هلأ من وجهة نظري كل بنت لازم تحس انها حلوة وتعمل اشيا لتكون احلی واحلی بس الكونتور والمكياج البيرفكت ما انعمل لكل يوم ولا لكل البنات .. في مناسبات بتحب تبين البنت فيها بيرفكت وهي هيك بتكون مرتاحة وطبعاً هاد من حقها .. بس باعتقادي اللي عنجد انعمللهم الكونتور والاشيا هاي همه البنات اللي للاسف اتعرضو لحادث حريق او عندهم مشاكل بالبشرة كتير صعبة وحبوب والمكياج العادي ما بخبيها وانما بالعكس ببينها بزيادة .. هدول البنات بكونو كتير حلوات من جوا بس الناس ما قادرة تشوف جمالهم لانهم بوقفو وبيصفنو بالتشوه اللي عندهم "مع انه مو ذنبهم و مو عيب" .. أما البنات اللي ما مالهم شي بس بحبو يغيرو بشكلهم ف بضل الكونتور أهون من عمليات التجميل 😅 وبالنسبة لقصة الغش خلوهم يغسلو وجهم بالخطبة وانشالله ما بتنغشو 😂 مع انه الجمال بضل جمال العقل والروح وطريقة التفكير والتعامل مع الناس مو الوجه والشكل الخارجي ✋ أما بالنسبة لمجاملتك اللطيفة ف شكراً أنون اسعدتني من زوءك والله 🙈