عيب

لو سمحتم سؤال انادلوقتي متجوزة واكتشفت ان جوزي قبل ميخطبني كان بيعرف بنات وبيتكلم حلو وبيتكلم كتيروكان بيحب واحدةقوي اتخطبت ومعجب ببنات كتير منهم قرايبه واللي تكلمه يكلمها انا سالته فالخطوبة قال مكنتش بكلم حد وانه هوملتزم هو بيحبني ومراعي ربنا فيابس اناللأسف شفت كلامه الحلو ومش قادرة اتخطي ولا اتقبل

مفيش بني ادم في مصر ملوش ماضي ، اضعف الايمان حب من طرف واحد .. احنا بشر واغلبنا درس في مدارس وجامعات مختلطة ، فالعبرة كلها باللي بعد الجواز هل لسة عنده علاقات مع بنات وبيتكلم معاهم؟

+ 20 💬 messages

read all

آنسة واتقدملي واحد مطلق عنده اولاد انا لسه صغيرة وهو اكبر مني ب ٨ سنين ولقيته راقي جدا في تفكيره ومعاملته لو انا وافقت عليه هكون بظلم نفسي

لو اولاده عايشين معاه فحطي في بالك انك هتتجوزيه بأولاده
مش هقولك وافقي ولا ارفضي لكن حطي المعلومة دي في بالك وعلى اساسها قرري

ازاي نتعامل مع شخص النرجسي؟

النرجسي ملوش علاج غير حاجة من اتنين
1- تعيشي عمرك كله تنفخي فيه وترضي غروره لغاية مايهلكك
2- يا إما تتجنبيه تماما من البداية لان النرجسي فعلا ملوش علاج

لما حد يتكلم معاك وطاقة كلامك خلصت بتعمل ايه

بسمع وبس وبحاول اخد الحوار لسكة الانهاء بكلمات زي
- ان شاء الله .. باذن الله
- معلش
- ربنا يصلح الحال
- ادعيلي ربنا يصلح الحال
- محدش عارف بكرا في ايه
.. الخ

خطيبي جالي بعد الشغل وبيقولي نخرج شوية قولتله لا لازم تقول لبابا قبلها ومن ساعتها مقموص اعمل اي🙂

معلش خليه مقموص .. هو مقموص لكن من جواه محترمك جدا خلي بالك

أنا ندمانه جدا. فى انسان كويس ومحترم وعنده كل الصفات الحلوه الى تتمناها أى وحده كان عايز يتقدملى وأنا رفضته وعملته بشكل وحش جدا علشان أبعده عنى رغم أنه كان مؤدب معايا. دلوقت أتقفل خالص من ناحيتى وتقريبا كرهنى ولما بدأت أعرفه أكتر حسيت بالندم. اي الحل ؟!

دة اللي سبق واتكلمت فيه
المشكلة عمرها ماكانت في الرفض المشكلة في اسلوب الرفض
العجرفة وقلة الذوق عمرها ماكانت طريق لكسب احترام الناس
( ولو كنت فظاً غليظ القلب لانفضوا من حولك ) اتقالت للنبي نفسه
ممكن تبقي صوامة قوامة وتدخلي جهنم من اوسع الابواب لسوء خلقك
بتعكوا الدنيا وبعدين تواسوا نفسكم بالنصيب والنصيب منكم بريء
زي الطالب اللي مقضيها طول السنة لعب ولما يسقط يقول نصيب
طب ما انت كان في ايدك تجتهد وتذاكر وتنجح .. مين اللي منعك؟
لو محدش منعك يبقى متقولش نصيب لان النصيب ملناش اختيار فيه
انما في ايدنا نذاكر ونجتهد وفي ايدنا نكون محترمين مع الناس
وفي ايدنا ناخد وقتنا في التفكير لغاية ماناخد قرار سليم وصحيح
في ايدنا كتير جدا انما احنا شعوب بتعشق شماعة النصيب
ونفس الشعوب لما بتقع في ابتلاء بتصبر نفسها إن الدنيا دار اختبار
طب ما انت ف الاختبار بيكون في ايدك تختار اجابتك ولا ايه؟؟
يعني حتى وقت الابتلاء في ايدك تصبر وتحتسب او تكفر وتجحد
عموما من كلامك واضح انه كان بيحبك لانه صعب جدا يرد على قلة ذوقك بأدب إلا لو كان فعلا بيحبك ومتمسك بيكي .. وانتي في المقابل مدتيش لنفسك الفرصة حتى انك تعرفيه اكتر قبل ماتحكمي عليه ، ماشيين وماسكين المازورة في ايدكم ولما يقابلكم حد تقيسوه على المازورة ، وياريتها مازورة ربانية او ليها معايير في القرآن .. انما مازورة من اختراعك او اختراع ناس بتابعيهم وبتثقي في اراءهم
اللي اعرفه انه طالما انسان بيحبك وعايز الحلال وانسان كويس زي ما بتقولي انك اقل واجب كنتي تديله الفرصة يقابل اهلك وتقعدي معاه مرة واتنين وتعرفيه اكتر وبعد كدة تحكمي عشان ماتحسيش بالندم اللي حساه دلوقتي .. انما فين المنطق اني ارفض حاجة مشوفتهاش؟ ومنين جبتي الثقة ان قبوله بيكي كان هيبقى شيء لابد منه؟ ليه مفكرتيش ولو بنسبة 1% ان ممكن هو اللي يرفضك لما يدخل بيتكم ويعرفك اكتر؟
اضعف الايمان لو رافضة تماما فكرة انه يدخل بيتكم لأي سبب يخصك انك تعامليه باسلوب محترم وكويس تقديرا لصدق مشاعره وتقديرا لانه كان راجل وعايز يدخل بيتكم بالحلال وانه مش زي اغلب الشباب يرميلك السنارة ولما تبلعي الطعم يبدأ يتعوج عليكي ويخليكي تجري وراه وفي الاخر يشوف غيرك .. كنتي سبيله على الاقل ذكرى طيبة عشان لو حبيتي تراجعي قرارك تقدري ، وعشان يوم ماتيجي على باله يدعيلك بدل ما يدعي عليكي

View more

أنا ندمانه جدا فى انسان كويس ومحترم وعنده كل الصفات الحلوه الى تتمناها أى وحده

لو عندى ٢ من اصحابي قريبين منى جدا ينفع عادى احكيلهم أسرار وتفاصيل شخصيه عنى ؟ ولا الاحسن احتفظ ب اسرارى لنفسي

لو اسرار ليها علاقة بذنوب بينك وبين ربنا يبقى اكيد لا عشان كدة هتكون مجاهرة منك بالذنب ، اي حاجة تانيه غير كدة احكي عادي طالما واثقة فيهم وفي اخلاقهم
اكيد كل واحد فينا بيجي عليه وقت نفسه يفضفض لحد باللي جواه

Space :)

حاجتين عمري ما اشبع منهم والحمدلله ( الطموح + العلم )
العلم بكل انواعه واي معلومة بتيجي في طريقي بحب اقراها
وفي رأيي علم النفس من اهم العلوم بعد العلم الشرعي بانواعه
لو عرفت ازاي تتعامل مع الناس بالشكل الأمثل هترتاح وتريح
اوقات لما بقع في موقف معين واتعلم منه حاجة بكتب اتعلمت ايه في ورقة عشان دايما افكر نفسي بيها .. ومن ضمن الحاجات اللي اتعلمتها خلال الـ3 سنين اللي فاتت
1- ان مهارة الإستماع للاخرين اهم من مهارة الكلام معاهم
لو اتعلمت ازاي تسمع للناس هتضمن انك تكسب حب اغلب الناس لان كل الناس بتحب تتكلم وقليلين اللي بيحبوا يسمعوا لغيرهم ( وطالما قلنا مهارة يعني محتاجة تدريب ووقت لاكتسابها )
2- دايما استخدم ادوات الاستثناء في كلامك مع الناس
وخصوصا لما حد يطلب منك حاجة دايما قول ان شاء الله لو ربنا قدرني ، ان شاء الله لو لقيت فرصة ، يمكن اه ويمكن لا .. الاستثناء دة مهم لسببين اولا بيديلك انت مساحة او براح بدل ماتكون تحت ضغط + ثانيا عشان لو مقدرتش تعمل الشيء دة صورتك ماتتهزش قدام الشخص اللي وعدته
3- الانطباع الاول مهم لكن مش شرط يكون حقيقي
وعشان يكون انطباعك الاول اقرب للحقيقة لازم يكون عندك شيء من الفراسة والفراسة بتعتمد على حاجتين ( مدى ايمانك وقربك من الله + مدى ذكاءك الاجتماعي )، ورغم كدة وارد برضو يكون انطباعك الاول عن شخص معين غير حقيقي
4- اتعامل مع كل شيء في جسمك انه عضلة حتى نفسيتك ومخك
بمعنى ان حتى عقلك محتاج ترويض وتدريب ، لو عندك خوف من التعامل مع الناس فمحتاج تدرب مخك على عدم الخوف ، لو بتنفعل بسرعة وعصبي محتاج تدرب نفسك على انها تكون اكثر هدوء .. وهكذا ( الترويض دة ممكن ياخد سنين ومابيحصلش بين يوم وليلة )
5- لو اتحطيت في موقف محتاج منك رد فعل اصبر 24 ساعة
الكلام دة في الحياة بشكل عام وفي الجواز بشكل خاص ، لما تتحط في موقف مع شخص يعز عليك ماتتسرعش في رد فعلك واصبر 24 ساعة ، عشان وقت تعرضك للموقف بتكون في قمة انفعالك والانفعال بيعمي الانسان وبالتالي ممكن تقول كلام او تاخد قرارات تندم عليها بعدين .. انما الصبر بيخلي رد فعلك اكثر حكمة ، والصبر نفسه محتاج تدريب وتعود
6- لما تتناقش مع حد وجها لوجه بالصوت حاول تراقب تون صوتك وتخليه واطي .. الشيء اللي اكتشفته ان مستحيل تقوم خناقة بين اتنين طالما صوتهم واطي ( حتى لو الخلاف قوي بينهم )، لكن بمجرد ما تون صوتك يرتفع انت تلقائياً بتتعصب وتنفعل واللي قدامك بيرد بانفعال مماثل
7- حاول دايما تكون ردودك استفسارية وحوارية
ودة مهم عشان تدي فرصة للي قدامك يتكلم وتفهم منه اكتر وتديله مساحة لبناء الود والثقة بينكم ( دة غير اني زي ما قلت اغلب الناس بتحب تتكلم ماتسمعش )
8- عود لسانك دايما ع الكلام الحلو حتى وانت بتكلم نفسك
لسانك زي شريط التسجيل زمان ، اللي هتسجله عليه هيكرره تلقائي
عودته على الكلام الحلو هيتكلم بيه بشكل عفوي قدام الناس والعكس صحيح ، وصعب جدا تعوده على الكلام الوحش حتى بينك وبين نفسك وتفتكر انك هتقدر تتكلم بكلام حلو مع الناس ( لازم هيقع منك كلمات ) وعشان كدة ربنا عز وجل قال للنبي ( ولتعرفنهم في لحن القول )
9- وازن دايما بين قراراتك ولو كنت محتار بين حاجتين شوف ايه اللي ينفع يتعوض وايه اللي لا ( وما خاب من استشار وما ندم من استخار )
10- وقتك وصحتك اكتر نعمتين لازم هتلاقي نفسك مقصر فيهم
11- اوعى تتوقف عن ترويض نفسك وتطويرها للاحسن
ربنا بيقول ( قد افلح من زكاها ) فانت محتاج دايما تزكيها وتحسنها
12- الطبع دايما يغلب التطبع
13- غيب حبة تزيد محبة 🙂

View more

Space

Space:)🤍

قبل ما انام حبيت اقول ان اكبر انتصار ممكن تحققه هو انتصارك على نفسك ، واكبر تحدي ممكن تدخله هو انك تتحدى نفسك ، وقتها انتصارك على اي شيء تاني هيكون اسهل عليك من شرب الماية
البتاعة دي انا اللي صممتها على الإكسل
ودة المعاد اليومي اللي متعود فيه الون عمود جديد باللون الاخضر
واتعمدت اخليها على شكل سلم او هرم عشان كل ما ارادتي تضعف ابص للعامود اللي وصلتله والعامود اللي بدأت منه واحس بمدى الفرق الرهيب بينهم .. ولغاية دلوقتي الموضوع ناجح معايا جدا والحمدلله
Space

+ 1 💬 message

read all

Say anything 🦋

انتهى اليوم وانتهت طاقتي معاه
من اكتر الايام الشاقة اللي مرت في حياتي لكن مليان انجازات
حرفيا 24 ساعة من الحركة المستمرة مارتاحتش فيهم ساعة
اليوم كان بادئ 4 الفجر امبارح وانتهى 4 الفجر النهاردة
لكن مفيش اجمل من احساس السعي في قضاء حوائج الناس

Talk

من صغري وانا بحب دايما افتح اي حاجة قدامي عشان استكشفها
ياما لعبت ف الكهربا وياما اتكهربت وانا لسة عيل عندي 8 سنين
ولما كبرت شوية بقيت انا اللي بصلح كل حاجة تقريبا في البيت واخترع حاجات كمان ، وكتير كانت امي تتخانق معايا لاني بصمم اصلح الحاجة بنفسي واحاول فيها بدل ما اجيب شخص متخصص سواء كهربائي بقى او نجار او غيره
بتعب صحيح وبعافر بس اتعلمت كتير وبكون في قمة سعادتي لما بتكون حاجة بايظة ف البيت وانجح ف تصليحها واخليها ترجع تشتغل ، لدرجة اني اشتريت مالتي ميتر او أفوميتر مخصوص عشان اصلح الريسيفر بنفسي لما باظ قبل كام سنة ، والنهاردة كانت مروحة ميته تماما في بيت امي وصلحتها ورجعت زي الفل بفضل الله
Talk

اكتر لون بتحبوه في اللبس

الغوامق بشكل عام وخصوصا الأسود والازرق بدرجاته
اللون دة تحديدا بيعجبني جدا خصوصا في الاحذية
وعلى الواقع شكله احلى بكتير من الصورة
اكتر لون بتحبوه في اللبس

بتبقو مبسوطين وانتو بتدشملو الخواطر؟بترتاحو يعني

وانتي سبتلهم خاطرك يدشملوه ليه؟
ابعدي عن الشر وغنيله عشان في ناس مريضة ومفيش لمرضها علاج .. مهما تتكلمي بالمنطق مش هيفهموا

+ 2 💬 messages

read all

صباح الخير. هو فعلا في موجة حر داخلة؟

موجة؟ احنا في قلب الشواية حضرتك 😂

عندك مشكلة مع الوحدة ولا متعود تكون لوحدك؟

اللي جرب الوحدة هيعرف مدى القوة اللي هتكون عنده في الاستغناء عن كل الناس ، لكن كالعادة ( لكل شيء تمن ) والتمن هيكون احساسك بوحشة وصعوبة الطريق لكن حلها انك تتعلم ازاي تأنس بالله وحده ، مرحلة مش اي حد يقدر يوصلها والوصول ليها صعب جدا على اغلب البشر لكن تظل موجودة
وفي اعتقادي انها افضل بكتير من الاختلاط بناس ممكن تفسد عليك دنيتك ودينك وخصوصا في الزمن دة

+ 1 💬 message

read all

Next

Language: English

4.1

1,266,418 reviews
© Ask.fm 2024