تعريض متكرر للمدح والثناء وتكرار العبارات يلي بتركز على الصفات الشخصية المميزة والصبر على هاد الشي لانه الثقة يلي انهدمت بسنين ما رح ترجع تنبنا بشهر زمان و الله يكون بعونها
سلامة قلبك من هز الثقة 💓
معك حق الموضوع بيشكل حيرة كبيرة احيانا انو شو زايدين عني أو انا شو ناقصني؟ معقول فيني شي غلط؟ وبتبلش هي الافكار وهاد شي جدا طبيعي
برايي هاد الموضوع الو عدة جوانب:
اول شي : نحن بحاجة نوسع تفكيرنا ونآمن بالاحتمالات المفتوحة: نحن عطول منطلع بس ع اللي قدامنا يعني منشوف الدنيا من خلال الأشخاص يلي حولينا وتجاربن الن بالذات وكلشي خارج هاد الشي منعتبرو مو موجود
كيف يعني؟ يعني الشباب اللي حوليكي مالن كل الشباب على كوكب الأرض، والناس يلي اجتمعتي فيهن بمرحلة معينة ما رح يشكلو بالنسبة لالك شي بعد كم سنة، رح تتعرضي لتجارب كتيرة رح تقابلي ناس كتير بجوز تزوري أماكن كتير والله يجمعك بنصيبك، الاحتمالات كتير مفتوحة لو بدنا نفكر بأبعد من محيطنا شوي صغيرة..
وبالمقابل الله اعلم بجوز يكون الشي الاصح لالك بفترة معينة انو تكوني لحالك، بجوز تكوني ح تتعرضي لتجارب معينة هلأ حتتعلمي شي معين لازم تتعلميه قبل ما تتزوجي لانو حيكون مفيد كتير لالك وقت تتزوجي!
دايما رددي هالاحتمالات وغير احتمالات ولا تضيقي تفكيرك بالشي يلي شفتيه بهالكم سنة او الشي يلي شايفينو يلي حوليكي انه هو الصح الوحيد، وحيطي نفسك بالناس يلي تعزز هاد الشي عندك وقللي قدر الإمكان من الناس يلي مليانة سلبية ويأس وما بتفكر أبعد من أنفها
تاني شي: الايمان بالنصيب شغلة كتير عظيمة كتير مكررة ونحن منننساها بنفس التكرار يلي بتتكرر فيه قدامنا!
نصيحتي انو اتخيلي انو في شخص اسمو "س" هو رب العالمين بالسما كاتبلي يكون نصيبي، هاد الشخص بجوز يكون ببلد تاني، وبجوز يكون قدامك، مو مهم كل هاد، المهم انو انتي تقتنعي انه رب العالمين هوة يلي مسمّيه مو انتي، ولما بدكن تلتقو رح تلتقو مهما كان الموضوع مستحيل بنظرك هلأ ومهما طولت المدة، وازا كان رب العالمين مو مسمّيه لالي ف مافي اي شي بالعالم رح يخليه يكون نصيبي..
هي الطريقة لأي شي بالحياة نحن منرغبو ومتعلقين فيه، وبنفس الوقت متأكدين انو ربنا معنا وحيعطينا الشي يلي منتمناه وما رح يعرضنا لشي هوة شر النا..
الله يقدرنا جميعا انو نحس من جوا بهاد الشي ونعرف انه اختيار ربنا هوة الخير المطلق يلي مافي قبلو ولا بعدو خير ❤️ وينور قلوبنا باليقين على طول يارب ويملاه رضا 💓 وسلامة قلبك مرة تانيةView more
Sunset
هايات
الكلام 💞
فضفض للورق
اكيد احكي وفضفض اكيد هاد جزء كبير من العلاج واتخذ الك صديق يكون مخلص ورايدلك الخير
انا اسفة ماشفت السؤال قبل.. يمكن فاضلتي وخلصتي الله يخترلك الخير ♥️
رايي بالاختصاص هو رايي الي يلي بجوز يناسبك وبجوز لاء.. وانتي بدك تفوتي اختصاص ع رايك انتي 💜
والله ماكتير عندي معلومات بعتذر منك 😢 حاكيني ازا حبيتي عالخاص ببعتلك اسم حدا يساعدك
يعني حسب الاشخاص في ناس ممكن تحسي رح يفيدوكي بدون ما يفهموكي غلط وفي ناس العكس ف انتي بدك تعرفي تختاري وتقرري