تعبت من علاقتي بيها ، هي بتستغل وجودي كـ ونس أو كده ، معرفش الصراحه ، بس حاسس إني موجود ف حياتها عشان أبقى موجود ، ولما باجي أمشي بتزعل وتعوزني أرجع ، بس أنا تعبت م العلاقة دي ومش عايز اصدمها بالرحيل فجأة لأني مبحبش أعذب حد ، مش عارف أشوفها زي أختي ، هي بتقول إني زي اخوها بس أنا مش عارف أعمل كده 💔
اه فإنت مستني توصلها لبيت جوزها بالسلامة ويقولها متكلميهوش تاني فتتصدم انت بالبلوك المفاجئ ولا ايه
اخلع فورا سلامك النفسي اهم من اي هري وصدقني مفيش حد بيتعذب علشان حد شايفه زي أخوه
مش عايز تزعلها! .. اشمعنا هي بتزعلك وسيباك سد خانه اشمعنا هي مش عاملة حساب لمشاعرك ! .. انت السبب في التعب ده عشان مكمل في علاقة متعبة زي دي مع واحدة مش شايفه تعبك وماتستحقش مشاعرك .. امشي احسنلك بدل م انت بتستنزف في طاقتك نفسك ليها حق عليك انك تريحها
+ 2 💬 messages
read all
طالما مش بتقدر وانت تعبت امشي بس لو مش عايز تصدمها ف متكلمهاش انت وسيبها فترة ولما تبعت رد ببرود ومتديش اعذار لما تزعل منك او تعاتبك
واهم حاجه دماغك ونفسك
طب ما تجرب تعترفلها ب بحبك ولربما تكون ف مشاعر جواها ليك وهى مش حابه تظهرها ،
وبكدا تبقى ريحت نفسك وقلبك وتوضحلها إنك مش شايفها غير كده ومش هتقدر تشوفها غير كدا ويبقى قرارها ف الآخر يتبقي ف حياتها للابد او تمشي وتسبها للابد.
انما فكرة إنك متعلق بحبل مش قادر تقرب خطوه ولا عارف تبعد بسبها فكرة متعبة.
+ 3 💬 messages
read all
لا سيبها هتزعل شويه وهتتعود .
مدام بتشوفك زي اخوها . وانت بتحبها
وبعدين ان مومنه دايما مفيش حاجه اسمها اخوه ولا صداقه بين ولد وبنت ي حب وارتباط رسمي ي معرفكش .
حتي لو طرف جامد وهيعرف يوازن بين الصداقه او الاخوه دي الطرف التاني هيحبك .
حب نفسك ي اخي بلاش استنزاف ف مشاعرك
ابعد يا ابني انت بتدمر نفسك ابعد من دلوقتي عشان تكسب نفسك ودور علي حب حلال
