@Rayanadams

Mohamed Abdallah

Ask @Rayanadams

Sort by:

LatestTop

عيدكم مبارك أستاذ محمد. عساكم من عواده🌷

أسأل الله ان يعيده علينا وعليكم سنوات عديدة بالخير والسعادة والبركة .. كل عام وانتي والأهل وكل أحبابك بألف خير 🌷🌷🌿

+ 1 💬 message

read all

For you ..💘

مش دايما التطوير بيكون للأفضل للاسف
شوفوا جمال وروعة المسجد الحرام والكعبة زمان ازاي
قبل انتشار سبوبة ناطحات السحاب والفنادق حوالين الحرم
انا كحاج او معتمر ازاي هقدر احس بخشوع في فريضة عظيمة زي دي وانا شايف حواليا ناطحات سحاب من كل مكان والكعبة مجرد نقطة صغيرة في النص بينهم؟
بالظبط زي المساجد اللي بتبالغ ف الاهتمام بالزخارف والانوار .. زخارف ع الحيطة وزخارف على السجاجيد وزخارف في كل مكان .. طب انا هركز واخشع ازاي ياجماعة وانا تفكيري مشتت مع الزخارف؟
اللي عايز يجرب احساس الخشوع الحقيقي يوفر الهدوء
هدوء في كل شيء .. الهدوء البصري والهدوء السمعي
صلي التهجد والناس نايمة والجو هادي ( هدوء سمعي )
وحاول تصلي في اضاءة خافتة جدا ( هدوء بصري )
وادعيلي على روعة الاحساس اللي هتحسه وقتها
For you

Space..🌸

كلنا عارفين فضل صيام النوافل
وان من صام يوماً في سبيل الله باعد الله بينه وبين النار سبعين خريفاً
لكن لو حسيت ان الصيام بيضعفك عن العبادات التانيه زي قراءة القرآن والتسبيح والذكر وغيرها من الطاعات .. يبقى الافضل توقف صيام ( بس بشرط انك تلتزم فعلا بالطاعات التانيه .. مايبقاش الصيام مجرد حجة ف تسيب الاتنين )
الصحابي عبدالله ابن مسعود رضي الله عنه كان قليل الصوم بعكس اغلب الصحابة ( والمقصود هنا صيام النوافل والسنن )، فلما سألوه لماذا انت قليل الصيام قالهم ( إن الصوم يضعفني عن القرآن .. والقرآن أحَبُّ إليَّ )
والله قادر تقوم بالاتنين سوا خير وبركة
مش قادر يبقى اكتفي بصيام يوم عرفة وهو الأهم
وباقي الأيام اكتفي فيها بقراءة القرآن وكثرة ذكر الله
Space

Related users

-Anything 💭📝

حزب الله بدأ يشد حيله لما عرف ان الدور عليه لو تم اجتياح رفح والتخلص من غزة .. اوعى حد يفكر بسذاجة ويفتكر ان غزة تهمهم بحاجة ، كلها مصالح واجندات .. لو كانوا تدخلوا من البداية بنفس القوة كانوا وفروا كتير من المجازر والدماء على غزة
عموما لو الشيطان نفسه حرر فلسطين ووقف مع غزة هكون مبسوط
انما عمري ما هقوله شكرا .. وهيفضل في نظري مجرد شيطان ملعون

Pic💫

هلال الخامس من ذي الحجة .. من تصويري 🕋❤️
أعاننا الله وإياكم على القيام بصالح الاعمال فيه
Pic

خلف بنت وعارف انى بنت كدا اي ي جماعة؟!

كدة نعيد السؤال تاني عشان مفهمتش حاجة
خلف بنت وعارف انى بنت كدا اي ي جماعة

اروح ازاي المالديف من موقف اسكندريه؟

عوامتك في ايدك وبوصلتك ف جيبك
ومن شط المكس خديها عوووم باتجاه جنوب شرق ، تاني جزيرة على ايدك الشمال 🏊

+ 1 💬 message

read all

مراتب جاهزة ولا تنجيد؟

انا كنت ضد المراتب الجاهزة فترة كبيرة لأني سمعت عن مشاكلها كتير وانها بتعمل انزلاق غضروفي وغيره
لكن بقالي 9 شهور مش بنام غير عليها وظهري لسة بخير الحمدلله وبحس انها مريحة اكتر من القطن .. القطن طبعا بتعيش وصحية اكتر مفيش كلام ، لكن مشكلتها الكبيرة انك بعد فترة بسيطة بتلاقي فيها جزء نازل وجزء طالع مش مستوية وبتحتاجي كل فترة تعيدي تنجيدها او تزودلها قطن
هاتي مرتبة جاهزة يكون ضمانها 5 سنين على الاقل .. ولو هتجبيها لجواز يبقى الافضل تكون من نوع اسمه
Pocket spring mattress
بتبقى من الداخل عبارة عن اسطوانات منفصلة عشان لو حد منكم قام من النوم او اتقلب اثناء الليل مايأثرش على السوست اللي تحت الشخص التاني
مراتب جاهزة ولا تنجيد

لم يكن يُريد الحُب، فقط، كان يُريد أن يطمئن كان يبحثُ عن شخصٍ يشعر معه أنه مُطمئن

وهل أعطى لنفسه او لغيره الفرصة لكي يطمئن ؟
الانسان مش ممكن هيلاقي شخص يحس معاه بالاطمئنان اذا كان هو نفسه فاقد الاطمئنان مع نفسه او غير متصالح مع نفسه
شخص رافض اصلا يحس بالأمان خوفا من ان احساسه يكون غير صحيح .. هطمنه انا ازاي الا لو كنت ساحر

+ 2 💬 messages

read all

‏عندك القدرة على الاحتفاظ بهدوئك وقت انفعالك وعصبيتك

مش دايما للاسف
بس ف نفس الوقت صعب اتعصب من اول مرة .. وسهل اتصالح برضو من اول مرة

قالي هخلص جيش واتقدم استنيت والآخر يقولي لازم اخويا الكبير يتجوز الاول🙂🙂🙂

شوفي حالك احسن بدل ماتندمي على عمرك اللي راح .. أقل مافيها يجي يخطبك وياخد خطوة رسمي ، غير كدة مفيش حاجة هتعرفك ان كان فعلا جد ولا بيلعب

space

كان ياما كان وما يحلا الكلام الا بذكر النبي عليه الصلاة والسلام
كان في راجل عايش هو ومراته وعيالهم وامه في شقة صغيرة جدا مكونة من اوضة واحدة .. الراجل راح لجحا يشتكيله ويشوفله حل ، جحا قاله مشكلتك بسيطة وحلها عندي .. خد الخروف دة وقعده معاكم في الاوضة وعدي عليا بعد يومين
الراجل قاله انا بشتكيلك من حجم شقتي والزحمة اللي فيها وانت بتقولي خد الخروف قعده معاك؟؟ جحا قاله اسمع مني بس وهتدعيلي .. الراجل خد الخروف فعلا يربيه في نفس الاوضة اللي عايشين فيها ، وبعد يومين جحا بيسأل الراجل ( اخبارك ايه دلوقتي؟ ) قاله الحقني ياجحا الموضوع بقى اسوأ ، جحا قاله ماتقلقش خد الحمار دة كمان وحطه مع الخروف وتعالالي بعد اسبوع
بعد اسبوع جحا بيسأله ايه الاخبار
الراجل قاله الموضوع بقى اسوأ واسوأ مبقتش عارف اعيش
جحا قاله هترتاح ماتقلقش بس خد البقرة دي كمان وحطها معاهم
اسبوع كمان والراجل راح لجحا يلطم على وشه
الحقني يا جحا مش عارفين نعيش انا ومراتي وعيالي وامي
مش عارفين حتى ناخد نفسنا في الاوضة الصغيرة اللي عايشين فيها
جحا قاله خرج البقرة من الاوضة وفوت عليا بعد يومين
الراجل رجع لجحا بعد بومين بيقوله ياااااه اخيرا بدأت احس براحة
جحا قاله خرج الحمار هو كمان وعدي عليا كمان يومين
الراجل رجع لجحا بعد يومين بيقوله الدنيا معايا بقت احلى بكتير
جحا قاله خرج بقى الخروف معاهم وفوت عليا بعد يومين
الراجل رجع لجحا بعد يومين وقاله يا اخي جزاك الله كل خير
مش عارف اودي جميلك دة فين .. الدنيا بقت اجمل بكتير من الاول
استراتيجية جحا دي بتستخدمها اغلب الحكومات العربية مع شعوبها
يرفعلك سعر الفرخة من 100 جنيه لـ400 جنيه وبعدين ينزلها لـ250
فانت تقول ياسلام على الهنا اللي احنا فيه دة الاسعار نزلت الحمدلله
مع انها مانزلتش اصلا دي ارتفعت 150 جنيه عن سعرها القديم
ونفس استراتيجية جحا دي اسرائيل بتستخدمها من 8 شهور فاتوا
عشان تيجي الانظمة العربية تاخد اسرائيل بالحضن وتطبع معاها
وتقولك اللـــــه .. حكومة اسرائيليه عاقلة؟؟ بالحضن يا كوهين ياخبيبي
بالمناسبة كل الانظمة العربية متجوزة اسرائيل عرفي وبينهم علاقات
الفكرة كلها في إعلان الجواز واشهاره رسمي قدام الشعوب
ودة اللي هيحصل الفترة اللي جاية وبكرا تفتكروا كلامي

View more

space

قرار زي الجواز بالنسبه لشخصيه زيي محتاج ٨٠٠ استخاره و ١٤٥٠ قعده مع اهلي و ٩٠ اختبار للعريس و٦٠ فخ لاهله

الاختيار مش سهل انا عارف
لكن مش صعب بالشكل اللي اغلب البنات فكراه
وصدقيني الموضوع كله بيبدأ وينتهي عندك
وزي ماهتكوني ربنا هيرزقك باللي شبهك
طبعا في استثناءات زي ماحصل مع سيدنا نوح وسيدنا لوط
لكن بشكل عام الطيبون للطيبات والخبيثون للخبيثات
واجدادنا كانوا بيقولوا (كل شي له يشبه له)
من عشر ايام قررت اشتري موبايل جديد ومكنش قرار سهل
اولا هدفع مبلغ كبير وثانيا الاختيارات اللي قدامي كتير جدا
1- اول حاجة عملتها حددت انا اولوياتي ايه لاني مستحيل هلاقي موبايل فيه كل حاجة عايزها ، قلت الاولويه ( كاميرات ، برسيسور ، بطارية ) واي حاجة تانيه ممكن اتغاضى عنها
2- حددت امكانياتي مقابل الحاجات اللي عايزها ( هقدر ادفع كام )
ماينفعش مثلا بنت بتلبس ضيق ومتبرجة وتقول نفسي ف واحد متدين
طيب المتدين دة هيرتبط بيكي ليه؟ هو عايز حد شبهه ويعينه
3- قعدت اسبوع واكتر اقرأ كتير عن الموبايلات وافهم عنها عشان كنت ميح تماما لغاية ما بقيت فاهم فيها بفضل الله بنسبة 70% او 80% ، وبدأت اضيق نطاق اختياراتي واشترك في الجروبات الخاصة بالشركات اللي ناوي اشتري واحد منها واسأل واشوف اراء الناس ( لا خاب من استخار ولا ندم من استشار )
4- جبت ورقة وقلم وقعدت اشوف مميزات وعيوب كل واحد
دة بطاريته قوية والكاميرا بتاعته حلوة لكن مفيش عليه حماية
ودة عليه حماية والكاميرا بتاعته حلوة لكن بطاريته ضعيفة جدا
والتالت بيجمع بين مميزات الاتنين اللي قبله لكن اغلى شوية
طب هقدر ادفع ولا امكانياتي لا تسمح؟؟ وهكذا
حسيت بالراحة تجاه موبايل منهم قمت واخد قرار الشراء وصليت استخارة في نفس اليوم .. بتصل بالمحل قالي للاسف الكمية من النوع دة خلصت واتصل بينا كمان اسبوع
جه على بالي موبايل تاني خالص مكنش في حساباتي الاولى اصلا
عملت معاه نفس اللي عملته مع اللي فاتوا واتضح انه اغلى من التلاتة
بس طالما امكانياتي تسمح اشتريه يبقى الحمدلله
اتصلت بيهم لقيته بيقولي مفيش منه غير اللون الاسود ونسخة صيني
وانا اصلا مكنتش حابب الأسود .. قلت احاول اتفرج على صور للموبايل باللون الاسود يمكن اقتنع بشكله وكدة كدة هحطله جراب ، انا يهمني مميزاته اللي جوة اكتر .. في الاخر اخدت قرار الشراء وصليت استخارة قبل ما انزل بخمس دقايق بس
نزلت من البيت الساعة 9 الا ربع والمحل المفروض هيقفل 10
وروحت كمان لمشوار قبله وكنت بركب للمحل الساعة 10 الا ربع
اتصلت بالراجل اعتذرله وبقوله استناني بس شوية ممكن اتأخر عليك .. قالي خلاص مستنيك ، وصلت على 10 ونص ولقيت المحل لسة فاتح
المفاجأة بقى اني لقيت عنده نفس اللون اللي كان نفسي فيه من البداية
وبمساحة اكبر ورامات اعلى ونسخة عالمية مش الصينية اللي فيها مشاكل
( مع اني رايح على اساس انه لون اسود ونسخة صيني ومساحة صغيرة )
بس ببركة صلاة الاستخارة ربنا وفقني والحمدلله
وبركة الرضا وتسهيل الامور على نفسي عشان ربنا يسهلها عليا
مع الأخذ بالاسباب وقراءة اراء الناس عرب واجانب عن الموبايل
نرجع بقى للخطوة رقم 1 هل البنات عارفين هما عايزين ايه؟
من موقعي هذا بقولك 90% من البنات مايعرفوش هما عايزين ايه
و90% من البنات عايزين كل الصفات الحلوة في شريك حياتهم وغالبا هما شخصيا مابيكونش عندهم نص الصفات دي
عايزاه صادق .. وهى بتكدب
عايزاه متدين .. وهى مبتركعهاش
عايزاه حنين .. وهى قاسية .. الخ
( طب الشخص اللي فيه الصفات دي هيختارك ليه؟ )
لازم الواحد يوازن بين امنياته وامكانياته عشان مايضيعش عمره ف الوهم
والارواح جنود مجندة ماتعارف منها ائتلف وماتناكر منها اختلف

View more

قرار زي الجواز بالنسبه لشخصيه زيي محتاج  استخاره و  قعده مع اهلي و  اختبار

Space

محدش ينسى صيام يوم وقفة عرفة : السبت 15 يونيو 2024 باذن الله
ثوابه تكفير ذنوب سنة ماضية وسنة قادمة واستجابة الدعاء فيه أرجى
ورأيي الشخصي حاول تخلص اي ختمة قرآن قبل يوم الوقفة
عشان توفر طاقتك ووقتك كله للدعاء والذكر بس في اليوم دة
وافضل انواع الذكر يوم عرفات التسبيح والتهليل ( لا اله الا الله ) والتكبير
ولا إله إلا الله وحده لا شريك له، له الملك وله الحمد وهو على كل شيء قدير
Space

سبيسايه ☕

اجمل صورة بتيجي على بالي دايما في موسم الحج ووقفة عرفات
سبيسايه

أنت مع التربية الحديثة ولا التربية القديمة؟ 🤓

المشكلة مبقاش في تربية لا حديثة ولا قديمة 😂

‏كل حاجه حصلت سايبه آثر مفيش حاجه عدت عادي

اي جرح في الدنيا بيسيب ندبة وأثر صعب يختفي
لكن اهم حاجة ان الجرح نفسه التأم وبطل يوجعك

هو عادي أخرج في العيد مع خطيبي من ورا أهلى؟!

بتسألي شرعا؟ لا مش عادي عشان يعتبر شخص اجنبي عنك
وبعيدا عن الشرع لو هو قابل بكدة يبقى غالبا غير أمين عليكي
طالما دخل بيت ناس واستأمنوه على بنتهم فالمفروض يكون قد ثقتهم فيه

محتاجه اتعالج نفسيا

ابدأي بإصلاح قلبك وحالك كله هينصلح باذن الله
اشطر دكتور نفسي هو نفسك ، خليكي صريحة مع نفسك وهاتي ورقة وقلم واكتبي كل العيوب والمشاكل اللي شايفاها والحلول المناسبة ليها .. ومع التصميم والارادة هتتغيري للاحسن ، وسيبك من الثيرابيست اللي ع النت عشان اغلبهم واخد الموضوع سبوبة

Space 🌌🚀

كل انواع عدم الرضا والسخط بتبدأ من سؤال واحد
( انا ليه مش زي فلان او فلانة او زي الناس اللي هناك دي )
العرب زمان قالوا
( لا تحسدن احداً على نعمائهِ .. فإن الحسود لحكم ربك شانِ )
انت ماتعرفش الشخص ( اللي انت فاكره مميز عنك ) ربنا ابتلاه بإيه
ماتعرفش وصل للي هو وصله دة بعد عذاب وشقاء وحرمان قد ايه
ماتعرفش اصلا الخير اللي عنده خير فعلا ولا اختبار وابتلاء من ربنا
( ونبلوكم بالشر والخير فتنة وإلينا ترجعون )
عمري في حياتي ماشوفت حد احسن مني وحسدته او قلت يابختك
دايما بقول ربنا يزيده كمان وكمان ويعطيني كما اعطاه
ولما ربنا اعطاني بقيت لما الاقي حد اقل مني ادعيله بيني وبين نفسي واقول ( يارب اعطيله زي ما اعطتني وزيادة )، مفيش اجمل من انك تتمنى الخير لغيرك خصوصا ان الخير كله بإيد ربنا وخزائنه لا تنفد .. فدعاءك للاخرين مش هيقلل من اللي عندك بالعكس هيزيده لأن الملائكة هتأمن على دعاءك وتقول ( آمين ولك بمثله )
بص دايما للي في ايدك عشان تعيش مرتاح
عشان مهما كبرت لازم هتلاقي اللي اكبر منك
ومهما حسيت نفسك قليل لازم هتلاقي اللي أقل منك

View more

Say anything 💬

أمي مصحياني الساعة 4 الفجر عشان تقولي هو الكلام اللي بتقوله ليلى عبد اللطيف حقيقي !!
هيحصل كوارث ومصايب فعلا قبل العيد؟
انا عايزة اموت مستورة ف بيتي بس
مش فاهم ايه اللي جرالها
لا عمرها تابعت الناس دي ولا كانت بتخاف كدة
بقولها ازاي بتقرأي قرآن وبتصدقي الاشكال دي .. مقرأتيش آية ( قل لا يعلم من في السماوات والارض الغيب الا الله )
المصيبة انها واخدة الموضوع جد تماما وبتقولي هو رأي الازهر ايه في اللي بيقولوه؟؟ اخر مازهقت قلتلها هشوفلك رأيه وابعتهولك حاضر
لغاية أمتى هيسمحوا للعالم بنت الـ👟 دي تطلع ع التلفزيون وترعب الناس؟؟ يعني عشان تنسي الناس غلاء الاسعار والفساد تسيب الاشكال دي تطلع تسرح بالناس وترعبهم
Say anything
Liked by: Maha Gamal

المغرب اللي بيأذن الساعة ٨ ده مش عايز سحور بطاطس وزبادي ده عايز صنية مكرونة بشاميل

nerminnano’s Profile PhotoNermin Salem
😂😂
ركزي مع الزبادي والفول والجبنة والخيار احسن
اي حاجة من النشويات ( بطاطس او عيش ) هتعمل أثر عكسي وهتعطشك وتجوعك اكتر

Next

Language: English