معلش هو سؤال غريب شوية?
لو شخص عملى بلوك بعد كام يوم أفقد الامل أنه يرجع يكلمنى تانى؟!
مع العلم انه لو متكلمش مش هكلمه❌
متحطيش امل أنه يرجع يكلمك لانه عمل بلوك يعني خلاص مش عايز ثم إن ليه تقبلي اصلا؟! يعني خلاص شخص عمل كده بيقولك متتكلميش معايا ليه تستنيه ولا حتى تديله مساحه؟
مش لازم تعرفي انا مين انا حد مهتم بيكي و بتابعك و حاسس بيكي جدا وانت عرفه ان كلامي صح بينك و بين نفسك و مستغربة جدا بس ربنا يصلح حالك و تضحكي وتبقي احسن من اللاول
انا صاحب الرسالتين اللي فاته بتاع كلك حزن و بتشغلي نفسك في اي حاجة و رسالة انتي تعيسه ... ربنا يفرح قلبك لانك جواكي حزن كبير و بتحاولي تتهربي منو بس مش عرفه اه بتشغلي نفسك بس كونك وحيدة حتي لو حوليكي ناس باين ف عيونك و تغريداتك علي تويتر و حياتك عمتاً
انا بقالي فتره كويسه حقيقي أو يعني احسن من قبل كده الحقيقه انا مش عارفه اقول ايه لكن يمكن يبان كده لاني هاديه لكن أنا مش في الحاله دي بالشكل ده اوي انا كنت كده من فتره ولكن بقالي وقت كتير اعتقد أحسن بكتير
اضحكي و خلينا نشوف ضحكتك تاني متحاوليش تشغلي نفسك في كذا حاجة عشان تهربي من وحدتك و حزنك متشليش في قلبك حاجة ولا حزن ولا ي حاجة و حطي صور بتضحكي فيها و فرحانه ضحكتك بقيت طالعة منك بالعافيه ومش فاهم ليه انا عارفك من زمان اوي مكنتيش كدة اتحولتي جامد ليه كدة ايه التعاسة دي
تعرفني من زمان اوي؟ مش تعاسة والله ويمكن انا بقا طبعي الكلام القليل ..مش عارفه لكن باذن الله الفتره الجايه هكون احسن واحسن
ليه مشوشه وحزينه الحزن اتملك منك بقي باين عليكي وعلي كتاباتك و ردودك ليه مش عايشة سنك ليه مبقتيش بتضحكي الا بالعافية ليه ساكته و سرحانه علي طول
انا مش عارفه انت عارفني بشكل شخصي ولا حسيت ده بس من كلامي على النت.. انا مريت بوقت صعب واعتقد اني بدأت ارجع كويسه انا بصراحة اول مره حد يقول إنه شايف ده لان اغلب الكلام اني مبتسمه دايما فمش عارفة هو انا من برا انهي فيهم