@Sarcastic_01

مُوسَى

Ask @Sarcastic_01

Sort by:

LatestTop

اقتباس يطبطب ع الواحد

"أَدرَكَ من الآلام التي يعانيها أنَّه لم يَمُتْ بعد."

Related users

مع العقل ولا مع المشاعر

كل فعل او قرار ينبع بشكل اساسي من شعور، سواء كان محسوس او لا، أو كان مفهوم او لا.. ودور العقل مو انه يطغى على هذا الشعور وينسف حكمه.. دور العقل يهذب العاطفة بحيث يكون الفعل او القرار مناسب للشخص والواقع ضمن الظروف المحيطة..
Liked by: ruba صوفي_Lolo

كيفك موسى بعد غياب طويل؟

بخير الحمد لله.. كحال الغائبين عن هذا المكان..

كيف الدنيا معك ؟

مثل طفل صغير، يشاكسك فتتقبله.. ثم يعجبه الموضوع فيزيد. بعدين بتقلب جد.

مرات أحس كلمة حب جدا بديهية بالنسبة للمشاعر اللي نحس فيها من ورا هالحب! يعني في شيء عظيم رهيب يحدث، تحس حرفين مو كافيات لوصفه، مرات خاطري أصف حروف الأبجدية كلها حتى احس اني سميت الحب اسم يحمل ثقله، لأنه كثير كثير، فهمتني؟ و صباح الخير.

صباح الورد ??
انا اللي فاهمك.. بس لما كثرة الكلام والتعقيد بالوصف ومحاولة المبالغة والتهويل لحتى نحس إنا قدرنا نعطي اي شي حقه، ما تكون كافية، ايش نعمل وقتها؟ نكتفي بالبساطة.. واللغة لما عرفت انه لو استخدمت كل حروفها ما رح توفي، اكتفت بحرفين. مثل: قديه بتحبني؟ الجواب: كثير. بس هيك. يعني لما تحكي فيروز كبر البخر وبعد السما، هيك وصفت؟ لا، هيك هي حاولت بس، وما كانت مقتنعة، كانت بدها اشي اكبر من البحر، وابعد من السما، بس ما لقت. لهيك، انا بحكي دايما انه الحب شو ما كان، كل اشي يندرج تحت الحب سواء حلو او سيء، هو مقترن بس بالشعور اللي يحسه القلب.. والكلمات؟ محاولات بائسة لوصفه.
Liked by: مُوسَى
+1 answer in: “How many times have you fallen in love?”

How many times have you fallen in love?

the nice thing about falling in love is that you will not reach the ground. if the relationship's over, the pain is not a result of hitting the ground, it is only the separation of the hearts, or simple detoxing process. and in that moment, we just reach to a new peak in our growth; mentally, emotionally, and our character reacts. this is the nice thing about falling in love, but the beautiful thing is that we believe we will not reach the ground, we believe that we will keep flying, forever. it is a stupid idea of course, but what is so smart about love any way? :) and this idea makes us spontaneous with the one we love, it what makes them love us back, therefore loving them more. if someone loved us when we that stupid, he deserves to love him that much. and, be certain that we will keep flying.

View more

+1 answer Read more

يعني الشخص يلي على قدر عالي من المسؤولية سواء اتجاه نفسه او اتجاه الأشخاص يلي الهم علاقة فيه بنعتبره ناضج حسب تصورك للنضج؟

يس، والنضج علاقته مع مفاصل الحياة، وكل شخص إله حياته اللي الها مفاصلها ومفاتيح نجاحه المرتبطة فيها. ودايما، دايما.. الأخلاق والنبل لازم يكون الهم مكانتهم..
+1 answer in: “موسى متى بتحس الانسان وصل لمرحلة النضج ؟ بيحتاج موقف معين أو ظروف معينة أو وقت معين ؟”

موسى متى بتحس الانسان وصل لمرحلة النضج ؟ بيحتاج موقف معين أو ظروف معينة أو وقت معين ؟

النضج تحول اساسي بحياة اي شخص، ومنبعه بكون من داخل الإنسان نفسه واكيد مو مرتبط باي ظروف خارجية.. مثل موقف يعيشه أو ظروف يمر فيها.. ممكن شخص غير ناضج يتوفق بموقف معين ويبدر عنه تصرف ناضج، والعكس.. شخص ناضج بنفس الوقت ما يتوفق ويتصرف بدون مسؤولية. هاي الاشياء، الظروف والمواقف بتحفز الإنسان لحتى ينضج، والحياة مو عادلة بتوزيع هاي الظروف.. شخص يوصل للنضوج من علامات متردية متتابعة في المدرسة أو الجامعة، وشخص يوصل للنضج بعد ما فقد والديه ويكون مسؤول عن إخوانه.
واذا لاحظتي بكلامي، تكررت فيه كلمة مسؤولية، وهي معيار النضج. كل شخص اله اسلوبه الخاص يعيش فيه حياته، والاسلوب ابدا مو معيار للنضج، حتى لو بدا النا انه هالشخص مو ناضج.. في شخص عنا بالشركة، تعاملي معه خفيف، بس من خلال اسلوبه ما حبيته، كنت احسه طفل بتفكيره وتصرفاته مع انه كبير بالعمر، بس مرة قعدت معه وحكينا كثير ومن خلال الحكي بينت همومه، وحكالي عن شغلات دايما ملازمة باله، وما بخلي اي فرصة تفوته لحتى يحسن من مادياته لأهداف نبيلة جدا. الفكرة انه احنا ما بنعيش مع اللي بنتعامل معهم ببيتهم، ما بنعرف ايش وضعهم، ما بنعرف ايش ظروفهم أو همومهم، احنا بس منشوفهم من زاوية وحدة، واكيد غير كافية لحتى نحكم ع نضجهم. اكيد احيانا نقدر نحكم، بس هالحكم ما بكون غير انطباع أولي، وما بنقدر نتأكد منه. النضج انه الشخص يعرف المسؤولية اللي عليه، ويحاول على قد ما يقدر انه يقوم فيها.. واكيد انا بحكي عن المسؤوليات اللي الها وزنها بحياة هذا الشخص، أو بحياة آخرين ممكن يتأثروا فيها

View more

Liked by: ميرا
+1 answer Read more

-

بحب الشتوية، جدا، بس كل ما اتذكر انه بالشتوية ما بنقدر نشوف السما بالليل بتنكد شوي. بس عطول بتذكر انه لما تكون السما صافية بالشتوية، بتكون بتسوى الصيف كله.

اه انتو بتحكو عن اشي غير المساواه بالتعامل و ردة الفعل حتى بهاد الموضوع ??‍♀️??‍♀️ بس مش فاهمه وجهة نظرك كيف الانسان لو عمل هيك برتاح ؟انا ببطل طايقة الحدا اللي قبالي اذا بسمعه بحكي بطريقة مو حلوة جد !و ما بشوفها اشي صح انه الواحد يرتاح فيه لما يكون معصب ليسَ مش محور نقاشكم

كثير حلو يوصل اي حدا لهاي الأفكار اللي عندك، أو يضبط نفسه ويضل ضمن حدود الأخلاق حتى لو بلحظات يكون فيها معذور لو تجاوز..
نيالك :)
+13 answers in: “إلك ولا للديب؟”

صحيح. زائدن انه مساحة السؤال ما بتسمحلك تطول أصلًا. وزائدن انه مهارتك في إدارة الحوار وتغيير مساراته واستغلال نقاط القوة والضعف -كمان- جميلة ومثيرة للإعجاب:) أنا أسير بخط مستقيم وثابت في الغالب.

abdalrhmanmalkawi’s Profile Photoعبدالرحمن
يمكن لأنك تنهمك بالموضوع نفسه وأفكار الطرف. النقاشات، أو المناظرات، تعتمد ع نفسية الطرف الثاني، لهيك الأسلوب الأفضل بالرد مو تفهم الفكرة وتنقضها، لازم تفهم شعور الشخص نفسه لحتى تكسر الثقة اللي عنده.
ملاحظة مهمة.. ما بحكي عن نقاش الليلة. بحكي بشكل عام تماما
+13 answers in: “إلك ولا للديب؟”

ما بعتقد كل العلاقة، في عامل فسيولوجي لا يمكن تجاهله.. يعني مثلا ما بتقدر تتجاهل انه تحول النسوية من فلسفة لحركة صار مع بداية ظهور موانع الحمل.. هذا مثال واحد بس. مهو كمان ما بدي اظل اقول انه الكلام يطول وانا ساكت :3

abdalrhmanmalkawi’s Profile Photoعبدالرحمن
بعرف، الكلام طويل كثير، لأنا فاهمينه، ومتضايقين من الوضع.. سواء كمشكلة فكر المجتمع، أو كحركة مضادة زادت التوتر. وهو لانه اشي حساس، احنا نفكر فيه كثير، وعارفين الحلول المنطقية للمشكلة.. لهيك بنتضايق اكثر، ويمحوق دمنا ونكون بدنا نسولف، وبنحكي، ولما نحكي اي شي بنعرف انه بنقدر نتعمق أكثر، وبصير الكام أطول، ولما نشوف انه الكلام رح يكون غير مجدي، نسكت، ونقول انه الكلام يطول
+13 answers in: “إلك ولا للديب؟”

شو قصدك خيتي الأنونة:)؟ ها؟ بليو ما حدا يحكي عني ولا باسمي ولا عن لساني

اختلف معك.. انا بصفحتي اعطي الحرية الكاملة لمتابعيني، وما حدا يقدر يتشرط عليهم..
لما يحكي اشي بمكان عام لازم يضل مسؤول عن كلامه. وهاي الصفحة الي، يعني لأفكاري انا، انتي من حقك السؤال، في حال بدك تبدي رايك، لازم تكوني قابلة بشكل ضمني انه الآخرين رح يتدخلوا. وانا بقبل كل المداخلات..
..
عكل حال، بالنسبة لموضوع الكلام. إذا رأيي ما بهمك وما عندك رغبة تحكي أو تناقشي.. شوفي كلام عبد الرحمن وناقشيه، انا هذا الشخص اثق فيه وبأفكاره بالكامل، وهو اصلا يشبهني فكريا.. وعنده ميزة علي انه اسلوبه بالنقاش افضل من اسلوبي :)
+13 answers in: “إلك ولا للديب؟”

مش فاهمة وين مشكلتها بإنها تكون انسانه لطيفة و لبقة ؟ حتى لو كنتي كائن فضائي مو أنثى حلو تكوني اشي ناعم و لطيف

متفقين معك كلنا. هي بتحكي عن مواقف معينة ما بكون اللطف اسلوب مناسب، تحتاجي تشتمي، وما تشتمي عشان تقللي من قيمة الطرف الثاني، تشتمي عشانك وعشان تنفسي عن غضبك وتريحي قلبك، لأنه لو كتمتي هاذ الغضب رح يكون غصة بقلبك، غصة بتوجع..
المشكلة عند دال بردة الفعل من المجتمع لما البنت تشتم.. بتصير كائن منبوذ وينظروله بتعالي، سواء شباب أو بنات. أما الشب عادي، ما بصير على قيمته اشي، ممكن أخلاقه ما تُحترم من الثانيين بس رح يضل مقبول. واكيد هاد تصرف خاطئ من مجتمعنا.
+13 answers in: “إلك ولا للديب؟”

الكلام السابق ما بعني انه الرجولة والأنوثة ما إلها علاقة بالتنشئة الاجتماعية بالكامل. لكنها ممكن تعزز مثل هاي المفاهيم أو تسحقها.

abdalrhmanmalkawi’s Profile Photoعبدالرحمن
التنشئة الاجتماعية الها كل العلاقة، والمجتمع لساته مقتنع ومؤمن بأفكار كثير خطأ رح توقف نمو الثقافة والوعي عنا
+13 answers in: “إلك ولا للديب؟”

لوازم هذا الكلام أبعد من مجرد شتائم. ويمكن ما أستقبحها. مفهوم الأنوثة والرجولة رح يضمحل ويحل مفهوم الجندر مكانه.. وبالمناسبة.. هاي الفكرة من أساسيات الفلسفة النسوية. جسدك ثورة وغيرها من العبارات هي مجرد قشور وعبارات شعبوية، لكنها مش الأساس أو الهدف للفلسفة. الكلام يطول.. لكن في كمان نقطة بسؤال ثاني.

abdalrhmanmalkawi’s Profile Photoعبدالرحمن
ما بقدر اختلف معك بأي شي، بس الفكرة يا عبود انه الفلسفة نفسها من اي نظرية ما يفهمها الغالبية العظمى من الناس لأنهم مو فلاسفة أو مختصين، هم بتأثروا بأفكار النظرية نفسها. مثل مرض معين، الناس ما بتفهم ايش أسبابه، ولايش رح يتطور وكيف الدوا الفلاني بعالجه، هم بعرفوا الأعراض بس لأنهم مش أطباء.
+13 answers in: “إلك ولا للديب؟”

السب بليق وما بليق حسب الظرف. فلا نوهم حالنا إننا ما منلاقي بالسباب التعبير يلي ما منلاقيه بغيره. بليز.

بس رح يضل السباب اشي غلط :)
"ليس المؤمن باللعان ولا بالطعان، ولا بالفاحش البذيء"
+13 answers in: “إلك ولا للديب؟”

هالجواب ممكن يقودنا لفكرة انه الأنوثة أوالرجولة مجرد تركيب أو دور اجتماعي سائل ونسبي. وبعدين لأشياء أكبر بكثير. يعني: اللباقة واللطافة حسب النظرة التقليدية مرتبطة بالأنوثة بشكل واضح بس لأنه الإناث ألزموا نفسهم بهالاشي. لكن عادي ممكن تتغير هالمفاهيم وفي بعض الحالات تنقلب إذا الرجال التزمو والإناث لا.

abdalrhmanmalkawi’s Profile Photoعبدالرحمن
بالضبط.. الأنوثة والرجولة اشي نسبي. وبرضه عند الغرب، التقبل انه بنت تتكلم بكلام قذر مو نفس الشي لما الشب يتكلم نفس الكلام. بس البنات هناك بلشوا يرفضوا هذا التمييز، عنا لساتهم مقتنعات بأفكار المجتمع وأعرافه..
+13 answers in: “إلك ولا للديب؟”

خربت العقول، يلي ولا واحد عالكوكب اليوم فهمانها، وبصير يحكيلك: النسويات أفسدوا علينا النساء! فكر غربي! هيا نئد المرأة لأنها تريد أن تتنفس! أنا رجل وغيرتي لا تقبل علي مثل هذا! وهلم جرا.. وطالما المرأة تابعة مش متبوعة -للرجل- رح نضلنا نموج مع موج حضراتكم قولة المرحومة سيمون:

تكملت سؤالك:
قالت -الله يخلف عليها: هل هناك نساء؟ يقال لنا: الأنوثة في خطر، ويحثوننا قائلين: كن نساء، ابقين نساء! "ما معنى أن نكون نساء حتى نبقى نساء؟ ها؟
...
بخصوص هذا الموضوع... انه هذا اللي حكيته.. حكيت انه الحق عليكم لانه لسه ما في مبادرات لتغيير الوضع الراهن. وين المشكلة لو حكوا؟ ما في مشكلة ابدا.. مو طول عمركم تحكوا الكلاب تنبح والقافلة تسير؟ ليه هلا وقفت القافلة؟!
انا مش مع معظم أفكار النسوية، لأنها في غلو وافراط، والدعوى تبعتهم لتحرير جسد المرأة مو عقلها.
أنا مع الدعوى انه المجتمع يصير أرقى فكريا، احنا بال 2020 ومعظم الوظائف ما بدها قوة جسدية مثل زمان، هلا بنحتاج قوة ذهنية. لهيك ما في فرق بين ذكر أو أنثى.. انتفى العامل اللي يميز الشب عن البنت. لهيك الشب بطل اله تصريح يتعدى على الاخلاق، والبنت ما الها هيك تصريح، كلهم صاروا سواء. ومرة ثانية بعيد، انا بحكي من وجهة نظر المجتمع، هو اللي أعطى هاد التصريح للشب، وهلا صار الوقت انه البنت تدافع عن حقها وتسحب هذا التصريح، وتصير ردة الفعل ع الشب لما يشتم مثل ردة فعلهم ع البنت. أو العكس عالاقل.

View more

+13 answers in: “إلك ولا للديب؟”

شوف رح أتماشى معك شوي وحس المرحومة سيمون بحاول يطلع: ثم لو سبينا، وشتمنا، غضبنا وصرخنا، بييجوا واحد منكم، بيعتبرنا عديمات أنوثة، وبيشتم نسوان هالزمان، وبيقعد يفتي ويهري إنه السباب مش من الحياء وبصير يضربلك أمثلة من القرآن والسنة وكإننا عايشين بالمدينة الفاضلة، وبتبدأ دعوات: النسوية خربت ا

في شغلة حكيتها كثير، ورح اعيدها كمان مرة..
انا هون لما احكي عن أي شي، ما بكون احكي رأيي، وإذا بدي احكيه رح أشير في البداية انه من وجهة نظري. انا هون بحكي عن هيك مواضيع من وجهة نظر المجتمع نفسه، وبالنسبة لسؤالك، انا رأيي انه الاشي غلط. مش الغلط انه البنات ما بطلعلهم يشتموا.. الغلط انه في تمييز بين الشب لما يشتم، ولما البنت تشتم. عند ربنا نفس الاشي الفعلين، ويوزنوا على ميزان واحد.
+13 answers in: “إلك ولا للديب؟”

Next

Language: English