كل لون فيه درجه معينه بحس اني بحبها ومينفعش لون تاني يكون بديل ليه وبيكون ليه استخدام معين لبس،ديكور،ابصله كده يعني وكمان انا قريت مره من زمان ان لكل لون طاقته اللي بتنعكس ايجابيا علي صحة الانسان النفسيه، بس عموما انا بحب اللون الأزرق بكل درجاته بحس انها بتليق في كل حاجه. اكتر صفه بكرهها الكذب وعدم الوضوح
لو علي المستوي الشخصي فبتمني اني اكون انسانه كويسه بكل ما تشتمل الكلمه واني اكون عبد صالح وربنا يرضي عني واكون ابنه باره لــ بابا وماما ومحبوبه من الناس ولما اموت كل اللي يفتكروني يدعولي ، وبتمني حاجات تانيه اكيد...ولو علي مستوي المجتمع بتمني ان الناس تبطل عنصريه وكل الناس تحب الخير لبعض اكتر وان مصر" تبقي " ام الدنيا مش هقول ترجع لاني بتمني تبقي احسن من الاوضاع اللي شوفناها عليها...
يااااااااااااه ربنا يرحمنا ،" لا " متهيألي مهما كان في انسان مثالي وبيتقي ربنا وخيرو...و..... بس برده هيكون طمعان انه يكون أحسن وأفضل علشان يثاب اجر ونعمه من عند الله ، وانا بقي عبد غلبان وفقير الي الله ومحتاجه وطمعانه في عفوه ورحمته وهدايته ورضاه لاني اكيد عندي ذنوب وكل العباد سقيمه من الخطايا ... :( بس امليين في رحمة ربنا الواسعه
السؤال ده اجباري ؟!! ، ممكن تكون فكرة ان البنت كائن أو مخلوق اضعف من الولد وان لازم يكون في راجل بيحميها ويدافع عن حقها"طريقة التفكير دي بكرهها" وبرده فكره ان البنت اللي بتقول رأيها بشئ من الحريه أو بالطريقه اللي هي مقتنعه بيها انها بتكون مش محترمه او او.... علي الرغم من الممكن انها بتكون عقليا واخلاقيا افضل من غيرها اللي هي مش بتحاول تبين رأيها بوضوح
هههههههه بيقولو عني اني كنت هاديه بس انا فاكره اني كنت بنزل العب كوره في الشارع مع اخواتي وكان شعري قصير وبلبس كاب وطقم كوره زيهم وكل يوم اطلع البيت متعوره في رجلي :( وفاكره كمان كنت ساعات بلعب انا وانتي يا سوسو بالعجله والعرايس في شارعنا برده متشردييييين بقي