ليت كل الناس تُخفي وجوهها ، وتحمل حقيبة غيث .. لما المصاري تكون مع الشخص الصح مش مع المعتوه والمريض النفسي رامز 🤦🏻♀️ هاي البرامج اللي لازم تندعم وتتم مشاهدتها 🌺
أصعب شي وصف شعور أهل القدس هلأ ومع هيك رح أحاول .. كتير متدايقة وزعلانة ومقهورة وحتى بتقدرو تقولو مكتئبة دايماً كنا نقول رمضان بالقدس غير بس هالرمضان غير عن كل شي تعودنا عليه بطريقة سلبية محزنة جداً كل الناس بتستنى رمضان من السنة للسنة ، بعرف .. بس نحنا طول السنة بتكون القدس مدينة أشباح ما فيها الا اهلها وبعد السبعة المغرب بتكون سكرت المحلات بسبب الضرايب والمخالفات المفروضة علينا من قبل الاحتلال والمحلات اللي بضلو فاتحين للعشرة بالليل بينعدو عالاصابع ( شوفو الخليل ، رام الله ، نابلس الساعة عشرة بتكون عاجقة أما القدس بتحس حالك كأنها تلاتة الفجر ما في مخلوق بالشارع ) كمية هدوء مخيفة تعو نحكي شوي عن البسطات اللي ما منشوفها الا يوم السبت لانه بلدية الاحتلال بتكون معطلة ولا باقي الاسبوع بشيلوهم وبيصادرو البضاعة .. اوكي بعض الناس بيعتبرو البسطات مظهر غير حضاري بس هو بيعكس بساطة اهل البلد وبيسمح لفلاحة تقدر تبيع خضرا وفواكه بطعم فلسطيني بحت وتحكيلك بلدي طازة 💚 هون نحنا مفتقدين الروح العربية الفلسطينية اللي بتطغى عالقدس هاد الشهر ، اللي بتحسسك بقداسة المكان وانتمائك ل الو اللي ابداً مو مبالغ فيه ، اللي بتخليك تفخر انك ابن هالبلد اللي بتعرف كل شبر فيها واللي بكل رمضان بتكون بلجنة نظام او اسعاف او تحضير وجبات او اي شي ممكن يساعد باستقبال المصلين ، شعورك عن فتح دارك للناس بدون ما تكون تعرفهم وتستقبلهم لمجرد انك ابن القدس وهاد واجب عليك واقل ما يمكن انه يقدم لباقي اهلنا من الضفة وال ٤٨ .. شعور الامان اللي كنا نحس فيه لما تنتلي القدس عرب من كل انحاء فلسطين عن لمتنا مع رفقاتنا وعيلتنا بساحات الاقصى وفطورنا هناك وأخيراً واللي بيكسر الخاطر شايفين الأقصى ومنقدر نفوته بس ما منقدر نصلي فيه صلاة جماعة 💔 رمضان بدون أقصى صعب ومؤلم وبيوجع القلب جداً