أنا طالبة ومغتربة وطلبت من البواب مفتاح العمارة عشان بنزل الصبح وهو قافلها ونايم مرضيش يديهولي وعاملني وحش وهو كدا كدا اسلوبه زفت معايا رغم بقوله حضرتك وبتحرمه رغم في بنات معايا في العمارة وبيشربوا سجاير ومعاهم المفتاح بس بيهزروا معاه بالايد وقريبين من بعض .. مخنوقة جدا من الموضوع قولت افضفض بس
واحد متخلف يعني عادي
يعنى إنتى علشان مفتاح باب العمارة تهزقى نفسك مع راجل زي ده يعنى ولا إيه مش فاهمة ؟!
ماتطلبى المفتاح من الشخص إلى مأجره منه حبيبتى ويولع البواب إنتى مزعله نفسك ليه؟!🙂
اتكلمى مع صاحب العمارة
قولي لحد من أسرتك يهزقه ويعلمه الأدب هيتظبط
كبري دماغك منه واطلبي المفتاح من البنات وطلعي عليه،ربنا ييسرلك امورك🤲
ولا تزعلي نفسك دي ناس البعد عنهم راحه خدي انتي المفتاح من اى بنت وطلعي عليه نسخه ليكي افضل
طب متعملي نسخة من مفتاح البنات اللي معاها نسخة دي
بصي يا اختي اوعي اوعي اوعي تخلي حد يعاملك بأسلوب وحش بالذات وانت مغتربه وبتدرسي علميه الادب ولديه ع دماغه وهدديه بالشرطه لان التعامل الوحش ده وانت لوحدك هياثر عليك وممكن علي دراستك
الاحترام مفيش احسن منو
خدى منهم المفتاح اعملى نسخه
