وطني ؟! سؤال صعب .. أعرف عنه انه بلد التاريخ وبلد الحضارات والاديان والمعتقدات المختلفة والمتنوعة اعرف عنه الي يقوللياه بابا والي تحجيلياه امي لمن يذكرون أيام شبابهم وياخذون نفس عميق بحسرة حسرة ع الوطن الي ضاع من ايدينا .. ع الوطن الي جيلنا ما شاف منه شي .. منهم الي مغترب بغير دولة ودمه عراقي .. يتحمل الغربة يتحمل مجتمع ثاني عادات ثانية منطقة مو منطقتة يتحمل انه يكون عايش على أرض ما اله أي حق بيها ومتلهف يرجع لوطنه ومنطقته وبيته واهله واصحابه .. بس ما يقدر .. وليش ؟ لأن النص الثاني الي عايش بيه نفس الحالة .. ما مرتاح لمن ينام .. ينام وهو بباله احتمال انو وهو نايم يتفجر البيت .. ولو كعد .. ويبدي اليوم .. الاطفال الي راحو لمدارسهم والشباب الي طالعين لـ (مدارسهم , جامعاتهم , شغلهم ) تضل قلوب امهاتهم واهلهم مرعوبة .. يمكن واحد منهم يمر من مكان جدا عادي وهالمكان ينفجر او يصير فيه طلق نار ولا طفل ينخطف اوبنت تتهدد .. وكل هذا من ناس هم مو سنة وولا شيعة وولا مسيح وولا صائبة وولا يزيديين وولا غيرهم وغيرهم .. هذا من ارهبيين مقسمين روحهم تحت مسميات وحدة من الطوائف وكل الي يريدوه تفرقه بين ( العراقيين ) ♥ العراق ♥ لك الله يا وطني لا المغترب مرتاح ولا العايش على ارضك مرتاح وطني الي اذا الك صاحب بيه .. لا تزعله وتقول باجر اراضيه .. يمكن تقعد باجر ما تلاقيه :( هذا وطني :( ,,,,, بسؤالج طلعتي لببب الجرح :(