مابحبش أتقارن بحد أو أدخل ف مقارنة مع حد حتى لو هطلع أنا الأحسن،مابحبش أتقمص شخصية مش شخصيتى ولا أقلد حركات حد لمُجرد إنها عجبانى، باحب أكون أنا حتى لو أنا دى مش كفاية عشان تبهر الناس بس تكفى يوم ما ألاقى حد بيحبنى أعرف انه بيحبني عشانى، مش عشان شخصية اخترعتها عشان تعجب الناس..✌
الحياه بتتشقلب بمكالمة تليفون، بنتيجة تحاليل تسمعها من دكتور، بشوية صداع، بتعدية شارع، بلفة مورجيحه، بتتشقلب ف لحظه. لحظه كفيله انها تلففك حولين نفسك مهما كنت مخطط و مرتب. الحياه كل يوم بتعلن ان ''ليس لها من دون الله كاشفة''مهما كنت ومهما عملت ومهما امتلكت. ملكش غير ربنا.