.
قريبًا رح يصير عُمري ٢٠ سنة، وبحب أحكي لساره الي عمرها ١٦؛ كانت مُراهقتك غريبة!! بحاول أقرأ وأفهم إجاباتك على بعض الأسئلة وحرفيًا عبارة عن هُراء مع كومة إيموجيز ما الهم علاقة بالموضوع!! بتحطي فيهم بس لأنهم عاجباتك
عكلاً حبيت أودعك لأنك شخص مُهم بالنسبة الي، الصراحة شخصيتك هاي كانت السبب بإنه أنا هيك هسا، عادي بتقدري تسأليني ايش الإختلاف بس للأسف ما رح أقدر أجاوب، لأنه الإشي الوحيد الي بعرفه إنه أنا حاليًا بنظرلك كشخص غريب وبستنكر كثير أمور..
مُحزن صح؟ الشخص بحد ذاته ببطل عنده القدرة يتعرف على نفسه، فما بالك بالغريب؟
وصدقًا صدقًا، استمتعت برفقتك!! كنتِ جدًا خفيفة عالروح، بحاول أتذكر أمور كنتِ تحكيلها لأ ومش خاطرلي إشي!! الصراحة رح أعترف إنك جريئة، بنصدم بس تخطرلي أمور كنتِ تحكيها وتعمليها بدون خجل!! ممنونة لهاد الجزء فيكي..
أما حاليًا؟ اهممم مُتعبة الصراحة ومُتعبة جدًا.
احكيلي ساره، ايش رأيك بعدم التفكير بالأمور؟ فكرة مُرعبة صح؟ ومُغرية..
مُلاحظة** أنا أسفه إنه رح أحذف كل إشي موجود هون، بس أنا حاليًا زي ليلي لما شافت إنه نسخة مارشال القديمة انقرضت وإنها لازم تتعلم تحب نسخته الجديدة.
عكلاً حبيت أودعك لأنك شخص مُهم بالنسبة الي، الصراحة شخصيتك هاي كانت السبب بإنه أنا هيك هسا، عادي بتقدري تسأليني ايش الإختلاف بس للأسف ما رح أقدر أجاوب، لأنه الإشي الوحيد الي بعرفه إنه أنا حاليًا بنظرلك كشخص غريب وبستنكر كثير أمور..
مُحزن صح؟ الشخص بحد ذاته ببطل عنده القدرة يتعرف على نفسه، فما بالك بالغريب؟
وصدقًا صدقًا، استمتعت برفقتك!! كنتِ جدًا خفيفة عالروح، بحاول أتذكر أمور كنتِ تحكيلها لأ ومش خاطرلي إشي!! الصراحة رح أعترف إنك جريئة، بنصدم بس تخطرلي أمور كنتِ تحكيها وتعمليها بدون خجل!! ممنونة لهاد الجزء فيكي..
أما حاليًا؟ اهممم مُتعبة الصراحة ومُتعبة جدًا.
احكيلي ساره، ايش رأيك بعدم التفكير بالأمور؟ فكرة مُرعبة صح؟ ومُغرية..
مُلاحظة** أنا أسفه إنه رح أحذف كل إشي موجود هون، بس أنا حاليًا زي ليلي لما شافت إنه نسخة مارشال القديمة انقرضت وإنها لازم تتعلم تحب نسخته الجديدة.
Liked by:
Natasha