فيه جُملة بتقول " إللي في قلبه حنيّة عِشرته فيها الأمان " يعني ايه ؟ يعني اللي قلبه حنيّن في عز ماهو متضايق منك ومتخانقين مع بعض ، مش هيفكر ويخطط ازاي يوجعك ، مش هيقلل من كرامتك ولا هيفكر يهيــنك ولا هيدوس على نقطة ضعفك ، مش هينكر الحلو اللي شافه منك ولا هيفتكرلك العيوب بس..أيامك معاه هيبقى فيها أمان ع روحك وقلبك وحياتك كلها حرفيًا مش أي حد عنده القدرة علي العطاء ، في ناس عندهم جمود إحساس تجاه الآخرين ولا حتى تلاقيهم متأثرين من جواهم ، مبيعرفوش يهوِّنوا ، مبيعرفوش يطبطبوا ، مبيعرفوش حتي يسمعوا دوروا ي جماعه على ناس حنينة في كل حاجه .. ناس شبهكم .. ناس تخفف عنكم .. دول أجمل رزق ف الدنيا .. وخير القلوب أحنّها .
المعاناه هتخليك انسان كويس و فاهم هو بيعمل ايه في حياته بشكل واضح و من غير لخبطه لكن في المقابل هتكون زاهد في كل الحاجات اللي حبيتها و اتمنيتها زمان و مش هتكون عايزها خلاص .
أنا من النوع اللي مبيعرفش يعامل حد وهو زعلان أو شايل منه .. يا اعاتبك ونصفى ، يا إما نخرج بالمعروف حفاظاً على كرامتي وكرامتك ، حتة النفاق والمجاملة واني أكلمك من ورا قلبي وانا مش طايقك وشايل منك دى مش بتاعتي ومعملتهاش قبل كدا ومش هعملها ..
هيفضل أصعب حاجه ممكن يمر بيها الأنسان إنه يصيبه الحزن فجاه حقيقي مفيش أصعب من نوبات الحزن اللي بتصيب الأنسان وقلبه ويتحول من انسان مرح بيحب الدنيا واللي حواليه الي انسان حزين فاقد الشغف والقدره علي المقاومه ..!